Brei panuac ka danak dak Hukum Alin, mek, pagam mo, rup atau manuac saong alin (pasiam), dom urang lambaok vakil Quoc hoi mboh bruk Rajaei taduan brei panuac ka urang lambaok vakil  saong cử tri, brei klak hukum urang umo 18 thun tut angan alin brei mo tang, rup atau; pakauk mek mo tang di rup urang sang mo oh menek di urang umo ala 18 thun. Ong Nguyễn Lân Hiếu, urang jakar Quoc hoi Hà Nội mboh lac, pasang iek tani tanat mo, tang di urang umo ala 18 thun. Bruk nan brei mek tuk hu urang brei njauk hatai, baoh sang saong alin ka urang dalam bhut pajaih. Ini lac bruk pakauk kol jhak chap mek urang naih metui medhar, ja lac taduan anek raong…

Thun ini, danak dak “ Darak tet Công đoàn - Xuân 2027” taduan hu Tong Lien dan Lao dong Viet Nam peih ngak tui jalan tapak saong online  dalam negar. Tapa nan nen tang taka so, urang hu palih ruah blei dom kaya pandar dalam harei Tet haong yaom lap. Danak daok hu phieu blei ndap nda ndien tu, ma yaom lap saong labik pablei kaya zero jien ka urang ngak rik tame patrun khat lahik puac thun. Salih jalan iek glang kuhria Tet njauk pamong tal bruk njauk hatai, trun takik bruk kan kandah saong brei lagaih ka urang ngak.

Meng puac thun 2025, tinh Gia Lai ngak iek Phan mem khik iek cơ sở dữ liệu baoh sang kathaot, jaik kathaot. Mbiah tal ini, he thong padang tabiak saong brei tai khoan 135 xã, phuong. Bruk nan piah padang dữ liệu pambuak meng pakat xa tal pakat tinh, brei pambuak sơ sở dữ liệu baoh sang kathaot, jaik kathaot Trung uong. Bruk ba tame taka so oh salih ka bruk pasang iek tapak di labik, min pataom hu, iek cagar veik saong khik iek khaw tin hu lagaih jang hadei dữ liệu hu duah mboh.  

Kong ty thuy dien Trị An - Thủy điện praong abih di gah Meraong harei ini kareih ar ia sre, padeih peih ia, hadei jaik 40 harei brei peih ia gam gam. Ini lac bruk biak bui sambai di ralo bhap bini daok jaik binek Trị An. Kayua dalam tuk tathuak ia, ikan meng gah ala tui ia cagar tagok tal takai taluy daok veik pak ini. Bhap bini daok cang tal tuk kareik binek ia sre piah mek ikan. Thủy dien Trị An daok dalam ban Dong Nai prein khang 400 MW ngan haong 4 tổ maic.

Rilo po bein pala durian di tinh Dong Thap daok tame bilan brei paik baoh pala karei bilan. Njauk chreih chrai lac yaom durian daok glong, durian Ri6 doanh nghiep blei di glang hu yaom meng 65.000 - 75.000 đồng sa kilo, durian Monthong meng 80.000 - 85.000 đồng/kg. Bilan durian brei baoh karei bilan daok brei dui atah meng ini tal Tet Nguyen dan 2027. Anak bruk siam lagaih di darak pasar, po bein caong khin yaom durian  khik hu yaom glong, piah duah jien hu ralo.

Cảnh sát Indonesia pakauk urang ngak bruk njuk pakao dien tu (vape), dalam tuk ngak bruk gam langiu bruk ngak. Ini lac jalan pacang cakak bruk pandar pakao dien tu, hadei mboh dom mac jamraic ini hu matuy ia. Dom urang halei njauk brei kaoh tui hukum karja. Ini lac sa dalam dom bruk kham merat ngak brei labik ngak bruk njauk hukum, abih hatai saong naih joi bruk cảnh sát.

Jabat moi truong bang Michoacan, Mexico birau duah mboh baoh halak mbang hạt bơ dalam dom lô baoh kaya kan praong jaik ba pablei tabiak negar langiu. Michoacan lac bang ngak ralo kaya meng bơ saong lac pasak pablei baoh ini tabiak dunya. Hadei tuk duah mboh halak, bang Michoacan brei padeih dom lô kaya nan, dom po bein brei klak biak ralo baoh bơ.

Mai meng dom sang bac trung học di Pháp haong ndok pabak jien ka gah pato megru, bruk trun jalan cagar veik di dam dara samar pambak praong tapa rilo taneh ia yau Đức, Italia saong Thụy Sĩ di bilan 10. Bruk haduh hatai di dom dam dara meng lavik harei meng bruk kurang jien padai, bruk kurang sang daok saong hatai jia tame Rajaei cadu trun jeng dahlah apui khuah tagok ka bruk cagar veik tapa negar karei./.