Quan khu 7 pataom hu labaih 1.600 atau talang bol lin, sala blaoh taong abih dom bruk ngak, tanut ba tabiak dalam Danak dak 500 harei malam jhul khang bruk duah, pataom saong ngak tantu angan je atau talang bol lin. Labik Quan khu 7 dalam nan hu Ban raya HCM, Dong Nai, Lam Dong saong Tay Ninh. Dalam bruk ngak tantu angan je bol lin, tal harei 24/8, Quan khu hu salah blaoh bruk roh cakac, mek 30.650 mau kaya ginup kein lagaih piah duh ka bruk ngak tantu ADN. Lam Dong lac bhum palei salah blaoh aval abih, dalam harei 12/8.

Sở Bangsa saong Agama tinh Tay Ninh birau peih nyaom biai pathua khan, pambak praong, pato hukum saong peih ngak sarak ka bhap bini urang bangsa takik, urang hu angan je dalam tinh. So Bangsa saong Agama caong khin, hadei di ini kapol urang hu angan je  patui veik bruk pambuak karja haong Bhap bini; kham merat pathau khan, jak ba bhap bini ngak siam jalan tacei ba di Dang, hukum, sarak di Karja, khik ramik ilimo bangsa. Tapa nan, rik tame khik brei salamat, siam mekre, pakajap bruk jum pataom taong abih bangsa saong jhul pakhang bruk ngak mbang kinh te  xa hoi di bhum palei.

Kapul Chữ thập đỏ Ban raya HCM saong dom labik kapul kuhria sangka 40.000 paok kaya alin ka rahra baoh sang kan kandah bingun Tet Nguyen dan pabaiy Jim Luac 2027. Tal ini, Kapul hu jak nan labaih 8.800 paok kaya alin, hu jien jaik 11 ty dong. Dom danak dak pambuak hu caong khin daong salih bahrau bruk ngak di Kapul, peih praong majam pambuak saong paglaong siam lagaih daong rahra raidiuk kan kandah.

Bhum Dong Thap Muoi, tinh Tay Ninh, hu kein lagaih ka bruk ngak tabiak padai brah pablei ralo labik saong labik hu makna jaik haong Campuchia tapa Pabah mbang dunya Bình Hiệp, ngak brei patagok. Yau nan min, jalan mbak oh ka ngak brei sumu gauk. Piah lang talaih  dom kan kandah ka bruk ini, dua danak dak paglong Jalan raya 62 saong  padang ngak jalan Tân An - Bình Hiệp, kuhria jien buh tame labaih 12.500 ti dong, caong khin ngak brei pambuak pasak tinh, bhum nguyen lieu saong labik bambang, pachreih  urang buh jien tame  ngak mbang, patagok bruk pablei salih, paglong bruk ngak kinh te di bhum Dong Thap Muoi. 

Gah y te Dong Nai hu ba tabiak luac jalan meng ini tal 2028 brei tayah klak taong abih ruak sot la-an langaoh dalam ban raya. Tal thun 2029, salah blaoh harak gal mbaoh tangin Dong Nai mek hu tanut chuan tayah klak ruak sot la-an langaoh. Piah salah blaoh dom tanut ini, gah y te brei jul khang dom jalan langyah hu makna: srap gap urang ruak di dom kapul mbuan gaok kan kandah glaong; khik tani tanat bruk pasang iek jit ruak katuak saong yaok tukvak; parilo dom danak dak truyen thong di bhum tapen negar, labik hu urang nao glai, ndih di apuh saong jak ba siam lagaih di dom labik y te ta-eng menuac urang…

Hang thong tan Trung uong Trieu Tien (KCNA) khan lac, Po negar Trieu Tien Kim Jong Un iew taneh ia ini brei ngak dahlau ka kong nghe kapal ahaok oh hu manuac peih ( UAV), tui nan brei pandar tri tue nhan tao (AI) dalam bruk patagok dom he thong phao ndao birau. Ong iew brei pandar AI birau  dalam dom he thong vu khi  oh hu urang peih piah hu jeng sa dalam dom urang nao dahlau dalam bruk bol lin ngak tui ilimo birau.

Mentri Pambuak langiu negar di Nga ndom lac negar ini brei patui veik daong prein Cuba dalam kham merat caong khin My tayah klak bruk pakauk kinh te, pablei salih saong jien padai ngan haong negar kaoh pulao Caribe ini. Tui Mentri Pambuak langiu negar di Nga, prein kateik kinh te saong bol lin patagok di thun ini, gam haong dom bruk kareik nang luong, hu jhul rahra Cuba laik tame bruk panduan tapa dom negar karei, ngak tabiak bruk srau kadau panduan labik daok di labik.

Sa bruk roh duah birau ini hu khan angaok Harak Tempo di Indonesia brei mboh, urang kumei metian gaok athak apui khuah glai, njauk ndem tal dalam 3 bilan kreh saong 3 bilan puac metian, mbuan ndih tapui anek ruak tự kỷ. Anak bruk njom athak pui mbang glai, dom urang ilimo roh duah kakei urang kumei metian tui iek khaw tin ka dom mbang apui khuah glai, pasang iek athak langik di labik ini, takik tabiak gah langiu tuk hu athak./.