Tui So Bangsa saong Agama Ban Can Tho, tukvak tapa bruk bangsa, agama, adat cambat dalam Ban hu peih ngak sumu gauk, siam lagaih. Njauk ndem tal dom sarak bangsa, sarak daong tani  tanat raidiuk xa hoi haong bhap bini bangsa takik, urang hu angan je daok peih ngak hu ginup, sumu rik tame paglong raidiuk bhap bini saong jalan sahaneng di mikva. Urang hu angan je dalam bhap bini di Ban Can Tho brei paglong ngak siam bruk di drei pathau khan dakwah ka jalan tacei ba di Dang, hukum sarak di Karja, ba drei tame ngak bruk daong patagok kinh te -xa hoi, padang ngak palei pala birau, patrun kathaot khang kajap saong pakajap jum pataom taong abih bangsa.

Harei 23/6, di Sang pakacah Pasak Pasram pakat negar di Phường Lang Biang - Đà Lạt, Mentri Pato megru pambuak haong UBND tỉnh Lâm Đồng peih pakak bruk alin Yai Padhih the thao anek saih pho thong pakat negar thun 2026. Ini lac harei roya padhih the thao ka anek saih  praong abih dalam negar, labik pataom dom anek saih naih gheih dalam bruk bac da-a saong pasram patia. Hu mbaok tame pakacah yai  hu labaih 2.200 anek saih pho thong mai meng 30 tinh, ban tame oakacah 5 mon padhih the thao, nan lac: pakacah nduacm caluai ia, taong cầu long, bóng bàn saong taong vo.

UBND tinh Dak Lak harei kabroi  peih ngak bruk “ Chien dich Bilan he taka so VneID”, gam haong Bhap bini peih ngak Danak dak 06 di Rajaei ka bruk patagok pqandar ing dung du lieu ka bhap bini, định danh saong mbaoh harak ndien tu duh ka bruk salih pandar taka so pakat negar. Urak ini, dalam tinh hu jaik 230.000 tai khoan VneID pakat 2 hu mbaoh tangin min oh ka tame ngak. Bruk kham merat brei tame hu abih dom tai khoan nan, gam jhul pakhang bruk taduan, tame tai khoan dinh danh ndien tu pakat 2 ka bhap bini ginup umo thun.

Ban raya HCM daok jhul pakhang bruk pandar ung dung tri tue nhan tao AI tame bruk ngak di karja bhum palei saong daong bruk ka bhap bini. Di phuong Tân Hưng, AI hu pagam tame rilo bruk khik iek yau harak gal hanh chinh, taduan panuac, khik iek bruk ngak, tui iek langyah harak gal saong kuhria pataom du lieu tui tukvak peih ngak. Bruk pandar AI daong ngak katut tukvak ngak bruk ngak dreih gauk, daong urang jakar,kong chuc pagong bruk ngak hu siam.

Dalam tuk rilo labik jaleih taneh tapen kraong Cổ Cò (xã Mỹ Lợi, tinh Dong Thap) bahrau ini, oh ka pasiam ye di jalan ar tapen kraong Trà Lọt (xa Cái Bè) rah tabiak bruk jaleih taneh ngak kan kandah tak bruk nao mai, pajeng ba ndap nda di rahra. Hadei tuk rah tabiak, urang ngak praong di So Ngak nong saong Alam langik tinh Dong Thap hu tapak nao tal labik jaleih piah roh duah, duah jalan langyah pasiam. Gah chuc nang ndom lac bruk jaleih taneh di labik ini di tukvak anak tal lac biak srau kadau, kan si thau, abih di nyu nan lac dalam bilan hajan ia sua.

          Xin chuyển sang phần tin thế giới: 

Mentri Jien padai My hu ba tabiak harak brei adat ka gah ngak tabiak, pajeng ba saong pablei menyek di Iran dalam tukvak 60 harei, sa bruk hu maong yau lac takai nao akaok meti piah ngak dom pagun sanya mek hu di My saong Iran dalam karrak kanal hadar hu mbaoh tangin di adit dahlau. Harak brei adat bahrau jeng hu brei blei tame menyek tamo saong dom kaya menyek hu mai meng Iran tame My dalam dom bruk njauk hu piah salah blaoh dom harak gal pablei salih hu mbaoh tangin.

Trung Quoc brei thau, du thao Hukum Ngak bruk Maraong Nam cuc saong Pacang khik alam langik jaik si hu Quoc hoi negar ini maong iek hu ba tabiak dom adat piah ngak lagaih bruk jirah rivang di Nam Cuc. Dom thun jaik ini, Nam Cuc hu jeng labik mai tal dui pachreih bahrau ka jirah rivang negar langiu di Trung Quoc hu labaih 10.000 urang, ba Trung Quoc jeng labik hu tuai jirah praong ka dua mai tal labik ini hadei My.

Mbang pandiak bhang glaong abih di chau Au patui veik ngak kan kandah trak tal raidiuk saong bruk ngak mbang kinh te – xa hoi di rilo negar. Di Prang, nhiet ndo truh tapa tanut 40°C, ngak ka yaok rituh sang bac brei kareik bambang atau dui katut tukvak bac. Dom negar Tay Ban Nha, Italia, Duc, Bi saong Anh jeng daok gaok nen nhiet glaong oh bhian. Rilo ban medin taduan nhiet do truh tapa tanut 40°C saong mbuan rah tabiak veik dom mbang pandiak bhang dui atah dalam dom adit anak tal.