Tơ̆ jơ bơ̆jang, 2 păh hlôi pơma dơnuh găh tơdrong hơtŏk tơiung pơvei Jang hơdai gĭt kăl tôm tơdrong đơ̆ng Việt Nam păng Liên bang Nga lơ̆m khei ‘năr trong jang tơbôl hiôk hian, pơm tơ ‘ngla kơdih đơ̆ng Việt Nam; pơma dơnuh găh dôm tơdrong jang hơdai tơm păng tơdrong ‘lơ̆ng tơ̆ hơnăp kơnh. Dôm bơngai tang măt kŭm pơma dơnuh găh tơdrong tơgoăt pran đơ̆ng Nga lơ̆m dôm tơdrong jang kơmăy kơmŏk ‘nao; pơma dơnuh găh dôm trong jang hơyơ găh pơtho bơngai jang păng tơchĕng hơlen atŭm vă vei sơđơ̆ng tơdrong jang hơdai âu hơtŏk tơiung kơjăp păng đei yua lơ̆m khei ‘năr đunh.

Ƀok Nguyễn Thanh Nghị ‘meh vă dôm bơngai jang lơ̆m Khŭl kang ƀô̆, kơdră chĕp kơ̆l liên bang Nga kiơ̆ lơ̆m kơchư̆k jang đơ̆ng kơdih gô jing gơng tơƀưh ăn tơdrong pơvei 2 teh đak, tơgŭm tơdrong tơbôl joăt joe Việt Nam – Liên bang Nga roi ‘năr roi hơtŏk tơiung ‘lơ̆ng hơiă, kơjăp yua kơ tơdrong hiôk hian păng hơnŭk hơnoa kơ pơđĭ 2 teh đak.