Patui danak dak di Mbang nyaom ka 2, Quoc hoi mbang 16, page ini (2/11), dom urang ginum biai ka 2 danak dak Hukum lac Hukum pasiam, pavak dom paka di Hukum Dau tu saong danak dak Hukum alin, pagam mô, pagam tang dalam rup saong brei tang, rup atau (pasiam veik). Dalam danak dak ini, asar kadha birau abih Hukum alin, pagam mô, pagam tang dalam rup saong brei tang, mek rup atau (pasiam veik), Rajaei brei adat ka urang umo 18 thun  hu mbaoh harak  alin brei mo, rup atau hadei tuk palang metai, hatai baoh padeih saong brei atau rup. Tui nan, urang umo 18 thun tagok  hu mbaoh harak.

Ngak bruk di Vien padai brah di Bhum taneran kraong Cuu Long, Pho Thu tuong Hồ Quốc Dũng iew Vien Padai Bhum taneran kraong Cuu Long brei pataom tame jhul pakhang bruk pandar kong nghe sinh hoc saong kong nghe gen piah ngak tabiak dom pajaih padai birau mbuan diuk takik ruak, lagaih haong langik salih karei saong yuak kuak hu lagaih. Tui nan, hu mbaok tame ralo bruk jang mban mbuan lagaih ka Danak dak “Patagok khang kajap 1 trieu hecta pala padai asar siam, takik tathuak nerak gam hijao di Bhum taneran kraong Cuu Long tal thun 2030”.

Yaom pablei dien kuhria rah tapa trun 2% meng ini tal jarei 31/3/2027 tui harak Quyet dinh di Tap doan Dien luc Viet Nam. Tui taong yaom di dom urang ilimo, bruk pablei le ndien ini rik tame ngak takik khat jien ka doanh nghiep, bhap bini, pasang iek bruk lạm phat. Ngan haong dom  baoh sang pandar ndien kuhria rah tapa labaih 400 kWh dien sa bilan dalam tuk yau urak ini patak pataom hu jaik 20.000 dong jien den yaok bilan. Ini lac bruk lagaih patak pataom jien ka bhap bini, doanh nghiep.

Adit peih ngak Ilimo, Padhih saong Yulit saong Raya Ok Om Bok tỉnh Vĩnh Long thun 2026 peih ngak meng harei 18 tal harei 24 bilan 11, hu rilo bruk ngak ilimo padhih the thao saong yulit biak gheih karei. Njauk caik hatai lac, yai pakacah gheih Ngo mbang akaok meti hu peih ngak di kraong Láng Thé, xã Bình Phú. Bruk ba kraong Láng Thé tame pakacah ghe Ngo thun ini oh hu pakacah  birau bo daok chreih chrai jang, caong khin ba urang saong bhap bini rik tame  ngak dom bruk ilimo dalam Roya Ok Om Bok di Vĩnh Long

 Kong an TPHCM birau taong tayak jalan ngak ja yaok pluh harak gar, tai lieu, chap mek hu labaih 670 inem ja saong ba tabiak kaoh tui hukum. Tui bruk duah thau camereip, jalan ngak ja yaok pluh harak agal, tai lieu di rilo gah yau harak tot nghiep dom pakat, chung chi bruk ngak, chung chi bruk bac harak gak  pasang iek mac jamraiah thiet bi, ba-ar tut angan peih radaih, ba-ar angan radaih saong rilo ba-ar karei. Dom harak ba-ar  ngak ja biak kan thau. Tapa bruk ini, dom urang mek jien tame  yaok ti dong.

Cục Thong ke pakat negar Trung Quoc khan brei thau “ Harak yaok kuhria radiuk xa hoi saong bhap bini thun 2025”, kuhria mboh birau abih ka bhap bini, pato megru saong bruk ngak. Tui nan, bhap bini Trung Quoc  hu 1,4 ti urang, dalam tuk urang umo thun 2025 tagok dut saong  thun dahlau. Ini lc sa dalam dom angka so njauk caik hatai ka bruk pasiam veik gah y te, raidiuk saong bhap bini di Trung Quoc. Ndem ka bhap bini, tal puac thun 2025, nyaom bhap bini umo meng 16 - 59 thun di Trung Quoc hu 851 trieu urang, meblah 60% bhap bini.

Triều Tiên khan brei thau ka bimon akoak ndan ngak tabiak tên lửa đạn đạo chien thuat saong kuhria ngak 4 janih akaok đạn ka bol lin dalam thun 2026. Tui Hãng thong tan Trung uong Triều Tiên KCNA, akaok đạn ginup tanut 2 cuh tayak palai praong meng 12 tal 13 hecta. Janih akaok đạn  mbang ini cuh tabiak rilo đạn klik, cuh di ralo labik praong. Bình  Nhưỡng khan brei thau tal puac thun ini, dom don vi bol lin meda hu pandar taong abih dom janih akaok đạn nan pandar tui bruk di nyu.

Dom kapol dieu hang bingu  mekre hadah, bingu cuc van tho, pang dien gam dom mbaok meta ngak mekre yau talang Catrina lac thaik bingu mekre abih dalm dom bruk ngak piah pahadar  Harei  di urang metai di Mexico. Dom bruk ngak dalam roya meng bilan 10 saong dui atah tal harei 2 bilan 11 yaok thun. Tui sahaneng di urang Mexico, ini lac suan yawa urang gauk gar alot ala  hu mai dunya lot ini haong baoh sang di drei. Thun 2008, dom adat Harei di urang metai di Mexico hu UNESCO tavak angan tame Sarak Ilimo oh mboh di meta di dunya./.