Patui veik danak dak mbang nyaom biai ka 2, Quoc hoi mbang 16, page ini dom lambaok vakil nyaom biai di kapul ka 3 danak dak Hukum lac Hukum Payaom drap ar (pasiam), Hukum Luat su (pasiam) saong Danak dak Hukum Raong anek raong (pasiam). Biar harei, nyaom biai di kapul ka Danak dak Hukum Hinh su (pasiam) saong Danak dak Sarak Nghi quyet di Quoc hoi ka bruk ngak Hukum Hinh su (pasiam); Danak dak Hukum Kapul jabat pasang duah hinh su (pasiam). Dahlau nan, rik daong panuac meyai tame danak dak Hukum Raong anek raong (pasiam), dom lambaok vakil ndom lac, bruk Pasiam Hukum mbang ini khin patagok neh rabha, rabha bruk, pagam haong salih taka so ka njauk lagaih haong bruk daok rah tabiak. Dom asal kadha pasiam khin pabak hatai caong khik kajap kein lagaih di uranaih.

Ngak tui bilan tabung glaong Ka urang kathaot thun 2026, Ban raya HCM jak ba hu 92 ti dong sangka ka urang raidiuk kan kandah. Halau prein ini pataon tame dom gah njauk hu yau daong sang daok, sangka prein yava, pato megru saong brei bruk ngak mbang duah jien, daong rahra dak harei dak tani tanat raidiuk. Tui Mat tran negar Viet Nam Ban raya HCM, dom bruk sangka rahra pamaong tal jalan kuhria paglaong raidiuk, brei kein lagaih piah rahra pandar siam jang dom jitvu njauk hu, oh hu thei njauk klak gilac gah lakuk dalam luac jalan patagok di ban raya.

UB Bhap bini xa Châu Thành, ban raya Can Tho peih pakak tatua Rạch Bờ Dừa di puk Phú Xuân, xa Châu Thành. Tatua Rạch Bờ Dừa atah 22m, dalam nan hu 3 ragam, hu taong abih jien buh tame padang 850 trieu dong kayua Harak Báo Thanh Niên jak ba dom gah ngak pahla saong urang urang puac rik daong. Tatua Rạch Bờ Dừa bahrau ba tame pandar daong rahra nao mai salamat, lagaih piah pajeng ba kaya nong. Bingun ini dom gah ngak pahla hu alin brei 50 paok jien alin hu yaom 100 trieu dong, 100 paok kaya brei ka baoh sang kan kandah saong 5 paok jien daong urang baoh sang jaik kathaot.

Di Tinh Tay Ninh, yaom habei plom daok di tanut glaong dut saong yaok thun, kuhria rah tapa labaih 4.300 - 4.500 dong/kg, gaok mai hu tuk mek hu labaih 5.000 dong/kg. Tanut yaom ini daong urang ngak nong palagaih jien mek tame hadei rilo mbang pala drak kan kandah. Tui dom gah ngak mbang pataom blei, yaom habei plom tagok kayua gah pabak kaya tamo kurang kayua urang ngak nong dui katut sit ganik taneh pala, dalam tuk halai caong blei pandar di dom kaya meng habei plom di darak pasar Trung Quoc tagok glaong. Gam haong nan, hatai caong ka tapung habei ngak jeng kaya mbang saong kaya tamo nfak ethanol tagok.

Di Ban raya HCM, hu rilo urang ruak não mô cầu kapul B haong 4 anek saih di Sang bac THCS Hai Bà Trưng, xa Hiệp Phước. Urak ini gah y te hu peih ngak prein caga ruak ka urang daok jaik, pahacih sa-at taong abih, pametai anek ruak dalam snag bac. Gah y te pachreih rahra ndom meyai haong gah klauk jru caga piah palih ruah vaccine njauk haong thun umo, bruk klauk jru caga meng dahlau mai saong bruk di prein yava. Tapgia klauk jru caga, khin rao tangin bhian meng jabon, pacang pabah tuk patuk atau taglak, oh menyum sa li ia, kalaok ia saong khik labik daok laneing lanoi.

Phi hành đoàn Thần Châu-23 bahrau salah blaoh jien mek tame, pabam saong khik sa lô mẫu padai ngak iek bahrau di balai alam langik Thiên Cung. Harei 24/5/2026, ahaok Thần Châu-23 di Trung Quoc hu ba tagok quỹ đạo dua janih asar brah, dalam nan hu sa janih oh ka tabiak Baoh Taneh saong sa janih lac rairah ka klau hu parilo pajaih di mbaok taneh meng 59 asae “asar pajaih alam langik” yuak thun 2022. Kuhria. Rairah padai ka dua tathak dalam tukvak phi hành đoàn Thần Châu-24 ngak bruk di nyu.

Dom urang metai dalam mbang juak gauk di raya Durga Puja di bang Pei Bengal, Ấn Độ hu tagok 19 urang, hu 25 urang njauk rambuas. Bruk ini rah tabiak di malam 17/10 di labik duh paling Chorbagan, labik hu yaok rituh urang cang tame ngak raya. Tui dom khau tin di bhum palei, hajan praong katuak ngak ka kapul urang juak gauk, jhan gauk dalam jalan sit, ba tal bruk kanjah jhak. Canh sat hu mek kareik 7 urang, dalam nan hu dom urang jakar daok dalam Gah padang ngak harei raya.

Di puac adit meng blaoh, jalan ban ine Mexico City di Mexico hu jeng sa mbang ilamo gheih karei haong raya dieu hanh di dom bruk athur kaya yang mebang Alebrijes, peih camreip bilan raya “Harei di urang merai”, sa ilamo gheih karei di dom negar Mỹ Latinh ini. Tui adat bhap bini, Alebrijes hu makna patiaok dom bruk jhak. Dom athur ini jeng pagam haong Harei di urang metai, kayua khol nyu hu maong yau athur ba jalan ka dom binguk yava di dunya lok ala.