Đơ̆ng khei 6 truh dang ei, tơring ou đei 8 'măng teh tơmo hơlih ƀơ̆t 'mi tih, pơm hli hlơt hăm bơngai păng gre vih vơ̆t kiơ̆ trong ou. Kiơ̆ đơ̆ng chă hơlen lăng, hơnih taluy kơjung pơhlom 20-25m, hơtaih pơhlom 120m; teh păng tơmo, ưh đei hơrăng ƀônh kơ hơlih hor ah 'mi tih. Trong chă hơmet noh kôch tơjur hơnih taluy tơ̆ hơnih teh tơmo hơlih, đơ̆ng rŏng kơ noh chô̆ hơmet hăm thep, cáp thép, hơnhuăl pơsei păng kơđĭnh hơtol thep...

Kơsô̆ jên asong ming man pơhlom 15,64 tih hlj, đei iŏk đơ̆ng jên 'măn tang găn păng tơjră 'mi kial đak hơbông pơrăm sơnăm 2025 oei rơkah păng jên đei pơtruh đơ̆ng dôm tơdrong jang nai. Hơdrol kơ noh, 'mi tih pơm ăn tơmo đơ̆ng taluy hơlih huăng tơ̆ trong hơ̆ng Prenn, pơm tơhlăk tăk trong nơnăm. Năr 22/9, Hơnih jang vei lăng kon pơlei dêh char Lâm Đồng tơroi tơbăt gah tơdrong kăl păng hli hlơt tơ̆ tơring ou.