Brei panuac di Nyaom biai Kinh te Bilan thu 2026 peih ngak page ini, Thu tuong Rajaei Lê Minh Hưng ndem cambaic laic, labik dang tal thun 2035, Viet Nam pamong tal  bruk ngak di sa pasak ngak tabiak kaya kan, salih birau hadah krah, pambuak bruk cak rok patagok saong bruk cakrok patagok di bhum taneh ini. Viet Nam caong khin dom gah oh lac Viet Nam piah duah bruk lagaih, bo mai piah Viet Nam cih tabiak saong ngak jeng bruk, dom jalan saong bruk cakrok patagok birau jeng dom danak dak, jeng kaya kan saong klak rabha bruk ngak, kham merat pambuak  piah tui ngak tal tuk hu jak jeng siam mekre. Hadei  nyaom biai, Ban raya HCM hu jao brei sarak buh jien tame ngak 12 danak dak praong kuhria labaih 13,5 ti USD saong mbaoh harak ngak bruk haong urang ngak praong pakat glong Nyaom biai Kinh te Dunya.

Bhap bini TPHCM pandar VneID piah blei harak vé radaih buyt, metro. Ini lac 1 dalam 3 bruk ngak kong nghe bo UBND Ban raya birau padang tabiak. Tui nan, 3 bruk nan lac: pambuak jalan metro, bus angaok VneID; Padang  ngak gilang dữ liệu harak ndih tapui,  harak ka urang plang taha, langyah harak gal hanh chinh saong bruk “ Kapol ngak bruk samar anit ranam”, pambuak Tổng đài 1022 Ban raya daong bhap bini tut angan ngak harak gal ka urang metai di sang. Klau bruk  nan di dom gah karei di gauk min pamong tal bruk lac: labik halei bhap bini khin daong, labik nan hu mbaok karja.

Meng akaok thun tal ini, tinh Dak Lak taduan hu 4 urang njom ruak Whitmore, dalam nan hu sa urang metai. Dom urang njom ruak di xã  Ea Súp, phường Buôn Hồ saong phường Tuy Hòa. Whitmore lac ruak  kayua  vi khuan dalam taneh saong ia, njom tame rup tapa dom labik laka mbaih angaok kalik. Urak ini, oh ka hu vaccine  pacang caga ruak. Gah y te kakei bhap bini tahaneh mbang tathak, menyum ia tathak; tuk gaok gluh haluk, ia kandong, brei cuk harum tangin.  

Kayua ia ndik, riyak praong yau nan ye ar kraong atah labaih 170 m di palei Thạnh Thới B, xã Thạnh Hải, tỉnh Vĩnh Long talah. Hadei thau ka bruk nan, gah chuc nang brei hu mbaok piah daong ramik pasiam. Dom baoh sang di bhum mbuan gaok bala hu panduan ba mai labik salamat. Anak bruk glut jaleih taneh daok rah  tabiak kan thau dahlau, jabat chức nang kakei bhap bini tui iek langik, ia ndik saong brei ngak dom jalan pacang caga.

Biar harei ni (28/10), ia ndik di kraong Sài Gòn meda tagok glong, tapa pakat 3 tal 23 cm. Njauk caik hatai, Lâm Đồng, Đồng Nai saong Tây Ninh hu hajan di biar harei ini. Ta-eng TPHCM, hajan ralo di barak ( Binh Duong klak). Di dom tinh gah Pei, hu hajan luac harei di Ca Mau saong An Giang, Cần Thơ. Njauk caga kayua hajan praong gam ia dauk dom labik dhaong biar.

Bol lin Thai Lan birau ini chap mek hu labaih 4 trieu asar matuy tong hop hadei  mbang patuh phao haong sa nyaom pablei dauk di labik tapen negar  haong Myanmar. Ini lac sa dalam dom mbang chap mek hu bruk pabei salih matuy praong ralo. Meng harei 21/10 mbiah tal ini, bol lin Thai Lan pacang caga 26 mbang pablei salih matuy dauk suan hukum di labik tapen negar gah Brak, chap mek 24 urang dius. Kuhria abih tih hu 18 trieu asar matuy tong hop, 120 kilo matuy patau, labaih 100 kilo jru phien saong labaih 130 kilo ketamine. 

Trung Quoc brei thau mac jamraih  kong nghiep tapa pandar meda ngak mblo tabiak dữ liệu meyah oh langyah njauk dahlau tuk pablei atau atah klak. Dom he thong  dieu khien padeih pandar dalam gah nang luong, vien thong atau jalan mbak meda ba tal tavak thông số peih ngak saong cau hinh pacang khik kandauk. Meyah gaok urang bleik, dom du lieu nan pandar veik piah taong tame he thong.

Mỹ, Lien minh chau Au (EU) saong 30 taneh ia ndem puac ka bruk kaya mbang padai brah di Suadan dak harei dak jhak, tui nan iek brei ngak samar piah pacang khik bruk iek lapa dalam tukvak anak tal. Sarak ndem cambaic laic  dom gah hu mbaok tame mesruh  brei klah rabha pandik pandua haong bhap bini Sudan. Sudan rah tabiak mesruh metak meng bilan 4 thun 2023./.