Pandik tung guel ieu lac bruk tung guel gaok kan kandah. Urang pandik tung guel mboh: taglaoh aok, ợk masam, alah mbang, bak katang tung, pandik rilo, pandiak tung atau pandik labik thuong vi. Pandik meda rah tabiak samar min jeng meda dui atah, pandik rilo. Tuk hu dom bruk ini, urang ruak brei nao pasang iek ruak piah hu jalan taong ruak ka njauk, plaih tamuh jeng ruak trak karei yau saluah, mbruac atau ung thu tung guel.

Dom janih bhian ngak brei pandik tung guel:

Njom anek ruak HP ngak pandik saluah tung guel – tá tràng.

Menyum rilo jru patrun pandik, pacang barah meda ngak pandik saong kan kandah tal niem mac tung guel.

Menyum rilo alak mbie, njuk pakao ngak tagok ralo axit, patrun janih labar pacang khik tung guel.

Stress dui atah, tuk srau kadau mbuan ngak kan kandah nhu dong dalam pruac tung, ngak tagok bruk di tung guel ba tal pandik, ợk masam saong garak tian.

Mbang huak oh njauk tukvak, klak mbang, mbang biak samar atau biak trei. Mbang rilo janih mbang hana manyek, hang pandiak, masam atau kaya mbang oh hacih sa-at. Gam mbang gam ngak bruk, puac tapuk, iek tivi…ngak ka jalan tung pruac oh lagaih.

Pandik saong oh pabak kaya mbang meda ngak garak tian, kan tung pruac, pandik tian.

Kayua yau habar tuk katang akaok bhian mbuan ngak pandik tung guel?. Rilo roh duah brei mboh bruk pambuak meng hatai sahaneng saong tung guel biak khang kajap. Tuk katang akaok, majam rak thanh kinh pasak ngak ka tung guel tabiak rilo axit jang yau bhian. Gam haong di nan, stress ngak lahik samu mejam vi sinh jalan tung hatian, ngak srau kadau nhu dong tung pruac saong ngak pandik, garak tian, ợk pandiak. Urang bhian ciuk kateik geik bruk ngak, kurang ndih, duh hatai mbuan pandik tung guel glaong tagok 2-3 mbang dut haong urang karei.

Pandik tung guel yaom lac ruak rah tabiak rilo, min meda plaih hu meng bruk diuk rai siam mekre saong pasiam bruk randap mbang huak.

Dom jalan lagaih mikva meda maong tapa:

Mbang njauk var, njauk tukvak, oh luai ka tian biak lipa atau mbang biak trei. Mbang suai, mameh brei ka tani tanat, plaih gam mbang gam ngak bruk atau pandar jamraik ndien tu.

Patakik mbang dom janih kaya ngak pandik tung guel: yau ye hang, masam, rilo menyek lamek, alak mbie, kophi, pakao.

Menyum ginup ia yaok harei, daong halai axit saong daong tung pruac.

Khik hatai laneing lanoi, plaih stress: Caik tukvak padeih padei, pasram thiền, yoga, nao tabak takai, bac puac tapuk atau pang ragam ragu.

Pasram pahat padhih bhian: Takik abih di nyu hu 30 minit yaok harei daong lagaih jalan nduac di darah, pasiam bruk tung pruac.

Oh ta-eng drei brei pandar jru patrun pandik dui atah meyah oh ka hu pato tacei di bac si.

Pasang iek prein yava yaok tukvak brei caga, abih di nyu nan lac tuk hu mboh bruk pandik tian rah tabiak veik, taglaoh aok, ợk masam dui atah.

Pandik tung guel oh lac kayua mbang huak oh yau bhian blaoh nyu daok lac ciuk meng hatai sahaneng, bruk diukrai saong bruk randap dalam raidiuk. Duah mboh samar drah saong pasiam dil samu lac bruk siam abih piah pacang khik tung guel khang kajap. Brei ngak camreip meng bruk salih sit yaok harei – mbang huak, padeih padei lagaih, pasram padhih bhian saong khik hatai sahaneng ka laneing lanoi. Sa rup pabhap khang kajap saong sahnang hatai lac sa “jru cavao” siam lagaih abih daong ka drei oh pandik tung guel./.