Nyaom biai Kinh te Bilan thu 2026 kayua TPHCM peih ngak hu bruk daong di Nyaom biai Kinh te Dunya (WEF) peih ngak meng harei 26 -29/10 anak tal. Nyaom biai kuhria mboh dahlau hu labaih 1.500 urang dalam saong langiu negar. Njauk caik hatai, ban raya kuhria khan lac brei sarak adat ka 12 danak dak buh jien tame ngak kuhria abih tih 13,5 ti USD saong rilo jalan pambuak bruk ngak mbang birau. Langiu di nan, jeng khan brei thau tabiak tapuk 10 urang di Pasak Jien padai dunya Viet Nam di TPHCM. 

HĐND tỉnh Dak Lak birau khan Sarak pachreih, daong bruk pato pakai, parilo urang ngak bruk meng thun 2026 -2031. Jien daong camereip glong bih tal 2 ti dong ngan haong gru pato di tinh ini. Sarak  pataom tame pachreih urang jakar naih joi  dalam 12 bruk praong, dalam nan hu ngak nong pandar king nghe glong, kong nghiep ngak tabiak kaya kan, nang luong pandar veik, logistics, yulit, gru pato, jien padai, ilimo kong nghe, salih birau hadah krah saong salih pandar taka so. Sarak caong khin rik tame  paglong  asar siam di urang jakar ngak bruk di Dak Lak dalam vaktu birau.

UBND tinh Vinh Long birau taduan Sang bac Dai hoc Trà Vinh ( Khu I lac labik yulit birau di tỉnh. Labik yulit Đại học Trà Vinh, taneh praong labaih 40 ha, jaik labik daok saong taneh ngak nong, ngak jeng labik pambuak bhap bini. Ini peih tabiak jalan ngak mbang patagok birau ka gah yulit bhum palei, pambuak dom sang bac, ilimo  saong rivang iek sang bac. Tui nan, rik daong yaih khan thaik binguk sang bac “ dai hoc hijao” – labik pambuak ilimo bac megru saong sirah rivang ilimo, sinh thai bhum gah Pei negar.

Bruk ndih tapui anek kaman di Ban Dong Nai urak ini hu 109 anek likei saong 100 anek kumei, glong jang. Bruk nan kayua bhap bini daok sahaneng takre ndih tapui anek likei. Piah pacang khik bruk likei kumei oh sumu gauk  tuk ndih tapui, tukvak tapa, gah Y te Ban Dong Nai pambuak haong dom sở, mban, dom gah peih ngak rilo jalan oh sumu gauk. Cục Dan so, Mentri Y te bhum palei khik iek catang dom labik sieu am, dut iek dahlau tuk ndih tapui.

Di ar kraong Tiền xã Tân Long, tỉnh Đồng Tháp birau rah tabiak glut jaleih taneh ba tal 2 baoh sang glut jaleih abih tame kraong saong 4 baoh sang karei khut tayak. Labik glut jaleih atah labaih 20m, mbang tame dalam taneh labaih 10m. Urak ini, gah chuc nang  brei panduan ba drap ar kaya kan di dom baoh sang saong pandap nda ngak sang danaok nao labik salamat dalam melam, piah plaik njiak khut khat.

Hoi dong Bao an LHQ njauk hatai brei khan tapa sarak khik iek uranaih dalam dom mbang mesruh metak. Sarak ndem puac catang ka dom bruk palih ruah, pametai, gham kateik gheih uranaih atau taong tame sang bac, gam kakei ka bruk palua jak ba uranaih tapa mang xa hoi. Sarak jhul pakhang bruk khik iek uranaih anak dom bruk pandar kong nghe so saong paglong ilimo taka so ka gru pato, anek saih.

Pháp pandar ngak tui adat pakauk catang di dom ban raya hadei dom mbang sraw kadau dalam negar di puac adit tapa. Thu tuong Pháp atah klak  adat akauk di Paris, min oh klak tapa bruk ngak samar chip. Rilo taneh ia  chau Au kakei bhap bini hu mbaok di negar Pháp palaik njiak labik pataom ralo manuac saong brei ngak tui tacei ba di karja pak ini. Bruk sraw kadau meng blaoh taong yaom lac tha dalam dom mbang mesruh  biak trak di negar Pháp dalam dom thun jaik ini.

Tui kuhria yaom harak ve kapal ahaok  di chau Au meda tagok meng 10% tal 20% dalam thun anak tal, dalam tuk yaom xang menyek daok tagok kayua mesruh metak di Trung Dong dui atah. Ini lac yaom harak ve tagok glong abih meng lavik mai di gah ahaok chau Au. Yaom xang manyek ahaok tagok glong ralo doanh nghiep pagam ralo mac jamraih pacang khat lahik kayua yaom xang menyek tagok.