VOV.Bahnar - Tơ̆ anih jang Khŭl kơdră teh đak, Phŏ Thủ tướng Lê Tiến Châu pơgơ̆r ‘măng hop akŏm hăm Anih tơm vei lăng găh jang pơtho pơhrăm kŭm hăm dôm anih tơm, anih jang ƀơm truh vă dăr hơlen tơdrong jang pơgơ̆r ‘Măng pơlong hŏk đĭ lăm 12 sơnăm 2026 păng hơmet ăn sơnăm hŏk ‘nao 2026 - 2027.

VOV.Bahnar – Tơ̆ phường Buôn Ma Thuột, dêh char Đắk Lắk, Anih tơchĕng hơlen păng Iŏk yoa kơmăy kơmŏk tơroi tơbăt (R&D) jang hơdoi hăm Radio nơ̆r pơma Việt Nam tơ̆ tơring Tây Nguyên, pơgơ̆r pơih lăm pơtâp pơhrăm “Trong chih podcast hơtŏk tơdrong chih tơroi lơ̆m kơmăy sô̆”.

VOV.Bahnar – Anih chĕp kơ̆l Đảng dêh char Đắk Lắk hơlen năng 1 sơnăm bơ̆ jang kiơ̆ Khul kơdră pơgơ̆r tơring 2 tăl tơ̆ dêh char.

VOV.Bahnar – Tổng Bí thư, Kơdră teh đak Tô Lâm kŭm hăm hơkăn ƀok păng khul tang măt ăn teh đak bơ̆n truh akŏm păng pơgơ̆r jơ tơƀâp khul tơpôl, bơngai tĕch mơdro păng bơngai juăt jang kơ Việt Nam tơ̆ Philippines.

VOV.Bahnar - ‘Măng hop akŏm mă 3 Jơnŭm pơgơ̆r kon pơlei dêh char Gia Lai jăl XIII, jăl jang 2026-2031 hlôi pơdrơ̆ng kiơ̆ 40 tơdrong tơchơ̆t gĭt kăl vă hơmet pơ ‘lơ̆ng trong jang tơgŭm, pơtrŭt hơtŏk tơiung mŭk drăm - tơpôl, vei sơđơ̆ng teh đak.

VOV.Bahnar - ‘Năr (28/5), Khŭl kơdră chĕp kơ̆l Anih jang Đảng dêh char Khánh Hòa pơgơ̆r hop akŏm tơbăt hơdăh dôm tơdrong tơchơ̆t găh tơdrong jang kang ƀô̆ vă hơmet tôm khŭl bơ̆jang, hơtŏk ‘lơ̆ng đei yua vei lăng, pơgơ̆r đơ̆ng dêh char truh tơring.

VOV.Bahnar - Tơ̆ phường Quy Nhơn Nam, dêh char Gia Lai, Anih tơm vei lăng găh Pơtho pơhrăm jang hơdai hăm Anih jang tang măt ăn teh đak Phalăng tơ̆ Việt Nam pơgơ̆r Hop akŏm Pơtho nơ̆r Phalăng sơnăm 2026.

VOV.Bahnar - ‘Năr 28/5, tơ̆ hnam tơ̆ng tih Khŭl kơdră teh đak, Thủ tướng Thái Lan păng Hơkăn sư hlôi pơgơ̆r lêh sơng Tổng Bí thư, Kơdră teh đak Tô Lâm păng Hơkăn sư păng khŭl tang măt gĭt kăl Việt Nam. Lăp đơ̆ng rŏng kơ lêh sơng, Tổng Bí thư, Kơdră teh đak Tô Lâm păng Thủ tướng Thái Lan hlôi pơgơ̆r pơma đam.

VOV.Bahnar - Tơ̆ tơring kon kông, dêh char Gia Lai oei adrin pơjing “đon lui ăn kon pơlei” kơjăp ‘lơ̆ng tơ̆ tơring. Hăm tơdrong vang jang hrơ̆ch ‘lơ̆ng đơ̆ng rim anih jang chinh trĭ, lơ tơdrong hơlĕnh pơdăr, ‘mĕh phă ngơ̆r teh đak kiơ̆ đơ̆ng tơdrong lui khop, pơhlŭ pơhlôm, pơm chere hơdrĕch hơdrung hlôi đei găn đĭ. Vei kơjăp ‘lơ̆ng pơlei pơla hrei ‘nâu ưh lăp vei lăng ‘lơ̆ng tơdrong sơđơ̆ng đĕch, mă oei jing tơdrong adrin, vei kơjăp đon lui đơ̆ng kon pơlei hăm Đảng, hăm teh đak.

VOV.Bahnar – Năr 28/5, tơ̆ Hà Nội, Kơdră Kuô̆k hô̆i Trần Thanh Mẫn pơgơ̆r Hop akŏm Hô̆i đŏng kon pơlei jơ̆p teh đak tơlĕch trong jang, sơnong jang ăn jăl jang 2026-2031.