VOV.Bahnar – Dêh char Gia Lai 'nao kĭ pơkăp sơnong pơkă atŭm tơring kơdrơ̆m Quy Nhơn păng Pleiku truh sơnăm 2050, sơkơ̆t hơdah pơjing 2 tơring hơtŏk kơtang đak dơsĭ - groi kông, pơjing jơhngơ̆m pran hơtŏk tơ-iung lơ̆m tơring.

VOV.Bahnar - Ƀlep ƀât tơbăt 81 sơnăm năr Tơring pơbăh iung tơblăh (23/9/2026), kơsơ̆ 13/9, Kơdră Quốc hội Trần Thanh Mẫn năm ngôi, bơ̆ jang hăm Khul linh đak dơsĭ păng dăr lăng tơ̆ yăn âu găh Lữ đoàn Ƀato môch đak 189, tơ̆ kơdông linh Cam Ranh, Tơring 4 Khul linh đak dơsĭ, dêh char Khánh Hòa.

VOV.Bahnar - Tơ̆ phương Pleiku, Kŏng an dêh char Gia Lai pơgơ̆r Hop akŏm KOL, Bơngai jang vei lăng dêh char Gia Lai sơnăm 2026 hăm hơnăn "Bri kông tơƀưh đak dơsĭ - Păr ang đon lui kơsô̆”.

VOV.Bahnar - Đơ̆ng rŏng 2 năr pơjei băl, 10 lơ̆m kơsô̆ 25 tơdrong jang tơ̆ vŏng bán kết Tơdrong thi Iung jang xa rơgŏh ‘lơ̆ng ‘măng mă 12 – sơnăm 2026 tơring Tŏk bŏk – Tây Nguyên đei rơih mât thi lơ̆m vŏng mă hơtuch kơ teh đak, đei 4 Tơdrong jang găh Grŭp A păng 6 tơdrong jang găh Grŭp B.

VOV.Bahnar - Kơmăng hei 13/9, Thủ tướng Lê Minh Hưng kŭm hăm khŭl tang măt gĭt kăl Việt Nam hlôi vih truh tơ̆ Hà Nội, pơtôch 'lơ̆ng hơiă 'măng năm bơ̆jang vang truh Hop akŏm tih BRICS 18 păng bơ̆jang 2 pang tơ̆ Ấn Độ.

VOV.Bahnar - Việt Nam tŏk bŏk ƀrư̆ ƀrư̆ tơplih pran đơ̆ng tŏk mŭk drăm gơnang lơ̆m tơdrong đei hơdrol jing hơtŏk tơiung gơnang lơ̆m khoa hŏk kơmăy kơmŏk, chih răk, tơdrong 'lơ̆ng păng tơdrong kĕ pơjei. Lơ̆m tơdrong choh jang sa, tơdrong tơplih 'noh tŏk bŏk đei ƀôh roi 'năr roi hơdăh kiơ̆ trong pơgơ̆r pơm tơlĕch, hơmet ming tơring pơm tơlĕch, tơchă băt anih pơm tơlĕch păng kơchăng pơm lăp hăm dôm tơdrong 'meh vă roi 'năr roi hơlen đơ̆ng anih tĕch mơdro apŭng plĕnh teh. Đơ̆ng Tây Nguyên, dôm tơdrong jang păng trong jang 'nao tŏk bŏk tơgop dơ̆ng dôm tơdrong tơƀôh hơdăh ăn tơdrong tơplih 'noh.

VOV.Bahnar - Năr 10/9, tơ̆ Paris, teh đak Phalăng, Tổng Bí thư, Kơdră teh đak bơ̆n Tô Lâm hlôi đei ƀai đŏk pơih blŭng ah 'Măng hop akŏm juăt jang kơpal gah hơnăn “Pơjing rơvơ̆ng plenh 'nao kơyuơ minh apŭng plenh teh tơplih tenh kuăng” lơ̆m tơdrong Hop akŏm kơpal apŭng plenh teh gah rơvơ̆ng plenh.

VOV.Bahnar - 8 khei kơ ou, dêh char Khánh Hòa sơng hloh 18 triu 'nu tơmoi, tŏk jê̆ 40% pơtêng hăm khei năr ou ah sơnăm sơ̆.

VOV.Bahnar - Đơ̆ng blŭng sơnăm truh dang ei, tơ̆ dêh char Đắk Lắk đei hlŏh 6.100 'nu bơngai jĭ pơlŏ lĕch đe, vă jê̆ 1.500 'nu bơngai jĭ jơ̆ng ti ƀơ̆r păng kơhrĕng 'nu bơngai jĭ chŭ, lơ̆m nŏh bơngai jĭ mă lơ 'nŏh hŏk tro. Tơ̆ hơnăp tơdrong 'nâu, dôm hnam trưng păng anih jang kơpal oei hơtŏk lơ trong jang tang găn jĭ, kơchăng vei lăng 'lơ̆ng anih hŏk pơhrăm păng găn ƀiơ̆ tơdrong krê jĭ tơpoh lanh.

VOV.Bahnar – ‘Năr 10/9, lơ̆m ‘măng năm ngôi tơ̆ teh đak Mông Cổ, Kơdră Quốc hội Trần Thanh Mẫn hlôi tơƀâp, pơma nuh hăm Thủ tướng Mông Cổ pơm hloi Kơdră chĕp kơ̆l Đảng Kon pơlei Mông Cổ Nyam-Osoryn Uchral.