Tui HĐ Bhap bini Ban raya Ho Chi Minh, di dalam bhum ini hu 4 labik rah tabiak bruk brei pilih ruah aval, pataom tame jaik abih di dom xa, phuong di tinh Ba Ria – Vung Tau klak dahlau diah, dalam nan hu: phuong Tam Thắng (2 labik), Phước Thắng saong xa Long Sơn.

Ong Lê Xuân Tú, Akaok Uy mban palih ruah phuong Tam Thắng, Ban raya Ho Chi Minh brei thau, dom urang palih ruah di Liên doanh Vietsopetro, dom gah dang ngak pambuak tal gah xang menyek dalam bhum biak praong. Kuhria tal harei  15/3 dom urang palih ruah di lien doanh Vietsopetro saong dom gah dang ngak oh hu mbaok di bhum palei lac 2.655 urang, urak ini bhum palei daok patui veik ngak bruk haong dom gah piah yasa dom urang palih ruah brei peih bruk buh harak aval kayua daok hu bruk karei. Hadei tuk yasa dom urang palih ruah buh harak samar, phuong Tam Thắng kuhria peih bruk palih ruah meng harei 20/2 tal dahlau harei 15/3, labik di mblang kapal ahaok par trực thăng Ban Vung Tau klak. Ong Tú brei thau: " Brei peih kapar haok karei piah ba dom garaong harak nao tal dom giàn khoan piah dom urang palih ruah buh harak. Khol dahlak hulin daok yasa jalan ngak piah ba tagok HĐ Bhap bini Ban raya Ho Chi Minh ka jien peih mbang ahaok par. Sa asar kadha trak lac hu rilo urang palih ruah ngak bruk di angaok gilai, ye lamnge peih gilac daok di labik phuong karei (phuong Rạch Dừa)". 

 Amuk Nguyễn Thị Ánh Hồng, Phaok Mbang Pato tacei Hoi ndong Palih ruah phuong Phước Thắng, Ban raya Ho Chi Minh brei thau: tui Hoi ndong Palih ruah Ban raya, harei 26/2 peih pakak buh harak aval lac bruk oh ngak hu: "Brei kuhria ka harei peih pakak buh harak aval, meyah pandar dalam harei 26/2 peih pakak brei ka bruk buh harak aval ye oh hu. Meyah peih pakak di dom harei 27, 28/2 ye biak kan ka bruk gilac mai di urang palih ruah, min jeng oh daok jalan ngak halei karei. Dalam bruk karei ye kuhria harak di langiu nan blaoh payua bruk kuhria hu mai tui tacei ba di Hoi ndong palih ruah pakat negar".

Ong Châu Vũ, Phaok Jabat Kapul Lambaok vakil Quoc hoi saong HĐ Bhap bini Ban raya Ho Chi Minh brei thau, dom phuong Tam Thắng saong xa Long Sơn ieu lac dom bhum hu rilo urang palih ruah brei buh harak aval. Kayua nan, dom bhum palei brei pasang duah, brei mboh njauk dom urang palih ruah, labik niem yet harak angan urang palih ruah piah padang jalan peih pakak ka lagaih.

Tui ong Trần Văn Tuấn, Phaok Akaok HĐ Bhap bini Ban raya Ho Chi Minh, bruk palih ruah aval di dom phuong Phước Thắng, Tam Thắng saong xa Long Sơn brei rah tabiak anak harei palih ruah lac 17 harei (lac harei 26/2). Min tapi, harei 20/2 lac harei 4 Tet brei rah tabiak Nyaom pataom hiệp thương mbang ka 3, hadei nyaom pataom ini, Hoi ndong Palih ruah pakat negar bahrau ba tabiak harak angan ba drei tame palih ruah lambaok vakil Quoc hoi. Yau nan ye, dom bhum palei tok daok 7 harei piah srap gap bruk palih ruah aval, nan brei ngak biak samar drah, ngak njauk adat brei: " Dom bhum palei brei pataom tame bruk palih ruah aval, urak ini njauk khik kajap bruk srap gap, tal tuk hu harak angan lambaok vakil ba drei tame palih ruah lac brei ngak drah in samar. Taong abih dom banah bruk brei ngak lagaih abih, oh cang tal biai ginum hiệp thương mbang ka 3 bahrau ngak, brei hu jalan ngak meng tuk nan blaoh oh cang tal harei nan (hu harak angan lambaok vakil) bahrau kuhria. Dreih yau jalan cih di Gantt, brei jhul tagok taong abih dom bruk brei ngak".

 Tui HĐ Bhap bini ban raya, bruk srap gap ka mbang palih ruah meng ini tal harei 15/3 ieu lac sa bruk biak praong. Min tapi, ngan haong bruk ba tame ngak samu gauk di sa majam politik saong hatai thau ka bruk di drei glaong di dom bhum palei, bruk srap gap palih ruah brei mek hu jak jeng siam abih, daong tame jak jeng haong gauk di mbang palih ruah lambaok vakil Quoc hoi mbang ka XVI saong lambaok vakil Hoi ndong bhap bini dom pakat tukvak 2026 – 2031 di dalam Ban raya Ho Chi Minh./.