Sa janih roh duah di urang praong thun umo labaih kilo, lamek lamak njauk barah atuk talang ta-uk brei mboh: hadei di 18 bilan mbang takik mbang ein pagam haong pasram, labik trun takik abih 20% kilo ralo dalam rup pabhap hu tanut barah biar jang, takik pandik jang saong bruk nao tabak takai dalam kadha pasang iek 6 minit hu mboh cambaih laih. Di urang lamek, baoh hatai ngak bruk rilo jang piah nduac pabak darah raong rup pabhap, ngak kateik geik tagok thành mạch saong tagok cholesterol jhak. Trun kilo daong patrun khang naong trak ka baoh hatai, meng nan patakik bruk mbuan njauk ruak baoh hatai yau ye kurang baoh haatai, ruak dong mach vành, megei nhĩ saong metai deng.

Labaih kilo, lamek lamak ieu lac makna janih ngak tagok darah – asal kadha dang akaok ba tal metai drei. Tuk darah tagok glaong dui atah, darah kapal saong oh đàn hồi, mbuan ngak jeng baoh darah. Patrun kilo daong pasang iek darah saong patrun bruk metai drei. Urang lamek bhi bhian padeih thuak yava tuk ndih kayua lamek pataom di pong takuai ngak kan kandah tal bruk thuak yava, ngak ka urang ruak brei medeih rilo mbang dalam melam. Patrun lamek yaom lac oh atah klak taong abih bruk ini min meda brei pasiam bruk thuak yava tuk ndih.

Tagok darah janih dang akaok ngak ka jeng ruak hakik saong metai dalam ralo di dunya. Lamek bhi ngak tagok darah tapa rilo cơ chế srau kadau pambuak tal bruk chuyển hóa, chức năng baoh ritak saong srau kadau nội tiết. Patrun kilo daong patakik dom asal kadha ini, daong pasang iek darah dalam rup saik siam lagaih jang.

Rilo roh duah brei mboh ka lamek lamak saong pacang insulin ieu lac asal kadha mbuan ngak ka baoh hatai gan njom lamek. Patrun kilo daong patrun asal lamek dalam gan. Langiu di nan, patrun labaih 5% kilo jeng meda daong patrun bruk mbuan njauk ruak me-ik saradang type 2.

Tui Kapul Ung thu Hoa Ky, lamek bhi hu pambuak takik abih di nyu tal labaih 13 janih ung thu. Yaom lac dom bruk roh duah oh daok ka yasa, rilo bruk brei mboh lamek bhi ngak tagok bruk mbuan njauk ung thu di lakei saong kamei, dalam nan rah tabiak di kamei rilo hang. Kayua nan, patrun kilo hu maong yau lac bruk hu makna daong patrun njauk ung thu.

Dom bruk caik hatai piah patrun kilo salamat, siam lagaih

Piah patrun kilo salamat, oh pandar jru atau dom bruk khan meng pabah, brei padang bruk daok dang hu ilamo:

Mbang njauk tukvak: Daong brei rup pabhap cuh calo siam lagaih jang, patrun bruk mahu mbang saong patakik mbang kaya rilo saradang, janih lamek.

Paglaong mbang patam saong baoh karaoh: Ini lac janih harom xơ, vitamin saong janih khoang rilo, takik calo, daong trun kilo siam lagaih.

Pasram pahat padhih bhian: Pambuak janih siam saong pahat padhih lac asal kadha hu makna dalam patrun kilo. Pasram padhih daong cuh calo labaih, tagok prein kajap saong pasiam prein yava taong abih rup pabhap.

Menyum ginup ia: Gaok tuk mai rup pabhap nda chung ka mahu mbang saong mahu ia. Menyum ia daong patakik mbang rilo saong daong salih.

Pandar jam pariang sit: Daong pasang iek bruk mbang huak siam jang. Brei pasram mbang dui ka suai, pataom tame var mbang huak piah plaih mbang biak rilo kaya mbang./.