Tơ̆ jơ sơng, Kơdră Quốc hội pơma hơdăh, Kơdră chĕp kơ̆l gĭt kăl hloh 2 Đảng, 2 teh đak khei ‘năr âu ki hlôi iŏk đei lơ tơdrong hlôh vao atŭm gĭt kăl, drơ̆ng 1 nơ̆r hơnơ̆ng pơm ‘lơ̆ng tơdrong pơvei Jang hơdai gĭt kăl tôm tơdrong, pơtrŭt pơjing Tơpôl vang tơgŭm băl tơ̆ hơnăp kơnh Việt Nam - Trung Quốc đei tơdrong ‘lơ̆ng gĭt kăl tŏk ‘lơ̆ng ‘nao lơ̆m chăl ‘nao.

Yak mơ̆t lơ̆m khei ‘năr hơtŏk tơiung ‘nao, Kơdră Quốc hội Trần Thanh Mẫn ‘meh, Khŭl jang Tơbôl kon pơlei Trung Quốc, Khŭl Tơbôl Trung - Việt kŭm hăm dôm anih jang tơbôl kơ Việt Nam hơnơ̆ng hơtŏk hơnăp jang pơm gơng tơƀưh, vang hơdai băl vei răk, jang pơtăl păng pơm ‘lơ̆ng hloh dơ̆ng tơdrong tơbôl joăt joe Việt Nam - Trung Quốc.