Harei ini, Quoc hoi ginum biai ka Dom hukum Hinh su (pasiam veik); du thao Sarak di Quoc hoi ka Dom hukum Hinh su( pasiam veik); danak dak Hukum To chuc jabat dieu tra hinh su ( pasiam veik); du thao Sarak di Quoc hoi ka bruk peih ngak iek mek veik saong lang yah  ka drap ar di urang duis oh cang kaoh tui hukum. Dahlau di nan, dalam biar harei 26/10, dom urang Quoc hoi gunum biai  di Kapol kadha: Danak dak Hukum An ninh dữ liệu; Danak dak  Hukum Định danh saong mbaoh harak dien tu. Danak dak Hukum Lang yah bruk ngak suan harak gak ( pasiam veik)

Dalam danak dak CEO500 di Nyaom biai Kinh te Bilan thu 2026, ong Bill Giannikos, Yam ndoc Pasak Jitvu Dunya gam Yam ndoc Pasak du lieu di Aurecon Vietnam mboh lac, caong khin hu jeng pasak kinh te so, TPHCM njauk brei quy hoach sumu gauk ha tang du lieu, nang luong saong pambuak, salih ka bruk cak rok patagok danak dak sit sot. TPHCM kuhria atah, pakhang bruk pambuak haong karja, doanh nghiep, sang bac dai hoc  saong don vi padang ngak.  Kein lagaih buh jien tame pasak du lieu njauk brei taong yaom  ka bruk pandar kong nghe, jien mek tame jeng yau kein laba di bhap bini, oh lac prein ngak bruk.

Tinh Dak Lak jak ba 5.000 ti dong piah peih ngak Danak dak padang ngak saong patagok taong abih 20 xã urang bangsa takik saong bhum ceik. Danak dak kham merat tal thun 2030, yaok sa xã hu takik abih lac sa bruk ngak kinh te hijao atau kinh te payeng, sa chuoi pambuak bruk ngak tabiak kaya kan, ngak pandap nda saong pablei; pambuak haong bruk cakrok patagok kinh te gam khik ramik ilimo, salih labik daok. Ong Nguyễn Duy Tính, Chủ tịch UBND xã Phú Mỡ caong khin tacei ba brei dak kaya kan dahlau hadei saong bruk blak tame  piah kuhria caga dahlau meng akaok thun 2027.

Festival Quốc tế gah padai brah  Việt Nam mbang II - Cần Thơ thun 2026 meda peih ngak di puac bilan 11 anak tal. Ngan haong kadha “ Brah hijao Viet Nam – Patagok dunya”, Festival pamong tal bruk paglong jalan sahaneng pala drak hacih, takik tathuak nerak, jhul pakhang bruk salih birau hadah krah, paglong asar siam, yaom kien lagaih jeng yau bruk meriak gauk di brah Viet Nam di darak pasar dunya; tui nan yaih khan thaik binguk Can Tho saong bhum taneran kraong Cuu Long dalam dom brah Viet Nam.

Balai Bien phong Pabah bambang negar Dunya Hà Tiên, Bollin Bien phong tinh An Giang pambuak haong dom urang lin taduan 11 bhap bini Viet Nam kayua gah Campuchia bayar mai, dalam nan hu sa urang daok duah mek. Tapa duah thau, don vi hu mboh  Phạm Văn Hoàng (ndih tapui thun 1998; daok di tỉnh Ninh Bình) lac urang daok duah mek kayua “ Pablei salih suan hukum matuy”. Hadei tuk taduan mai, don vi ngak haral gal langyah  tui hukum karja.

Kuhria abih tih  hu 1.314 urang chap mek dalam mbang jak gauk trun jalan  di puac adit blaoh di negar Pháp. Mentri Noi vu Phap taong yaom bruk trun jalan mbang ini sit jang saong takik taong paoh dut haong adit dahlau. Karja peih ngak labaih 70.000 urang an ninh dalam negar piah pacang caga bruk trun jalan birau. Dom urang chap khik kayua pachut urang ngak sraw kadau.

Trung Quoc sanya daong dom baoh sang saong padang ngak “ xa hoi anit ranam saong ndih tapui” dalam tuk kuman ndih tapui saong urang umo ngak bruk dak harei dak takik. Dalam nan, Rajaei Trung Quoc caong khin ngak brei salah dom sarak pambuak tal bruk lakhah, ndih tapui, raong ba anek bik saong pato padar.

Kenia brei ka nyaom dom urang akaok meti taom gaok urang ruak Ebola  di negar ini daok karei. Kenia hu 9 mbang urang njom ruak Ebola, dalam nan hu 2 urang metai. 7 urang daok iek ruak, prein yawa mboh siam jang. Hu 98 urang brei daok karei. Bruk negar ini njom jit ruak Ebola meng jit di Congo sahaneng lac kurang bruk pacang cakak di dom jalan tapen negar./.