Dalam hatai saneng di rilo urang, ung thu bhian pambuak pagam haong urang prong thun, urang taha. Yau nan min, dom thun jaik di ini dak harei daok mboh rilo di urang daok naih, gaok mai umo 20–40 thun hu pasang iek ruak mboh njauk ung thu. Jalan urang ranaih umo dak harei dak mboh rilo njauk ung thu daok ngak ka baoh sang huac kadha saong ba tabiak kadha sua tangi prong: kayua habar urang ranaih umo gilac njauk ruak ung thu avan jang dahlau?

Tui dom gru jru, ung thu tamuh awal. Njauk caik hatai, rilo janih ung thu biak takik mboh di urang ranaih yau ung thu ndai truc trang, tuyen giap, tasau, tung pruac daok hu mboh dak harei dak rilo.

Kadha daok huac kanda hu lac di urang daok ranaih, ung thu bhian hu pasang mboh suai lavik kayua tui akaok hatai saneng di drei, brei mboh lac rup pabhap daok khang kadhang, takik ruak kik. Tuk nao pasang iek ruak, oh takik urang lac daok di tukvak ruak tamuh cak khang, ngak kan kandah tal bruk mek ruak.

Dom gru jru ndom lac jalan diuk rai bahrau nan lac sa dalam dom mekna dang akaok ngak ka ruak ung thu hu duah mboh awal. Urang ranaih umo harei ini caik binah prong rukvak piah ngak bruk, takik ma-in padhih, bhian medeih melam, saneng kuhira dui atah saong pambak tame pandap panda ndien tu.

 Bruk mbang menyum jang lac kadha njauk piah ndom. Ndap nda hu ngak tasak dahlau, kaya mbang samar drah, menyum rilo saradang, mbang takik njam patam saong asal peik ngak ka rup pabhap jeng viem saluah suai lavik, ngak srau dhau tal bruk panduan salih asal dalam rup.

Langiu di nan, alam langik tasik njauk njom bak nerak tachauk jeng rik daong ngak jeng ruak ung thu samar drah. Jalan suak yava njauk o nhiem, dhul mul, kim loai trak, hoa chat ngak kong saong kandaong labaih jru pacang khik phun pala meda njaom tame rup pabhap tapa jalan suak yava saong jalan tung pruac, ngak kan kandah tal ADN di dalam ralo darah.

Rilo ndap nda padar dalam sang yaok harei yau katak nhua, my pham, jru tay atau kaya mbang buh dalam paok meda hu dom asal ngak srau dahlau tal jalan tung pruac. Dom asal ini daok dalam rup lavik harai, ngak brei patagok ruak ung thu, abih di nyu lac di nyaom urang ranaih umo bhian taom gaok meng aval.

Takik thei saneng tal lac stress dui atah saong kan si ndih jeng meda pambuak pagam tal ung thu. Catang glao akaok suai lavik ngak patrun he mien dich — "hala paga" biak prong daong ka rup pabhap duah mboh saong pametai te mbao mbat thuong. Dalam tuk nan, bruk ndih oh bak meta atau panduan salih nhip sinh hoc jeng ngak ka tuvak pasiam veik ADN njauk klaih klaoh, palaghaih ka te mbao ung thu tamuh cak khang.

Yaom lac kadha di truyen jeng hu pambuak pagam tal, min dom gru jru brei thau binah rilo ung thu hu mboh di urang daok ranaih umo mai meng halau gha gen di truyen. Kadha ini jeng brei mboh lac bruk mbuan ba tal ung thu hu pambuak pagam tal dom kadha meda pasang mboh hu, abih di nyu lac jalan diuk rai saong langik tasik alam moi truong. Yau nan min, dom urang daok dalam baoh sang hu manuac njauk ruak ung thu jeng njauk caik hatai sang, njauk nao pasang iek ruak avan jang saong patui khik jalan diuk rai khang kadang.

Sa kadha siam gheih nan lac y hoc dak harei dak patagok, daong duah mboh ruak ung thu tapa dom jalan ieik glang yaom, dut iek, duah thau ruak tapa thaik binguk saong pasang iek ruak tui vaktu ba tabiak. Yau nan min, urang ranaih umo bhian oh ndih dalam nyaom pasang iek ruak ba tal bruk klak lahik "vaktu ameh" piah padam ruak.

Dom gru jru kakei dahlau, tuk rup pabhap mboh dom hagait karei yau trun kilo teik trak bloh oh thau makna di nyu, glaih glar, jalan tung pruac srau dhau, pandik suai labik atau hu khoi u, urang ranaih oh tui hatai khin blaoh bo njauk nao pasang iek ruak samar drah.

Ung thu oh meda pacang cakak hu taong abih, min jalan ba tal njauk ruak meda patrun biak rilo meyah urang ranaih pasiam veik jalan diuk rai. Patui veik bruk mbang huak khang kadhang, patagok bruk ma-in padhih, pathram rup pabhap, ndih bak meta, pasang iek hu stress saong patakik jang taom gaok haong dom asal jru mek nan lac dom bruk ngak prong piah pacang khik pren yava suai lavik. Bruk paglaong akaok saneng saong ba ngak samar drah nan lac jalan ngak siam di abih piah ka urang ranaih ta-eng rup drei pacang khik rup pabhap drei anak janih ruak ini.