Page ini 28-10, Thủ tướng Lê Minh Hưng ndem meyai haong urang ngak praong di Nyaom biai Kinh te dunya (WEF) di TPHCM. Ngan haong kadha “Labik dang di Viet Nam ngaok dunya”, asar kadha ini ndem meyai haong Thu tuong Lê Minh Hưng saong urang ngak praong (WEF) pataom tame dom  bruk ngak kinh te dunya, meng phun jien buh tame ngak kong nghe tal bruk salih pabak saong bruk cakrok patagok, jeng yau pambak tal bruk cak rok patagok di Viet Nam. Hadei mbang ndem meyai nao mai, TPHCM kuhria ba tabiak 12 danak dak kuhria tui jien labaih 13 ti USD, pataom tame dom gah yau pabah tathik, logistics, patagok do thi, kong nghiep saong kong nghe glong.

UBMT Negar Viet Nam phuong Binh Duong, TPHCM birau padang “ Labik iek glang prein yawa saong labik nyaom pataom di urang umo taha”, di Balai Y te phuong Binh Duong. Di labik ini, don vi brei hu labik iek ruak, laneng gheih ndih iek ruak, dut iek prein yawa ka urang taha, meng nan, daong dom urang taha hu iek glang prein yawa  jaik labik drei daok. Dahlau di nan, phuong Binh Duong hu bruk “ Harak ho so prein yawa lauc rai di dom urang taha”, hu dom bruk taduan raok, iek ruak, ngak vat ly tri lieu, hu brei var mbang panan saong brei jru oh mek jien. 

Urak ini, dom po bein tinh Vĩnh Long pataom tame iek glang phun mbang baoh piah brei pabak ka darak pasar Tet, gam ngak tui hatai caong takre dak harei dak glong di darak negar langiu. Langiu di nan, dom po bein salih tapa pala tui jalan huu co hacih sa-at, VietGAP saong padang ma so bhum pala. Ini lac bruk hu makna  praong darak piah paglong bruk duah thau halau gha kaya nong, tui caong khin di doanh nghiep soang peih praong darak pasar. 

Hadei 10 harei tui iek meng tuk hu urang ruak puac abih, jaik 200 urang hu taom gaok dom urang ruak não mô cầu di Sang bac THCS Hai Bà Trưng (xã Hiệp Phước, TP.HCM) prein yawa khang kajap, oh hu thei birau ruak. Meng harei 14 tal harei 20 bilan 10, TPHCM hu 5 urang ruak não mô cầu nan lac anek saih, hu 4 urang di Sang bac THCS  Hai Bà Trưng saong 1 urang di Sang bac Ngô Thời Nhiệm, phường Bình Dương. Dalam dom urang ruak di xã Hiệp Phước, hu 1 anek saih metai.

Tui Rayo khí tượng thủy văn Nam Bộ, bilan hajan thun ini tamat aval jang dom thun dahlau meng 15 tal 20 harei. Meng harei akaok bilan 11 meda hu dom labik yau Bến Tre, Hậu Giang, Sóc Trăng (cũ), Nhà Bè (TP.HCM) tamat bilan hajan. Tal kreh bilan 11, jaik abih dom tinh ban gah Meraong negar meng padeih. Meng bilan 12 thun 2026 tal bilan 4 thun 2027, gah Meraong negar takik hu hajan, langik pandiak meda dui atah.

Canh sat Hàn Quốc chap khik 7 urang pandar AI tame he thong, klaik mek 8,2 trieu ho so angan je urang di labaih 90 sang iek ruak, sang bac dai hoc saong doanh nghiep di Han Quoc. Njauk caik hatai lac, urang ba akaok oh thau hagait ka kong nghe thong tin bo bac ta-eng angaok mang Internet, hadei di nan pandar AI tao sinh piah tavak mek du lieu. Dalam sa thun, kapol nyaom ini mek khaw tin nan piah ngak jien di urang saong mek hu 360 trieu won, sumu labaih 6,5 ti dong, mai meng 30 kapol nyaom.

Mentri Quoc phong Nga khan brei bol lin negar ini padeih cuh di labik Kherson, piah caga peih bruk ngak pahala di ban Oleshky. Urang brei panuac di Điện Kremlin khan lac, Diuk di po negar Mỹ Melania Trump dang tabiak ngak bruk ginum biai brei padeih cuh piah ngak pahala daong urang kan. Bruk padeih cuh caong khin peih tabiak ralo jalan hu salamat, pajeng ba kaya daong tame tal ban raya saong panduan ba bhap bini tabiak.

Gah Khi tuong Dunya (WMO) di LHQ  khan lac,  thak yawa nerak jhak di angaok langik tagok glong abih dalam thun 2025, ngak jhak dui atah dom pluh thun anak tal. Phó Tổng Thư ký WMO, kakei dahlau thak jhak  daok pataom biak ralo di angaok langik, ba tal hajan pandiak oh lagaih saong ngak kan kandah tal dom bruk ngak mbang kinh te-xa hoi./.