Langik salih karei ba tal ia dauk, di bhum meraong negar saong bhum taneran kraong Cuu Long njauk sangka caik hatai dalam tuk ia tathik ndik saong mbuan ia dauk rah tabiak ralo. Bruk langik salih karei di thun 2025 di Mentri Ngak nong saong Alam moi truong brei mboh langik dak thun dak pandiak. Njauk ndem tal di rilo taneh di bhum Kreh saong meraong negar, pandiak meng 35 độ C meda tagok labaih 50 harei dalam sa thun. Mbiah tal thun 2100, ia tathik  tagok di Viet Nam tagok labaih 62,9 cm, glong abih labaih 82 cm. Bruk nan ba tal  taneh di Bhum taneran kraong Cuu Long dauk dalam ia.

Mban Khik iek Labik ngak nong kong nghe glong TPHCM palih ruah 10 urang ilimo, urang roh duah piah ngak bruk duah tabiak jalan ngak suai lavik, sarak saong patagok kong nghe dah ngak nong kong nghe glong. Urang ilimo, urang roh duah palih ruah daong jien mek tame camereip labaih 100 trieu dong, jien duah tame yaok bilan meng 50 tal 100 trieu dong. Langiu di nan, daok taduan hu sarak pachreih urang roh duah ilamo, patagok jalan sahaneng saong paglong kong nghe, tagok tal 1 ti dong yaok urang.

Tinh Dak Lak  ba tabiak jien daong labaih 200.000 đồng sa urang sa harei ngan haong urang panduan salih labik daok samar chip tabiak truh labik rah tabiak bala meng langik tathik, dalam 15 harei yaok mbang. Tui UBND tinh Dak Lak, ribuk mbang ka 13 sang hajan praong di bilan 11 thun 2025 brei mboh bala meng langik rah tabiak samar, sraw kadau, bhap bini brei ramik panduan samar chip piah khik brei salamat. Yau nan ye, bruk ba tabiak sarak ini daong ka bhum palei kuhria caga dahlau ka bhap bini hu labik daok dalam tuk panduan salih.

Tỉnh Dong Thap peih ngak iek 90 harei salih HTX pambuak haong bhum pala, kham merat padang hu 10 HTX pambuak haong 10 bhum taneh di dom gah ngak mbang praong dalam tinh. Dom gah kaya brei ngak dahlau hu padai, brah, pa-ok, durian, panat, maneh, kruac aih, kruac bung, plang, njam patam, ikan pra saong dom kaya kan karei tui jalan patagok di tỉnh. Tapa nan, paglong ilimo khik iek HTX, padang bruk ngak mbang, pabak jitvu saong pambuak darak pasar, rik tame patagok kaya nong.

TP.HCM  dut iek prein yawa ka labaih 6,3 trieu urang. Njauk caik hatai lac, ban raya birau peih pambak praong iek ruak oh mek jien ka bha bini oh ka hu sarak labik daok, daok tukvak katut panak min hu pasang tapa VneID tanut 2. Jalan ngak ini ba mbuan lagaih  ka urang daok diuk rai di TPHCM tapa danak dak, takik kurang manuac. So Y te caong khin 168 phuong, xa, dac khu pasang iek, pabak sarak urang birau hu pambak praong; pambuak haong kong an labik daok pabak asar kadha daok, kuhria caga jien padai saong peih bruk dut iek ruak tui sarak ba tabiak.

Bruk kurang kadung jien dui atah saong jien mesre tagok ba tal dom kan kandah jien padai di karja Tổng thống Donald Trump. Mentri Jien padai Mỹ birau khan brei thau ka dung jien labaih 2.000 ti USD dalam thun jien padai 2026, glong ka 3 kuhria meng lavik mai. Kuhria abih jien sre di Rajaei Mỹ jaik tal 40.000 ti USD di bilan 8, dalam tuk jien sre kuhria tui kaya kan ngak tabiak dalam negar labaih 100%, dreih yau samar mesruh metak mbang ka 2. 

Dalam jaik 10 bilan tapa, bang Cao nguyen di Barak Nigeria hu tal 11.000 mbang urang ruak lao. Taong abih dom urang ruak nan hu jru ruak dalam dom sang iek ruak dalam bang. Yau nan min, dom urang metai oh ka ndem tal. Nigeria lac sa dalam dom taneh ia hu urang ruak lao ralo abih di dunya. Ruak lao njom mbak tapa jalan suan yawa. Urang taha, uranaih umo 5 thun atau dom urang njom HIV lac dom urang mbuan gaok kan kandah abih di ruak ini.

Ribuk Adam ngak hajan praong saong ia ribuk sua di Bhum Tay Ban Nha, ba tal takik abih lac 2 urang metai saong labaih 800.000 urang dauk labik daok. Di Valencia, labaih 2.100 urang brei panduan ba nao labik karei, 95 urang hu daong ba tabiak truh. Rilo jalan, dom sruh radaih oto ia ba theik, jalan mbak bak gluh baok, kaya kan amah anak sang…Mbang hajan ia sua ngak hadar veik bala meng 2 thun dahlau ini, ngak labaih 230 urang metai./.