Patuk mai meng suak yava tabiak khang daong khik caga phổi pacang veik bruk njom tame saong jhul labar saong dị vật tabiak gah langiu. Ini lac sa phản xạ tự nhiên daong ngak hacih, paha jalan suak yava.

Dom makna ba tal patuk:

Kayua cảm lạnh, cúm, dom dị ứng, viêm xoang, viêm phổi, ô nhiễm không khí, ruak trào ngược dạ dày thực quản.

Iek ruak patuk brei thau patuk hu labar atau oh hu labar piah palih ruah jru iek ruak ka nyu lagaih.

Dom janih jru patuk:

Hu gam jru kháng histamin iek ruak dị ứng (phénergan, théralène, atussin), jru pacang patuk ngak brei nghiện (codein) saong jru pacang patuk oh ngak brei nghiện (dextromethorphan). Dom janih jru pacang patuk ngak brei nghiện tapa hệ thần kinh trung ương, jru ngak patagok labik patuk di glo akaok ngan saong phản xạ ngak brei patuk; atau tapa hệ thần kinh ngoại biên ngak patrun độ nhạy cảm di dom thụ thể di khí quản. Dom janih jru nyu ngak brei pran atau patrun pandik angaok thụ thể, khik caga thụ thể pacang cakak dom kích thích atau ngak giãn phế quản. Dom janih jru nan lac: codein, pholcodin, dextromethorphan, clobutanol, dropropizin, eprazinon, ngan saong dom biệt dược terpicod, paderyl, nospan, maxcom... Dom janih jru ini, abih di nyu nan lac codein, pholcodin, dextromethorphan, oh brei pandar ka urang suy hô hấp, hanek, uranaih, urang daok brei anek mum..

Jru ngak brei ralai labar: Jru ngak loãng labar: Nyu ngak mbrang labar daong patuk lagaih yau acetylcystein, bromhexin, terpin hydrat, serratiopeptidase… Brei sangka tuk brei ka urang ruak loét dạ dày – tá tràng menyum. Jru jeng oh brei urang metian hu 3 bilan saong urang brei anek mum menyum.

Bruk praong abih nan lac brei pacang cakak ruak, abih di nyu nan lac dom harei li-ar. Urang ruak brei tarieng tập thể dục thể thao, mbang menyum siam, khik hacih sa-at tagei cambuai, pasram rup pabhap randap saong langik tasik, ngak jeng labik diuk rai hacih saat – yau nan meng hu siam lagaih, suai lavik ka pren yava. Urang ruak patuk brei menyum ralo ia yaok harei, jui daok di labik thu lagu saong la-ar (abih di nyu nan lac diều hòa) nyaik dom labik hu sauk pakao, sauk dhang, dhur mur….

Urang bahrau patuk, patuk từng cơn saong patuk takik meda pandar dom jalan ngak meng kan yau: mek baoh kruoc aik saong ia hani lai saong gauk atau lai ia hani, baoh kruoc aik saong ia pandiak piah menyum nyu thit patuk, abih viêm tarakaong. Atau mek baoh quất saong ia hani hấp piah pabum nyu abih patuk bo oh cang menyum jru./.