Di mbang  nyaom ka 6, ginum biai chuyen de piah pasang iek, ginum biai ka dom sarak hu makna praong patagok kinh te - xa hoi, quy hoach taong abih gah TPHCM saong ngak brei cambaic laic Hukum patagok medil dothi, ong Nguyễn Mạnh Cường, Pho Akok UBND TP.HCM yaih khan  ka bruk brei tapa Quy hoach taong abih gah di TPHCM vaktu 2025-2050, pamong tal 100 thun anak tal. Quy hoach pamong tal labik hu 5 got động lực, 5 pasak ve tinh, 5 bruk pambuak suai atah saong 10  bhum khik iek patagok. Ban raya brei thau salih meng bruk cakrok patagok dothi pambak praong, pandar radaih yaok urang salih tapa dothi nén, ralo gah, ralo pasak, dalam nan brei caik hatai tal jalan pasei, radaih duh ka bhap bini.

Mentri Pato megru daok duah panuac ka Du thao Harak ka Quy che taduan anek saih akaok pakat bac ( tal 1,6,10), dalam nan mbang pakacah tal bac 10 (meyah hu) ye brei pakacah dua mon Văn saong Toán, klak sa mon dut haong urak ini. Bruk ini hu Mentri ba tabiak pakacah tal bac 10 dua mon Văn saong Toán piah patrun glaih glar di anek anek saih, piah anek saih pataom tame bac hu siam mekre. Yau nan min, rilo urang daok suh sah hatai tuk klak mon Anh dalam tuk nan khin ba mon Anh jeng sap kadua dalam sng bac. 

Anak bruk jalan DT.823 B ( Kenh Tay) khut tayak, jalan mbaih mbaoh kayua hajan ralo harei saong ia ndik hu doanh nghiep sang bhap bini khan veik, So Padang ngak Tay Ninh caong khin 70 ti dong piah ngak pasiam veik dom jalan tathuak ia, khik brei salamat, piah bruk nao mai jeng yau pajeng ba kaya kan di doanh nghiep dalam Khu cong nghiep Đức Hòa III hu lagaih.

Piah patui patagok bruk ngak meng kan di bhum palei, tinh Ca Mau brei jhul pakhang bruk pandar ilimo khoa hoc, ky thuat piah ngak brei patagok bruk ngak sara khang kajap saong salih birau. Tui bruk ba tabiak meng ini tal thun 2030, Ca Mau kham merat saong daok ngak labaih 1.600 hecta, tagok tal 76.000 tấn sa hecta di puac tuk ngak. Langiu di nan, tinh jeng kham ngak hu 50% baoh sang urang ngak sara tame dom HTX atau pambuak gah ngak tabiak haong doanh nghiep.

Dalam dua harei tapa, ia ndik di gah Meraong negar tagok glong saong tuk mon urang nao ngak bruk tabiak mai sang di TPHCM, ba tal bruk nao mai di bhap bini gaok ralo kan kandah. Bruk ia dauk dalam di ralo jlaan di Quan 7 klak. Tui kuhria mboh dahlau di biar harei ini, ia ndik di rilo tinh, ban tapen tathik Meraong negar  tagok glong abih. Ia di balai Can Tho, Phú An saong Nhà Bè brei kuhria  tapa pakat 3, meng 10 tal 15 cm.

Nyaom roya LHQ brei tapa sarak “ Njauk brei padeih pakauk bruk ngak kinh te, pablei salih saong jien padai kayua My kuhria pakauk Cuba”. Mentri Ngoai giao Cuba khan lac Cuba iew brei diuk rai dalam salamat, piah bhap bini kuhria dom bruk praong  ka taneh ia saong duah jalan langyah salamat di dunya urak ini tui iek praong bruk doc lap, bruk ngak po saong oh ngak hagit tal bruk negar Cuba.

Cục Khik piah lien bang My (Fed) brei khik jien laba dalam 3,75-4,00% hadei mbang ginum biai sarak harei 28/10, njauk yau kuhria di darak pasar. Yau nan min, Fed khan ka bruk haduh hatai huac lam phat saong jien laba glong dalam tukvak anak tal. Harak pathau khan birau abih lac, Fed mboh bruk lạm phát di Mỹ daok tagok glong, yaom lac hu taong yaom ka bruk kinh te siam jang gilac. 

Rajaei Bồ Đào Nha khan brei thau paok jien daong blei radaih ndien birau, mbang akaok meti hu daong tal 80% yaom blei  radaih ka dom baoh sang jien mek tame biar, piah jhul pakhang  bruk salih pandar radaih peih meng xang menek. Langiu di nan, Rajaei Bồ Đào Nha kuhria blei ralo 9.000 sruh radaih ndien ka dom doanh nghiep sit, tui nan jhul pakhang  bruk pandar  radaih tai praong peih meng ndien saong buh jien tame padang ngak labik pagam ndien pabak.