Dhar kapul daong urang ruak Bao Hoa:

yaok bilan ngak pahla labaih 600 trieu dong

        Dhar kapul daong urang ruak kathaot Bảo Hòa, di labik ka 51 jalan Nguyễn Văn Giai phường Đa Kao, quận 1, ban raya HCM luac 24 thun tapa hu daong ka yaok pluh ribau urang ruak kathaot. Yaok bilan, dom urang halan hatian di ini ngak pahla tal labaih 600 triệu đồng. Kadha vak di urang vak di rayo sap ndom VN daok di ban raya HCM ndom ka libik ngak pahlah ini :  

       Kol dahlak nao tal jabat dhar kapul njauk tuk rilo urang ruak mai taduan mek jien vé radaih daong nao palei. Ông Lê Hữu Thức palei daok di xã Hòa Đồng, huyen Tuy Hòa, tỉnh Phú Yên hu taduan mek jien daong 700 rabau đồng saong amuk Lê Thị Sơn palei daok di xã Nhơn Châu, ban sit Quy Nhơn, tỉnh Bình Định hu taduan mek jien daong 500 rabau đồng bui sambai brei thau : Dahlak likau ndua dhar phuan dhar kapul pahla Bảo Hòa hu daong dom paok pandap dalam tukvak daok iek ruak di sang iek ruak. Dua tra veik lac daong rilo jien radaih nao palei mbang tet bui sambai”

     Amuk Lê Thị Sơn lac veik :  Bruk daong di ini biak abih hatai. Daong jien radaih piah nao palei, daong mì tôm, pandap panda ginup abih. Urang ruak biak bui sambai.”

      Yaok bilan, dhar kapul daong urang ruak kathaot Bảo Hòa daong jaik 300 triệu đồng jien radaih ka urang ruak kathaot. Yau nan ye, bruk pahla di dhar kapul oh kurang hu bruk rik daong meng dom mạnh thường quân. Amuk Mạc Thị Kim Dung daok di phường 13, quận Gò Vấp, ban raya HCM ba kadung brah 20 kg daong brei dhar kapul khan lac : Meng hatian pahla di drei, dahlak hu hasit piah daong dom Nai, Cei gaok kan kandah yau di sang iek ruak Ung Bướu. Dalam tuk tet ini, dahlak daok patak pataom piah daong.”

      Tok padheih harei adit, daok yaok harei karei, meng yaok 2 tuk pagaiy dom urang halan hatian medheih tagok ngak mbang huak, piah 8 tuk hu var huak pagaiy, 14 tuk hu var bair harei ba tal tangin urang ruak. Ông Nguyễn Văn Sáu,phaok akaok dhar kapul daong urang ruak kathaot Bảo Hòa brei thau : Drei ngak bruk nan piah daong ka urang ruak patrun kan kandah di tuk iek ruak. Hu rilo urang ndom lac jien lisaiy saong jien jru jaik sumu gauk, yau nan ye bruk daong di dhar kapul jeng talaih ka urang ruak biak rilo jien iek ruak. Anak tal, kol dahlak kham merat pambuak bruk saong dom sang iek ruak piah daong dom urang ruak di ini tuk oh ka hu ging mbang pahla.

     Luac 24 thun tapa, yaok harei dhar kapul daong urang ruak kathaot Bảo Hòa brei jaik 1.800 suất lisaiy pagaiy – bair harei ka urang ruak kathaot di 4 sang iek ruak Gia Định, Ung Bướu, Chợ Rẫy, 115 saong urang kathaot di puk palei. Yaom jien dom suất lisaiy brei saoh lac labaih 300 triệu đồng yaok bilan. Kuhria gam jien daong radaih saong brei ka 30 urang ruak, urang raong urang ruak daok trọ saoh, yaok bilan dhar kapul daong urang kathaot Bảo Hòa ngak pahla yaom labaih 600 triệu đồng./.