Pơtơm đơ̆ng khei 3/2026, Tơdrong pơlong hlôi đei lơ đon viên hơdruh tơdăm lơ̆m jơ̆p teh đak, hăm hloh 462.600 pơtruh ƀai pơlong, hăm 6 tơdrong tơroi đei Ƀăo, Tap chĭ, Rapor pơre nơ̆r, Pơdah tivi, Video păng Bieh rup, pơjing cham char vă đe đoan viên, hơdruh tơdăm tơbang hơdah gah nơ̆r pơma xa kiơ̆ lơ trong, trŏ ƀlep hăm tơdrong tơroi tơbăt 'nao hơgei. Jơnŭm pơgơ̆r hlôi rơih păng pôk hơpah ăn 59 tak phâm hơgei păng 1 tơmam hơpah ăn hơnih jang đei lơ ƀai pơlong hloh.

Đơ̆ng tơdrong pơm jang pơtơm kơ Tơdrong pơlong sơnăm 2026, Trung ương Đoan hơdruh tơdăm sơkơ̆t hơdah pơtoi tơplih 'nao tơdrong tơroi tơbăt, pơtho gah chĭnh trĭ, đon tơchĕng; hơtŏk pơm kiơ̆ kơmăi kơmŏk 'nao păng iŏk yua tơdrong kơchăng gơh hơgei kơ đe hơdruh tơdăm lơ̆m cham char tơplih kơsô̆, atŭm hăm noh pơjing đei cham char vă đe sơnăm mơlôh vang jang kơtă lơ̆m tơdrong jang vei lăng đon tơchĕng trong tơlĕch jang đơ̆ng Đảng.