Amuk Nguyễn Kim Chi – Akaok Kapul ngak bruk mat tran khu vuc 25, phuong Ninh Kiều, ban Can Tho brei thau, hadei di taduan mek hu harak ba-ar di Mban Thuong truc Uy mban mat tran Negar Viet Nam phuong Ninh Kieu ka bruk parabha manuac urang di labik daok ka bhap bini pilih jeng urang lambaok Hoi ndong bhap bani phuong tukvak 2026-2031, Mban ngak bruk Mat tran labik daok hu peih ngak bruk yaih khan urang tabiak mbok ka urang pilih grap tanat dom asal kadha, hadei di nan, peih ngak nyaom pataom piah cu tri brei panuac ka urang ung cu ini.

"Bruk mek panuac rik daong di bhap bani tui dahlak lac mek ba biak prong. Tuk khan urang tabiak brei ka urang pilih jeng urang  lambaok Hoi ndong bhap bani phuong ye bhap bani sangka abih nan lac bruk sa hatung hatai, hatung hatai ranam taneh aia nagar palei, jeng caong khin urang lambaok hu ilamu saong hu baoh hatai siam piah jaik taphia bhap bani, thau cambaih laih bhap bani, meng nan thau tal hatai caong khin di bhap bani saong jeng ba hatai caong khin di bhap bani tal dom pakat raja-ei”.

 Dalam taong abih 56 urang hu meyaih khan ung cu tame urang lambaok Hoi ndong bhap bani phuong Ninh Kieu 2026-2031, hu labaih 16% nan lac urang jakar daok dam mada. Tui sa-ai Nguyen Phu – Phaok Bi thu Ndoan phuong Ninh Kieu, dom urang ranaih kayua Ndoan dam dara phuong khan oh lac tok ba tui pren ranaih saong caong khin hu rik daong, bo daok hu caong mong lac hu ginup ilamu, that triak dalam bruk ngak piah hu mbaok, naong ba bruk ngak.

 “Ngan haong bruk urang hu brei pok yaih brei ung cu njauk hu angan je dalam kapul nyaom Mban kapul urang Ndoan phuong jeng yau dom jabat daok dalam tuk hu mbaok tame pambuak bruk dalam dom bruk ngak jeng yau paglaong hatai saneng dalam bruk ngak, ba akaok nao dahlau dalam bruk ngak saong jeng thau hasit ngan haong bruk ngak di kapul Ndoan jeng ye bruk ngak di dam dara uranaih."

Tui kuhria dahlau, Hoi ndong bhap bani di ban Can Tho meda palih ruah 85 urang lambaok di dalam 150 urang tabiak brei ka urang pilih, grap tanat taong abih jih gah manuac urang, likei kumei, bangsa saong umo thun; hu parabha di urang ndang, urang raja-ei, urang bol lin pan phao karong, Mat tran Negar, kapul nyaom, agama, gah ngak mbang blei salih kinh te, rah ra bruk ngak saong dom pakat xa, phuong. Daok urang lambaok Quoc hoi khoa XVI, ban Can Tho hu palih ruah 18 urang lambaok, dalam nan hu 10 urang lambaok di labik daok, ngak bruk di puk palei saong 8 urang lambaok kayua Trung uong pok khan trun, taong abih hu 25 urang ung cu.

In lac mbang palih ruah akaok mereip hadei di peih ngak raja-ei puk palei dua pakat; tukvak masa peih ngak meda gaok kan kandah. Thau dahlau hu bruk nan, Mban Thuong truc Uy mban mat tran negar Viet Nam ban Can Tho pambuak bruk khang kajap haong Thuong truc Hoi ndong bhap bani, Uy mban palih ruah, saong dom puk palei pal kajap dom hagait daok rah tabiak, pataom tame tacei ba, samar peih talaih dom kan kandah, tavak tave meng di puk palei. Ong Lê Nguyễn Sinh Nhật – Phaok akaok Uy mban mat tran negar Viet Nam ban Can Tho brei thau:

“Uy mban Mat tran Negar Viet Nam ban Can Tho hu ba,  tacei pato mat tran dom xa, phuong peih ngak tui jalan ngak 5 yam piah pok khan urang brei tabiak ka urang pilih. Dalam nan pataom tame kuhri kuhria ka nyu tani tanat, njauk tui adat hukum bruk peih ngak 3 mbang Nyaom pataom brei panuac ka urang ung cu."  

Ngan haong bruk kuhria caga tani tanat meng di puk palei, gam haong hatai saneng that triak dalam bruk ngak di Uy mban mat tran negar Viet Nam dom pakat saong dom jabat pambuak pagam tal, bruk nyaom pataom brei panuac ka urang tabiak ung cu tabiak brei ka urang pilih ruah di ban Can Tho daok hu peih ngak njauk haong tukvak hu ba tabiak blaoh. Tapa nan, oh lac grap tanat palih ruah hu dom urang lambaok hu jalan diuk rai siam gheih, hu ilamu, lambaok ka dom tal bhap bani, blaoh daok rik daong ngak jeng takai khang kajap piah ka mbang palih ruah urang lambaok Quoc hoi khoa XVI saong urang lambaok Hoi ndong bhap bani dom pakat tukvak 2026–2031 rah tabiak dan chu, siam makre, njauk adat hukum, biak biai hu jeng harei roya di taong abih bhap bani.