UB Bhap bini ban raya Can Tho brei thau, hadei pagam haong tinh Hau Giang saong Soc Trang, ban raya Can Tho bahrau hu taneh praong labaih 6.360km2, rahra hu labaih 4 trieu urang. Min, bruk quy hoach ban medin saong palei pala oh ka samu gauk. Kayua nan, UB Bhap bini ban raya Can Tho likau Thu tuong mbaoh tangin ka sarak padang Quy hoach haong gauk, tukvak quy hoach meng 20-25 thun, kuhria caga tal 50 thun, ngan haong taong abih labik ngak bruk karja ban raya Can Tho bahrau. Ini jeng lac bruk piah ban raya padang jalan kuhria patagok suai atah, njauk haong labik dang pasak bhum Taneran kraong Cuu Long.

Akok thun bac birau, Kong an Ban raya HCM peih bruk pathau khan jak ba pacang caga matuy saong pambak praong adat hukum jalan mbak ka anek saih dom sang bac di ban raya. Di dom var ginum biai, anek saih hu yaih khan kanjiak jhak di matuy, abih di nyu lac dom janih ma tuy tong hop  birau ngak biak jhak tal rak than kinh. Anek saih hu tacei ba duah thau urang hu pandar matuy, jalan plaik njiak ka rup drei saong baoh sang di drei. Bruk nan daong ka anek saih  paglong jalan sahaneng pacang plaik bruk kanjiak jhak jeng yau bala angaok jalan mbak.

Kong an tinh Tay Ninh hu taduan 79 rahra dalam 22 tinh, ban kayua kapul chuc nang Campuchia bayar mai. Rilo meng lac dom urang ini daok diuk rai, ngak bruk suan huklum di Campuchia saong njauk mek kareik. Dom urang nan khan abih saong halan tian tabiak langiu negar njauk hukum atau suan hukum tapa Campuchia ngak bruk duh dalam labik karaoke, lang sap, daong bruk di dom tadai kuan mbang huak ka dom kongti chot pagat.

Meng akaok thun mbiah tal ini, tinh Ca Mau taong phạt 39 mbang ngak suan hukum IUU. Abih di nyu nan lac, hu ba tabiak kaoh tui hukum sa kapol, ba jalan ka urang karei tame tabiak negar suan hukum pambuak tal hukum IUU;  langyah 2 gilai kapal ngak suan hukum tathik negar langiu. Tui kuhria tal puac thun ini, Kapol pasang iek Lien minh chau Au (EC) tapa mai pasang duah di Viet Nam mbang ka 5, ini lac bruk ba tabiak piah Viet Nam  lang talaih “pakat katam kanyik” taong chap kaya ikan. Urak ini, Cà Mau caga ramik ginup harak gar ho so, parabha bruk cambaic laic, tuk halei jeng ngak bruk hu tapa nan brei mboh dom bruk kham merat pacang cakak bruk taong chap suan hukum IUU.

Labik Khik ramik Alam langik – Ilamo Dong Nai bahrau hu mbaoh tangin brei angan lac Bein bangi drap ar ASEAN. Labik Khik ramuk Alam langik Ilamo Dong Nai pasang iek labaih 100 ribau hecta, dalam hu glai, taneh glai ngak mbang saong danao Trị An. Gam haong bruk rilo di anek athur phun kayau hu jaik 1,9 ribau janih anek athur saong hu labaih 600 janih phun kayau daok diukrai saong patagok, Labik Khik ramik Alam langik Ilamo Dong Nai jeng sa dalam dom labik rah rivang dui pachreih di dam dara chreih takre pasang duah.

Meng bilan 5 anak tal hu labaih 90.000 urang di grauk labik negar Nhat Ban ba tame sang iek ruak kayua having panjiak, rilo jang yaok kuhria mboh labaih 86.000 urang bilan ini thun dahlau. Dom urang having panjiak mboh ralo abih di dom labik gah Barak Nhat Ban meng lavik mai lac la-ar ralo. Bruk nan kayua bhap bini rahra di dom labik langik la-ar kurang kuhria caga pacang panjiak, ba tal hu rilo urang having panjiak. Langiu di nan, dom bhum la-ar takik pagam mac jamraih ngak la-ar.

Mentri Nang luong saong Mo Cuba khan brei thau lac hu pasiam bruk pabak ndien ka rahra di 5 tinh gah Pur Cuba, njauk kan kandah kayua bruk lahik ndien di biar harei mesup 7/9 bahrau blaoh. Urak ini cong suat pabak ndien tok khik kajap labaih 50% hatai caong pandar, nan bruk cakak ndien tui saka hu kuhria brei patui veik rah tabiak di 15 tinh. Dalam sa asal kadha di angaok mang xa hoi. Akaok negar Cuba hu ndom lac sa dalam dom bruk brei caik ngak dahlau di rajaei lac langyah bruk srau kadau ndien nang.

Apple birau khan ka dom kaya ndap nda birau njauk ndem tal iPhone Air lac lapih abih, hanjol abih saong kajap abih kuhria meng dahlau mai. Yaom pablei meng 999 USD, iPhone Air hu chip A19 Pro patak pataom nang luong, pin pandar hu suai saong mbaok camin praong jang iPhone 17, hu pagam dua camera piah thaok bingu biak mekre. Apple hu ba tabiak janih iPhone 17 saong iPhone 17 Pro, hu chip A19, mbaok camin hadah jang, takik saluak./.