Meng jaik 300 thaot binguk, harak gar, pandap quý, parang iek ngan saong kadha “Bản hùng ca mùa Đông thun 1946” hu parabha jeng 3 binah lac: “Đất nước ngàn cân treo sợi tóc”, "Quyết tử để Tổ quốc quyết sinh" saong “Âm vang bản hùng ca kháng chiến”, hu brei mboh veik bruk dang tagok mesruh metak thun 1946 di bol bala saong bhap bini drei, abih di nyu nan lac bol bala saong bhap bini ban ine Hà Nội – labik peih mbaok toàn quốc kháng chiến. Dalam drut drui saong hadah mbaok meta ka ka bruk khang hatai khik caga độc lập tự do di ong amuk amaik ame saman rambah rambup nan, ong Nguyễn Văn Tập, Jabat parang iek, pathau khan, Miuyim sajarah Quân sự Việt Nam brei thau:

"Tapa parang iek kol dahlak caong yaih khan tal bhap bini dom pandap quý, hiếm di miuyim brei mboh bruk chiến đấu dũng cảm di ong muk amaik ame. Tapa nan thau dhar phor dom urang taha dahlau deih ngak cách mạng, dom urang lin ndih trun ka độc lập bangsa piah ka kol drei hu sa taneh ia hòa bình, cakrok yau harei ini."

Lac sa dalam dom urang hu mbaok dalam “60 harei melam khói lửa” peih mbaok ka toàn quốc kháng chiến di bol bala saong bhap bini Hà Nội, Đại tá Nguyễn Trọng Hàm – dahlau deih ngak Phó Tham mưu trưởng Bộ Tư lệnh Thủ đô Hà Nội khan lac:

"Parang iek ini, lac bruk njauk ngak piah ka bhap bini mboh hu makna di dom harei camereip kháng chiến, peih tabiak jalan ka bruk peih paha bangsa, yasa taneh ia harei 30/4/1975, khik kajap độc lập bangsa. Parang iek jeng ngak ka urang mboh hadar veik ilamu cách mạng di rairah nao dahlau, thau hu bruk khik ramik saong dak padang, khik caga độc lập di taneh ia."

Dalam parang iek, urang mboh biak drut drui saong uan tabuan hu maong veik dom thaot binguk, dom pandap panda brei mboh bruk toàn quốc kháng chiến dalam bruk mesruh metak peih paha bangsa, dak padang saong khik caga taneh ia Việt Nam xã hội chủ nghĩa di bol bala saong bhap bini drei yau: Chỉ thị “Ngak tayah bruk tấn công mùa Đông di kol Prang” di Trung ương Đảng, harei 15/10/1947; Áo trấn thủ di anh hùng, liệt sỹ Cù Chính Lan cuk dalam mbang cuh ralai xe tăng khamang di Giang Mỗ (Hòa Bình) bilan 1/1952; Bộ Chính trị, Trung ương Đảng họp brei peih Chiến dịch Điện Biên Phủ, harei 6/12/1953...

Rah tabiak tal abih bilan 12 thun 2016 di miuyim sajarah Quân sự Việt Nam, Parang iek “Bản hùng ca mùa đông thun 1946” lac kadha kan var hu dalam hatai bhap bini ban ine jeng yau bol bala saong rahra dalam taneh ia./.