Dalam saong hadei di ribuk, ia sua dauk ye hu tamuh rilo anek ruak, dhun mun, hareik harom, janih nerak tathuak… tui ia sraiy srua tabiak rilo labik, ngak njom nerak dalam alam langik tasik saong mbuan tamuh tabiak jit ruak. Rilo mboh di nyu hu meng lac, hajan ia theik saong ia dauk nyu kein lagaih piah ka dom janih anek ruak, virus saong labik ruak cakrok tamuh saong pambak ruak ka anek muac. Dom jit ruak bhian gaok dalam bilan hajan ribuk ia sua lac: aih caraoh, ruak jalan thuak yava, ruak ka meta, ruak langiu kalik, ruak pandiak tabiak darah…

Tukvak bahrau jaik ini rah tabiak dom mbang hajan praong kayua dom mbang ribuk ngak ka ia dauk di labik sit, glut jaleih taneh di dom bhum palei saong kuhria dalam tukvak anak tal brei hu dom mbang ribuk saong rilo mbang hajan praong rah tabiak. Thu tuong rajaei hu ba tabiak rilo Harak payua ndom ka bruk pacang caga hajan ribuk ia sua.

Piah pacang caga jit ruak mbuan si tamuh tabiak di dalam tuk atau hadei di hajan ribuk ia sua, mentri Y te brei kakei ka jalan pacang caga jit ruak anak, dalam hajan ribuk ia sua, cambac lac yau ye:

– Khik siam bruk pilih ruah saong ngak kaya mbang brei karo salamat, brei ka hacih sa-at, mbang kaya mbang tanek tathak saong ia hu trong pandiak. Patruh oh mbang ralo anek athur, ralo manuk ada atau mek dom ralo nan ngak jeng kaya mbang. Di dom labik njauk ia dauk, glut jaleih ngak calah caluan, hu jalan khik kajap bruk pabak kaya mbang, ia menyum khik kajap karo salamat. Pachreih kakei rahra pandar kaya mbang hu ngak dahlau, mbang samar yau ahar thu, mi paok, ia padang dalam kalaok.

– Bhian rao tangin cih saat meng sabon dahlau saong hadei tuk ngak kaya mbang, dahlau tuk mbang saong hadei tuk nao njuel drei pahacih rup saih.

– Pahacih sa-at rup yaok harei, rao takai hacih saong uak ka thu dom plah tanau takai hadei tuk nao tame ia ia sua, ia njom nerak tachauk.

–Ia tathuak tal halei ye ramik hacih sa-at tal nan, ramik pataom hacih dom hareih harom athur, menuk ada tui tacei ba di urang ngak bruk gah y te.

– Dom bruk pabak ia yau bingun ia njauk ia dauk ye brei hu halang saong pamatai anek ruak dahlau tuk pandar. Rao hacih danao padang ia, bingun ia, kaya padang ia saong pandar janih hoa chat piah pametai anek ruak di ia pandar dalam mbang huak saong ia menei pabah khan ao tui tacei ba di urang gah y te.

– Pametai anek lang quang/anek rih, jamaok.

– Tuk hu mboh medil ka bruk njom ruak, brei nao pasang iek ruak saong taong ruak di dom labik y te jaik di abih.

Dang anak bruk rah tabiak srau kadau di hajan ia sua saong mbuan tamuh jit ruak, rahra brei ngak dom jalan pacang caga, pacang khik prein yava ka rup drei saong baoh sang drei. Patakik taom gaok halau ia njom nerak, mbang tathak menyum pandiak, khik hacih sa-at ta-eng drei saong labik daok. Gam haong nan, pasang iek tani tanat khau tin meng jabat chuc nang saong dil samu nao tal labik y te tuk hu mboh oh yau bhian. Brei caik hatai sangka piah plaih dom bruk kanjah jhak./.