UBND TPHCM caong khin ngak brei samar tathuak ia, balai njuk pruh ia di dom lubang tatua di ban raya, njauk ndem tal lubang tapa labik An Phú, piah plaik njiak  ia dauk saong khik bruk nao mai hu lagaih dalam bilan hajan. Njauk caik hatai, UBND TPHCM caong khin  dom don vi brei bac megru tapa bruk nan, juai caik rah tabiak bruk ba tame pandar ngak bruk tuk oh salah blaoh siam jang jalan tathuak ia tani tanat. Sở Padang ngak TPHCM roh duah pabak cảm biến kakei ia dauk, pambuak dom he thong brei thau samar saong daong parabha jalan.  

Njom ia mbak bhum taneran kraong Cuu Long mai aval jang, catang jang dut saong dom thun dahlau. Puac bilan 10, ia di dom balai gah ala kraong Cuu Long di pakat II tal pakat III,  hu labik tagok tal pakat III. Meng bilan 1 thun 2027, kuhria ia tame biar jang dut haong rilo thun tapa meng 10 -25%. Yau nan ye, dom tinh, ban di Bhum taneran kraong Cuu Long njauk bhian brei thau dom khaw tin  ka langik tathik di jabat chuc nang saong peih ngak dom jalan pacang caga njom ia mbak.

Bilan pandiak 2026 -2027, labaih 42.000 baoh sang di tinh Dak Lak mbuan kurang ia pandar, dalam tuk 100.000 hecta phun pala gaok kan kandah kayua langik pandiak bhang. Kuhria meng kaok thun tal ini, bruk kurang ia pandar di 15 xã pataom tame ralo lac di dom bhum atah bayah,  bhum urang bangsa takik. Dalam dom danak dak pabak ia palei pala, hu 12 danak dak ia thu ralo, brei pabak ia, ngak kurang ia labaih 3.400 baoh sang. UBND tinh Dak Lak iew brei ngak dom jalan pacang caga  meng aval dahlau.

Anak dom jit ruak não mô cầu, gah y te Dong Nai kakei bhap bini juai iek lap min jeng oh haduh hatai ralo. Meng akaok thun tal ini, ban Dong Nai hu dua urang ruak não mô cầu. Piah caga ruak, gah y te  caong khin dom bhum palei, sang bac, doanh nghiep pakhang bruk pathau khan; gam kakei bhap bini ngak tui rilo jalan pacang caga. Tui nan, bhap bini mai labik klauk bruk piah gru jru dut iek ruak.

Yaom hadang takai patih raong karei bilan parilo. Tukvak ini, urang blei hadang takei patih di Dong Thap janih 20 drei sa kilo hu yaom 180.000 đồng sa kilo. Yaom ini, urang raong hadang  mek jien tame laba labaih meng 40.000 – 50.000 dong sa kilo. Thun ini, tinh Dong Thap hu jaik 4.000 ha danao raong hadang, dang mek tame hu labaih 16.000 tấn. Dalam nan, hadang raong tui kong nghe  glong ba mai kein laba kinh te, rik tame pasang iek jit ruak saong mek hu rilo hadang praong bingi.

Tapa duah thau kayua NBC News birau khan tabiak brei mboh urang cadu hatai saong alah matah dalam bhap bini Mỹ, tuk hu tal 71% urang umo dam dara sahaneng lac taneh ia nao suan jalan. Bruk ngak mbang kinh te saong jien mek daok lac dom bruk ba tal bhap bini cadu hatai. Urang daong Tong thong Donald Trump trun biar, dalam tuk palih ruah Quoc hoi kreh vaktu ngak bruk daok dua adit tra. 

Ban ine Bac Kinh di Trung Quoc kuhria jeng “ban raya taha” di thun 2035 hu labaih 1 dalam 3 banah bhap bini umo meng 60 thun tagok. Dom urang ilimo ngak srak Trung Quoc iek bruk kuhria ndih tapui anek di bhap bini lac biak praong dalam bruk ngak mbang patagok di negar, tui kuhria, thun ini rajaei Trung Quoc dang anak bruk kuhria jien labaih 180 ti nhan dan te piah jhul pakhang bruk ndih tapui anek. Bruk takik uranaih jang ba tal takik baoh sang jang saong bruk blei cai pandar suai jang tui harei bilan di nyu.

Ấn Độ birau ba tabiak bruk ramik pasiam 137 janih jru taong ruak ung thu, meda tagok tal 70%. Dahlau di thun 2019, negar ini  bhian khik pacang duah jien laba ngan haong 42 janih jru taong ruak ung thu. Bruk ba tabiak birau ini, Rajaei An Do caong khin  peih praong bruk  jru ruak ung thu jeng yau trun ndua trak jien padai haong urang ruak gam baoh sang.