So Y te Ban raya Ho Chi Minh pakakei tal mikva rahra brei thau paham njauk brei ka EV71. Ini lac bruk ngak tamuh ruak majam than kinh, thuak yava saong tuan hoan, ngak tamuh ruak trak rah tabiak samar drah. Min, ini oh lac makna bahrau saong ruak meda hu pasang iek meyah amaik ame thau drah samar ka dom bruk brei mboh kakei dahlau. Ban raya Ho Chi Minh jeng hu Ilamo pacang caga ruak rilo thun ngan haong ruak ndaih baoh tangin takai pabah, rahra oh njauk suh sah hatai min brei caik hatai caga, abih di nyu nan lac pasang iek tantu uranaih dalam 7-10 harei akaok meti njauk ruak.

Piah pacang caga brei ka bruk ini, Ban raya Ho Chi Minh brei kak kajap bruk pacang cakak jit ruak di taong abih pakat. Di bhap bini saong sang bac, bruk pasang iek sang sit, mau yao hu patagok. Dom labik brei ramik caga ginup bak jabon saong janih ia rao tangin, tacei ba langyah njauk jalan ngak tuk mboh medil ka ruak. Uranaih njauk tamuh ruak brei hu padeih bac piah plaih pambak praong dalam labik rilo urang.

Piah caga ruak ndaih baoh tangin takai pabah, So Y te pachreih rahra bhap bini brei rao tangin meng jabon rilo mbang dalam harei; pahacih sa-at kaya ndap nda me-in, ranaong sang saong dom ndap nda bhian pandar. Uranaih njauk ruak brei hu pasang iek gam gam dalam 7-10 harei saong brei padeih bac piah plaih njom mbak. Meyah hu sa dalam dom bruk kakei caga yau katuak drei, yuh rup, pandiak rup glaong oh trun pandiak, taglaoh aok rilo, thuak yava samar, atau gila menuac, uranaih brei hu ba nao tal sang iek ruak piah taong ruak dil samu.

Daok bruk caga ruak tangin takai, ong Châu Thanh Tú, Gru Jru akaok Kapul gah jru cavao, majam sang pablei jru saong pasak klauk jru caga Long Châu pavhreih kakei: Amaik ame meda hu caga ruak ndaih baoh tangin takai pabah ka uranaih meng bruk bhian rao tangin meng jabon saong ia ka urang raong saong uranaih, abih di nan lac dahlau tuk mbang, hadei tuk nao yuak tian, hadei tuk salih tã (meyah hu). Langiu di nan, brei ngak hacih sa-at mbaok ndap nda kaya bhian gaok tame (ranaong sang, tangin pambak, tangin pan peih bambang…) saong ndap nda dalam nan hu kaya me-in di uranaih. Dom baoh sang jeng brei khik uranaih, plaih taom gaok jaik, oh pandar haong gauk dom kaya piah mbang menyum haong urang ruak ndaih baoh tangin takai pabah saong brei ba nao daok karei haong dom uranaih oh njauk ruak haong uranaih takik ruak takik abih 10 harei kuhria meng tuk bahrau tamuh ruak piah caga plaih nyu pambak nyu.

Dalam nan mboh di nyu nan lac, urak ini dom negar hu vaccine caga ruak ndaih baoh tangin takai hu siam lagaih glaong; tui kuhria, jaik tal Viet Nam jeng brei hu vaccine caga ruak ini; bruk ini brei peih tabiak kein lagaih ka uranaih. Amaik ame meda hu pasang iek khau tin piah thau tuk hu vaccine klauk caga ndaih baoh tangin takai pabah, meda ba dom uranaih nao tal dom labik y te hu angan je piah hu langyah saong samar drah hu klauk jru caga, khik kajap klauk jru caga salamat, vaccine siam. Bruk klauk jru caga daong pacang khik bhap bini anak bruk mbuan rah tabiak njom mbak ruak.

Tui dom urang hu ilamo, dom ruak njom mbak, klauk jru caga, klauk vaccine lac bruk siam lagaih di abih piah caga ruak, ngak brei patrun bruk njauk ruak saong bruk metai.

Dalam nan mboh di nyu hu lac tukvak salih bilan dalam langik tasik yau urak ini, gam rah tabiak langik jhak tukvak tapa lac kein lagaih piah ka dom virus ngak tamuh rilo jit ruak yau ye: Kum bilan, barah viem glo akaok Japon, pandiak tabiak darah, ndaih baoh… cakrok khang. Kayua nan, brei pacang caga meng vaccine lac jalan langyah hu makna abih piah pacang khik dom bruk mbuan njom tamuh ruak./.