Iŏk đei jơnei ƀôh hơdăh đơ̆ng tơplih kơsô̆ tôm tong khei năr ou ki ‘noh ư̆ng yŭng VNeID păng hơnih mong răk yưh lĭu tơring kon pơlei oei hlôi tơmơ̆t atŭm 8 tơdrong kơtơ̆ng ang, hla bơar hăm 18 triu tai khoan đei iŏk yoa tơdrong oei sa tơpôl; 25 triu ƀăng vơ̆r gre ... Pơm pơ ‘lơ̆ng 148 triu kơsô̆ điên thoăi lơ̆m hơnih răk yưh lĭu teh đak găh tơring pơlei kon pơlei oei, tơgop pơm dă ƀiơ̆ SIM kư̆ kă păng tơdrong pơm glăi viễn thông. Hơnih răk yưh liu đang viên hlôi vei lăng hloh 5 triu 300.000 hô sơ. Akop iŏk đei tĕch tơlĕch tơ̆ teh đak đe tơmam drăm kmăi kmŏk hơgei jơnei 54% akŏp tĕch mơdro tơmam drăm tơ̆ teh đak đe. Pơma pơtôch hop akŏm, Thủ tướng Lê Minh Hưng athei rim hơnih tơm, hơnih jang, tơring kăl pơm hơtŏk bơ̆ jang ‘lơ̆ng hơnăp jang kơ bơngai chĕp kơ̆l, xek tơlang keh đang rim tơdrong jang tim mă keh păng akŏm pơm rơgoh ‘lơ̆ng hơ iă yưh lĭu kơsô̆ vă pơvih pơvăn ăn kon pơlei, hơnih mơdro sa trŏ lăp hloh. Rim tơring kăl iung jang pơjing hloi trong jang pơtrŭt găh hơnih jang, trong bơ̆ jang, pơm hla bơar păng thuê̆ vă tơgŭm djru hơnih jang khoa hŏk kmăi kmŏk đei pơjing, tơchăr păng tĕch mơdro dôm tơmam drăm kơtă lơ̆m tơring hloi.