Tơ̆ Hop akŏm, Thủ tướng Lê Minh Hưng pơma hơdăh athei sơđơ̆ng pơtruh ŭnh hơyuh jĭ tơdrong gĭt kăl hloh vă jang kiơ̆ jơnei rim trong tơlĕch jang, tơdrong jang atŏk tơ iung mŭk drăm-tơpôl lơ̆m sơnăm 2026 - sơnăm gĭt kăl vă sơnăm 2027 jing sơnăm tok kơtang păng jang kiơ̆ jơnei rim trong tơlĕch jang, tơdrong jang kơ pơđĭ jăl jang. Thủ tướng athei, kăl tơlĕch jang rim hơyak kơtang hloh dơ̆ng, sơkơ̆t hơdăh trong iung jang, hơnăp jang hơdăh kơ rim bơngai, hơnih jang đei ƀơm truh hăm tơdrong tơlĕch jang kiơ̆ Trong pơprŏ jang ŭnh hơyuh. Hơnih tơm vei lăng mơdro sa pơm tơm, iung jang hơdoi hăm rim hơnih tơm, hơnih jang đei ƀơm truh, rim tơring găh tơdrong tơlĕch jang kiơ̆ rim tơdrong vă jang; pơm hơdăh hơnăp jang kơ rim hơnih bơ̆ jang lơ̆m jang kiơ̆, hơmet pơ ‘lơ̆ng tơhlăk tơhlĭn. Tơdrong hơmet ming kăl sơđơ̆ng jang kiơ̆ gơh, keh đang păng tơmơ̆t iŏk yoa tơdrong vă jang, pơm kiơ̆ ƀlep tơdrong tơchơ̆t păng sơđơ̆ng ‘lơ̆ng.