Đăk Lăk dang ei đei hloh 217.600 ha kaphê, păng jê̆ 33.800 ha kơsu. Tơdrong vei lăng tơring pơtăm, sơkơ̆t hơdah tơm a la chă tơmam drăm păng hơlen lăng tơdrong tơrĕk truh hiong bri jing tơdrong jang kăp gĭt hăm vei sơđơ̆ng tơring tĕch răt hăm teh đak đe kơ 2 tơdrong jang dơnơm ou. Dang ei, dêh char tơlĕch dôm sơnong jang, đơ̆ng chih akŏm yư lĭu, hơlen lăng kơtơ̆ng ang gah tơring pơtăm truh hơtŏk tơdrong hlôh vao păng pơm jang đơ̆ng hơnih jang mŭk drăm, hơp tak xah, kon pơlei.

Hơnih jang Khua hŏk păng Kŏng ngê̆ Đăk Lăk đei pơjing, vei lăng păng iŏk yua yư lĭu, 'măn ăn tơdrong jang kiơ̆ dôm tơdrong tơchơ̆t đơ̆ng Jơnŭm jang châu Âu. Hơnih Choh jang xa păng Cham char dêh char Đăk Lăk athei pơjing Khul jang EUDR kơ dêh char vă atŭm iŏk jang tơdrong tơlĕch jang. Jơnŭm pơgơ̆r dôm xah, phương hơtŏk kơtang tơroi tơbăt, pơtho ăn kon pơlei; hơlen lăng kơtơ̆ng ang gah tơdrong jang, hơnih jang păng tơdrong iŏk yua teh lơ̆m tơring. 'Nou adoi jing tơdrong kăp gĭt vă hơtŏk tơdrong lui ngeh ăn chih akŏm yư lĭu tơring pơtăm, 'măn ăn tơdrong pơtêng hăm kơtơ̆ng ang gah teh păng bri.