Nam thun dahlau, sang di nai H Phương Knul, daok di mbon Tuôr, xa Hòa Phú, tinh Dak Lak hu brei daong padang sang. Hu sang daok karo, diuk pasang di sa-ai ba bih prein yava tame bruk ngak mbang truh kathaot. Min mada hu yau nan min jien mek tame oh karo kajap. Sa-ai H Phương Knul khan brei thau lac:

“Dahlau diah sang dalak dalam dom baoh sang kathot, oh hu sang danaok daok. Karja daong sa banah, dalam sang patak pataom meng padang ngak hu saong daok ini, jeng ye kuhria ka anek bik nao bac magru. Dahlak caong Karja daong caik hatai daong bruk ngak duah hu jien tame tabiak brei ka dom boh sang daok kan daman dalam mbon palei”.

Sang danaok jalan mbak hu pandang ngak, sang danaok daok hu brei daong mbon Tuôr mboh salih bahrau. Raidiuk ilamo di urang bhum palei dak harei dak tagok glaong, ilamo bangsa hu iek rami ramik khik caga. Urak ini daok sa baoh sang daok kathaot tui tanut kathaot ralo gah. Yaom mada hu yau nan, piah truh iek kathaot karo, bhap bini rahra palei caong khin hu bruk ngak suai atah jeng ye janih ngak tabiak hu palei pablei karo meng siam. Sa-ai H Lin H Đơk, Bi thu chi bo mbon palei Tuôr, khan lac:

“Khol dahlak hulin cong hu urang ngak mbang blei salih peih labik ngak jaik palei piah ka urang ngak di palei, hu labik pablei karo, daong ka urang palei sahnang hatai daok dang ngak mbang”

Dak Lak hu 44 bangsa gam daok. Dalam 5 thun tapa, tỉnh hu pakat nagar brei 6.837 ty dong piah ngak klau danak dak program tui akaok mbram nagar; jien di pakat palei labaih 1.688 ty dong. Meng phun jien ini brei ngak jalam mbak dom janih ngak mbang, daong jien phun, pato tacei bruk ngak jeng ye pambuak darak pasar, daong yaok ribau baoh sang urang kathaot, urang jaik kathaot dan dom baoh sang bahrau truh kathaot daok dang ngak mbang karo dalam raidiuk.

Kayua hu yau nan, tukvak meng 2021–2025, dom baoh sang urang kathaot di dalam bangsa urang takik trun daok 4,47% dalam yaok thun. Mbiah tal thun 2025, taong abih dalam tỉnh hu 1 xa dan saong 65 palei tabiak truh baoh sang biak kan; 57 xa mek tanut palei ngak nong bahrau.

Nyom raya mbang XIV di Ndang mek tui akaok mbram dalam 5 thun mai meng anak, baoh sang urang kathot ralo janih vaktu meng thun 2026–2030 mada trun meng 1–1,5 tanut phan tram dalam yaok thun.

Tui jalan ini, Sarak Nyaom raya di Ndang mbo tinh Dak Lak 2025–2030 ba tabiak brei patrun baoh sang urang kathaot trun meng 2%/ thun tagok; urang kathaot di bangsa takik meng 3%/thun tagok, kham marat tal thun 2030 oh daok baoh sang urang kathaot tui ralo janih. Muk Nguyễn Thị Nguyên Thảo, Phaok Akaok Thuong truc UB Bhap bini tinh Dak Lak, brei thau  lac:

“Tukvak 2026–2030, tinh daok daong palagaih phun jien, daong sarak karja gah xa hoi ka bhap bini rahra; peih ngak Sarak 39 di Ban Bi thu, patagok njauk lagaih bruk pandar phun jien, ba phun jien tame bruk ngak mbang, blei salih, daong patagok prein yava patagok palei ngak nong bahrau, patagok kinh te - xa hoi bhum urang bangsa takik, bhum ceik, khik siam karo kajap bruk daok dang mbang ngui di rahra dalam tinh.”

Patrun kathaot di tinh Dak Lak daok tame bahrau, tui caong khin cambaic laic jang brei ka gah ngak mbang jeng ye patagok karo jien mek tame dalam sang. Caong khin di urang rahra bhap bini di hadei Nyom raya mbang XIV di Ndang  ngak yau habar dom jalan, sarak kanjar brei ka karo brei ka jap raidiuk ngak mbang brei ka yaok mbon palei.