Sơkơ̆t hơdah Jơnŭm pơgơ̆r teh đak Việt Nam pơtoi hơtŏk 'lơ̆ng tơdrong jang mơdro xa, pơm trong hiôk ăn rim hơnih jang mŭk drăm châu Âu, lơ̆m noh đei Airbus, pơih să tơdrong jang, asong jang trŏ ƀlep hăm khôi luơ̆t Việt Nam, Thủ tướng lui ngeh hăm tơdrong jang tơbôl 'lơ̆ng rŏ lơ̆m 40 sơnăm yak hơdoi, jang hơdoi đơ̆ng Việt Nam păng hơnih jang Airbus gô pơtoi yak ah jăl jang hơtŏk tơ-iung 'nao, đei jơnei tơpă hloh, kơyuơ tơdrong pơyua kơ 2 pah.

Ƀok Wouter van Wersch drơ̆ng nơ̆r hăm dôm nơ̆r pơtruh đơ̆ng Thủ tướng, sơkơ̆t hơdah Việt Nam jĭ minh teh đak jang hơdrol hloh kơ Airbus, hơnih jang lăng ƀôh trong hiôk tih tên păng 'meh vă hơtŏk jang kơjăp hăm Việt Nam; ưh hơdrô̆ lơ̆m asong gre păr mă oei pơjing tơdrong jang hơdoi đunh khei năr, hơtŏk tơdrong tơgar ăn tơdrong jang gah gre păr Việt Nam.