Meyah duah mboh di tukvak samar ka ung thu tung pruac, bruk taong ruak patruh meda tagok tal 90%. Urang ruak meda hu diuk tal 20 thun hadei tuk duah mboh ruak. Pasang iek lac luac jalan duah saong duah mboh ung thu tung pruac di urang ruak oh hu bruk brei mboh ka ruak. Yau nan ye, bruk patagok saong pasang iek awal ung thu tung pruac meda ngak kan kandah rilo tal bruk metai diuk di urang ruak saong patrun jien buh tabiak taong ruak.

Dom bruk mbuan tamuh ruak ung thu tung pruac bhian mai meng:

Kayua dom ruak hu pambuak: Polyp tung pruac, barah tung yau ruak Crohn atau barah saluah tung preuac, ma-ik saradang saong pacang insulin, njom HIV di urang lakei…

Kayua bruk mbang huak saong pahat rup: Menyum rilo alak mbie, njuk pakao, oh pahat rup, lamek bhi, mbang takik janih xơ, mbang rilo ralo bhong saong dom janih ralo hu ngak kaya mbang dahlau.

Meyah dalam sang hu urang ruak ung thu tung pruac, mbuan njauk ruak jang kayua pambak meng amaik ame.

Dom urang roh duah pachreih urang umo meng 50-75 thun brei halang meyah daok dalam kapul meda tamuh ruak.

Urang daok dalam kapul mbuan tamuh ruak (dahlau di nan dalam baoh sang hu urang njauk ruak ung thu atau njauk dom ruak ung thu karei) meda hu halang meng dom thun daok dam dara. Bruk halang brei hu ngak meng drah jang 10 thun dut saong thun umo pasang iek duah di urang dalam sang.

Dom bruk brei mboh ka ruak ung thu tung pruac

Ung thu tung pruac tukvak akaok bahrau hu brei mboh kandauk nan biak kan si thau. Tuk hu sa dalam dom bruk hadei ini, urang ruak brei nao tal sang iek ruak piah pasang iek ruak: Bruk rah tabiak di jalan jantung pruac urang ruak mboh salih bruk randap nao njol drei, salih tukvak, dom mbang nao njol drei tagok meng dom mbang tal dom pluh mbang yaok haarei. Bruk jal nao njol drei bhian, nao njol drei oh abih khak, gar khak dui suai atau khak lapih yau hala padai. Nao njol drei tabiak darah saong khak atau khak hu sambo bar juk. Pandik tian bhian.

Urang ruak glaih glar, kurang darah, lavang lavaih oh thau kayua hagait.

Jalan pasang iek halang duah mboh drah ka ung thu tung pruac

Pasang iek khak; Pasang iek tapa thaik thaot; Pasang dalam tung; Thaot binguk tung pruac cản quang.

Piag caga ruak ung thu tung pruac brei caik hatai:

Bruk mbang huak siam mekre: Patakik janih lamek ralo athur, kaya mbang hana menyek, ralo bhong; mbang ikan rilo, ralo menuk, njam hijao, baoh kayau, ngu coc daok tamo asar; pabak kanyik, akaok toi, ia taiy… daong patakik bruk mbuan ruak ung thu.

Pasang iek kilo: Labaih kilo, lamek bhi ngak mbuan tamuh ruak rilo di urang lakei. Mbang menyum siam mekre saong pahat rup khik tani tanat kilo.

Patagok bruk pahat rup: Bhian pasram padhih daong patakik bruk mbuan ruak ung thu tung pruac.

Oh njuk pakao: Urang njuk pakao lavik thun mbuan tamuh ruak saong metai kayua ung thu tung pruac ralo jang.

Biak Patakik menyum alak: Siam abih di nyu oh menyum, min meyah hu menyum ye brei menyum gap gap (labaih 355 ml mbie, 148 ml alak vang atau 45 ml alak khang yaok harei).