Hadar ka bilan la ar Hà Nội thun 1946

        Jeng bruk randap, tuk angin heo may mai, baoh sang sit di đại tá Nguyễn Trọng Hàm, jalan Hồng Hà, phường Chương Dương, quận Hoàn Kiếm mboh chreih chrai sap klao ndom di dom urang lính cảm tử ban ine mengkan. Saong nan jeng lac truyền thống, dalam dom var taom gaok nan, dalikan hu dom ông ndom rilo di abih lac dom mbang taong kol Pháp di Trung đoàn Thủ đô, labik mesruh di Liên khu I dalam tuk kol nyu ralo, drei takik, kol nyu hu phao praong, siam, drei oh hu hagait. Đại tá Nguyễn Trọng Hàm hadar vek : Bilan la ar thun 1946, kol nyu gây hấn di Hà Nội ngak ka bhapbini thau hu bruk di drei caga tabiak mesruh khik caga taneh ia. Meng kol khamang nyu ngak brei drei caga kayua  dom tội lỗi dalam ban tuk nan piah ngak jeng cớ peih bruk mesruh metak. Min meng nan nyu ngak ka bhapbini mboh hu ia mbaok hatai jhak caong meblah veik VN. Thei  thai jeng pandiak hatian,caga  tuk hu lệnh lac patuh phao taong.

   Melam 19/12/1946, tuk hiệu lệnh peih akaok ka bruk mesruh taog Prang papar sap tagok di rayo sap ndom VN, dom tapon nyaom bol pan phao kraong ba gauk patuh phao. Radaih điện tableik di dom canah 3, canah 4 ban ine,; bhan kik, sập gụ, tủ chè, hòm xiểng hu ba tabiak ngak pandap pacang.

         Công nhân yah palai sang  máy điện Yên Phụ, abih ban ine  daok dalam sup. Geng điện, phun kayau jaleih srau kadau. Sap jaleing caoh jalan, sap radaih limo pajeng haluk, cuah, kiak lam ụ sami samal…abih menuac dalam ban ine tuh tabiak jalan taong kol khamang. Dalam giao thông hào urang lin bac brei ka gauk pangpanuac ieu toàn quốc kháng chiến di Chủ tịch Hồ Chí Minh piah pakhang hatai mesruh metak.

Đại tá Nguyễn Quốc Thịnh, urang dalam Đội Vệ út mengkan lac :Di libik Mai Dịch ngak sa  ụ biak praong, caoh sa danao lam meng hala, jalan lac caoh dom baok danao ka radaih tăng di kol khamang oh nao hu. Bhapbini tản cư, toh hu dam dara saong bộ đội daok veik mesruh metak min. Klau urang kol dahlak hu brei bruk taduan mek mệnh lệnh di tổng chỉ huy ba tame dalam thành piah ka libik dalam thành mesruh metak .

Hà Nội dom harei nan “ yaok baok sang lac sa pháo đài, yaok jalan phố lac sa chiến tuyến, yaok bhapbini lac sa chiến sỹ”. Bhapbini ban ine oh huac di metai lihik, glaih glan, harei melam padang dom chiến lũy di jalan phố Hà Nội piah pacang jalan nao di kol khamang. Dalam jalan phố cổ labik halei jeng mboh dom khẩu hiệu “diuk metai saong ban ine ”, “Độc lập atau lac metai”.

      Dom urang liên lạc nao mai ala làn đạn thù, nduac tabiak chiến địa piah ba mật lệnh mesruh metak, hu mbaok tame tiếp tế, cứu thương saong hu tuk par phao mesruh tapak haong kol khamang. Dom blah harak halan hatian likau hu kun bom klau càng palai radaih tăng khamang di dom chiến sĩ Trung đoàn ban ine dak harei dak rilo. Hu mbaok di ban ine dom harei máu lửa nan , amuk Lê Thị Nhã, urang anek Hà Nội hadar veik :Harei dahlau lac biak chreih chrai cách mạng jak jeng, bloh lac dom mbang glaih glan, urak ini mboh toàn quốc kháng chiến lac yau nan meng hu. Dahlak daok di liên khu 1, sang njauk đục tường piah nao, giao thông hào, akaok jalan ngak ụ abih , catang rilo. Yau habal taneh ia drei hu harei ini lac jeng hu dom kỳ tích di Hà Nội, di ban ine biak praong, biak vĩ đại.

70 thun nao tapa, dom bruk hào hùng, quyết liệt di sa saman “quyết tử cho Tổ quốc quyết sinh” jeng daok hadah hamiet. Piah tapa nan, dalam dom harei puac thun ini, bhapbini ban ine hadar veik dom harei melam sajarah nan, piah pahadar ka rairah ranaih umo harei ini lac ông amuk drei diuk saong mesruh metak yau habal ka ban ine. Jayah di bol lin saong bhapbini drei di dom harei akaok mereip toàn quốc kháng chiến, abih di nyu nan lac ban ine Hà Nội hu pachreih ba biak praong ka bol lin saong bhapbini drei hamiet hamiet dak padang jeng rilo chiến công taong tayah kol Prang bo tabung glaong lac jayah Điện Biên Phủ dane angan di dunya, tatuan megei baoh taneh./.