Tui adat cambat, bruk ini bhian hu peih ngak di sa mblang taneh prong, laneng lanoi, jaik phun kayau prong hu rilo sruh dangko. Tui urang Ê Đê, ini hu mong yau labik “taneh siam”, laghaih piah peih ngak adat saong payua dom panuac caong khin tal Yang Po.

Dahlau di harei ngak adat, bhap bani dalam palei jak gauk puh ramik cih saat labik ngak Yang. Dom phun krem hu palih ruah, kaoh trun ngak jeng sang tol tong saong gilang caik padai di apuh. Dalam rai diuk di urang bangsa Ê Đê, gilang padai nan lac labik khik piah baoh jeng siam mekre hadei di yaok bilan ngak apuh, brei mboh ka bruk trei sil. Bruk palih ruah labik dahlau di tuk ngak adat nan lac biak prong. Labik ngak njauk prong prang, laneng lanoi, jaik phun kayau prong hu rilo sruh dangko. Langiu di gilang caik padai, mikva daok ngak dom gilang sit pagap yau labik khik piah dom ndap nda pala drak. Yaok bruk ngak jeng hu pagam abih haong rai diuk saong caong khin hu sa rai diuk trei sil.

Tui tanarakun akaok saneng meng kan, labik ngak adat hu brei tual dom baoh yuh angin. Sap yava di baoh angin gam brei ka bhap bani dalam palei thau labik peih ngak adat, gam hu makna ba patiaok dom kadha kanjah jhak. Dom klaih pacang, maik to hu makna lac pacang khik, pacang caga dom kadha oh siam. Ndap nda hu kuhria caga tani tanat, hu dua drei pabui, dalam nan hu sa drei pabui mbong khang kadang, 5 drei menuk tano, 3 caik tapai. Langiu di nan, daok hu dom ndap nda brei mboh hatai jia, yau: kon ban cuk tangin, talei suan cuk takoi, rup kayau brei mboh ka yang siam, yang oh siam, pabui glai saong khaok patiaok cim birim...

Di dalam sap gong chieng yava tagok, urang iew yang lambaok ka mikva peih ngak adat kakuh po yang, caong khin angin siam hajan lagaih, hamu apuh that siam, phun baoh caih menek, manuac urang khang kadang. Hadei di binah kakuh likau nan lac adat cuk talei tadhau ayuh pren yava, urang iew yang tuan kon ban tame tangin urang lambaok saong bhap bani.

Tuk adat cuk kong blaoh tamat, ye mikva pataom gauk daok menyum iar tapai. Harei roya mboh bui sambai jang tuk dom urang kamei dalam palei pan tangin gauk yam tame tamia xoang tui ragam kong chieng, brei mboh yaom ilamo hu patui khik tapa rilo rai rah.

Adat ngak yang trei sil brei mboh rilo makna karei di gauk. Langiu di bruk likau brei ka bhap bani dalam palei hu rai diuk trei sil, haniem phol, pren yava khang kadang, daok brei mboh bruk gul pataom, pambuak pagam di urang bangsa Ê Đê dalam mbuon palei.

Bruk peih ngak adat cambat jeng lac jalan piah ka rai rah dam dara thau cambaih laih jang adat cambat tanarakun di ong akaok ong kei. Meng dalikan ngak mbang pala drak, urang prong urang taha kakei anek taco thau iek prong brei ka taneh riya, pacang khik glai saong khik ramik dom hagait drei daok hu. Praong di nyu, dalam nan hu adat ngak yang rah tabiak di bilan paik baoh durian. Mikva oh sa janih lac brei payua panuac likau padai bak gilang, apuh padai hu rilo baoh karaoh asal, blaoh dalam bein phun kayau tuk halei jeng bak baoh.

Meng gilang padai hu padang di bein di apuh, panuac pakakuh likau ka bilan yuak kuak mek rilo baoh hu jeng panuac khan gilac ka jalan urang Ê Đê khik ramik asal gul pataom bhap bani. Dom yaom ilamo nan daok ngak jeng pren khang di mbuon palei./.