Salih taka so daok dak harei dak ngak salih bruk di Muyium Gilang Sarak Cam Da Nang khik ramik, yaih khan saong patagok yaom kaom drap ar ilamo bangsa. Ilamo ngak kong oh njauk lac bruk hujung luac di abih, blaoh nyu daok ieu lac sa bruk daok paglaong siam lagaih brei ka bruk khik ramik, gam haong nan peih tabiak dom bruk ba drei tame lagaih, chreih chrai ka bhap bini. Bruk nan brei mboh ilamo ngak kong daok jeng sa banah dak harei dak cambaih laih dalam luac jalan duah thau ka gilang khik ramik ilamu drap ar. Meng bruk maong iek kaya tapa, urang maong iek meda pandar rilo tal khau tin, tapa nan thau cambaih jang ka sajarah, seni nghe thuat seni saong ilamo Champa.

Tui amuk Lê Thị Thu Trang, Yam ndok Muyium Gilang Sarak Cam Da Nang lac, bruk ngak taka so brei ka kaya ndap nda hu peih ngak samu gauk. Tal ini, labik hu pabak ginup dom kadha du lieu di 2.569 kaya tagok Nen tang drap ar taka so gah Ilamo saong Pahat padhih. Njauk caik hatai sangka lac, Gilang Muyim pambuak haong Gah Pasang iek Drap ar Ilamo pakat dunya Mỹ Sơn ngak taka so 3D brei ka 32 kaya kan ndap nda, dalam nan hu 4 Kanya drap ar pakat Negar hu Maligei Mỹ Sơn E1, Patau rup Ganesha, Patau rup Shiva Mỹ Sơn C1 saong Thaik patau Đản sinh Brahma.

Ngak lek taka gam ngak hu jalan khik piah, pasang iek baoh kadha du lieu, gam peih tabiak bruk ba drap ar truh tabiak di labik parang ieik. Dom kaya ndap nda meng nan hu brei maong iek tapak min urak ini hu sa “raidiuk” di labik taka so, duh bruk roh duah, pato megru saong yaih khan pambak praong.

Meyah ngak taka kaya ndap nda brei kein lagaih brei ka baoh kadha du lieu, ye salih bahrau bruk khan kadha lac ba dom baoh kadha du lieu nan nao tal jaik jang haong bhap bini. Muyium Gilang Sarak Cam Da Nang brei mboh salih taka so dalam truyen thong ilamo oh padeih di bruk buh tame ka kaya ndap nda, blaoh daok lac bruk salih bahrau bruk padang, khik piah saong pathau khan asal kadha drap ar.

Tui di nan, labik dak harei dak patagok majam yaih khan truyen thong rilo dalam nan hu website, Facebook, TikTok saong YouTube. Asal kadha ka kaya ndap nda, inem mek, ilamo saong seni nghe thuat Champa hu brei mboh di rilo bruk yau ye video katut, infographic, thaik thaot saong dom asal kadha pagam haong drap ar. Bruk ngak ini daong asal kadha gilang muyim hu nao tal jaik jang haong dom urang bhian pandar nen tang taka so, rilo meng lac rai rah sit umo dam dara. Drap ar kayua nan oh tok hu parang di dom bilik parang, blaoh daok nao tame dom labik bhian randap di raidiuk yaok harei. Ini jeng lac jalan nao njauk lagaih haong bruk di menuac urang ta-eng rivang iek, tuk yaok kapul tuai damuai meda hu palih ruah bruk rivang iek drap ar karei gauk.

Tukvak mai meng anak, bruk jirah rivang iek meng ilamo ngak kong taka so brei patui veik hu peih praong tapa danak dak “Gilang Muyim Da Nang harah krah”. Danak dak kuhria padang labik parang 3D online, brei bhap bini rivang meng atah dom labik parang iek. Gam tui di nan, majam kreih VR/AR brei hu pataom pagam di tapak labik, daong urang jirah tuai damuai rivang iek dom bilik parang oh biak, lac di dalam labik hadah krah oh daok di rai.

Tui jalan di Gilang Muyim, tuk danak dak “Gilang Muyim Da Nang bijak hadah krah” hu peih ngak saong ba tame pandar, rahra, tuai damuai jirah brei hu rilo bruk pandar, rivang iek saong ba drei tame drap ar ilamu. Ilamo ngak kong oh salih ka yaom kaom tamo gok di kaya kar drap ar, blaoh daok jeng talei pambuak daong drap ar hu thau paham dalam jang, pambak praong jang, tapa nan paglaong siam lagaih khik ramik, pato megru saong yaih khan dom yaom kaom ilamo di ban raya.