Harei 20/7, Kapol urang jakar di Mban Chi huy Bol lin Bien phong Ban raya Can Tho kayua  Ndai ta Phạm Lê Xuân Bình, lac urang ba akaok Kapol urang jakar  mai rivang, alin kaya ka dom baoh sang gauk gar liet si, thuong binh saong Anh hung bol pan phao kraong dalam ban, pahadar 79 thun Harei Thuong binh - Liet si 27/7. Đại tá Phạm Lê Xuân Bình khan lac, dom rairah urang jakar, urang Bol lin Bien phong ban Can Tho tuk halei jeng iek praong, hadar tal dhar phol praong do dom rairah bollin dahlau saong patui veik bruk ngak di Bol lin bhap bini Viet Nam,  ngak siam bruk khik iek palei negar, bruk ngak po taneh ia, khik kajap labik tathik tapen negar.

Bruk mek mau ADN di dom kubor liet si  piah duah thau angan di dom gah karja tinh Dong Thap peih ngak kham merat ngak brei hu siam abih. Urak ini, dalam tinh daok hu labaih 12.800 kubor liet si oh ka thau angan je saong labaih 9.400 kubor  birau hu thau dom asar kadha di urang. Dom thun tapa, tinh Dong Thap caong khin duah thau ADN di 970 mbang urang duah thau, pasang iek njauk haong angan je 96 atau talang liet si.

Di phuong Tuy Hòa, Uy ban MTTQ Viet Nam tinh Dak Lak harei kabroi  peih bruk kuhria iek veik taong abih danak dak daong padang ngak 475 baoh sang jum pataom meng kadung jien daong di ban Đồng Nai, tui nan brei peih danak dak daong padang 300 baoh sang jum pataom ka urang kathaot, jaik kathaot meng kadung jien  kayua Tong Bi thu, Po negar Tô Lâm alin Kadung jien “Daong urang kathaot” tinh Dak Lak. Tui bruk ba tabiak, 300 baoh sang hu daong ka urang kathaot, jaik kathaot oh ka hu sang daok di tinh Dak Lak, daong jien 80 trieu dong sa baoh. 

Muk Lê Thị Bích Liên - Yam ndoc Pato megru Lam Dong khan brei thau, tỉnh daok pambuak bruk pataom sarak daong oh mek jien tapuk thun bac 2026 -2027 ka anek saih di bhum palei tui bruk ba tabiak di Rajaei. Anak meta, tỉnh brei ngak dahlau sarak nan ka dom anek saih bhum urang bangsa takik biak kan kandah, tapen negar, kaoh pulao, bhap bini urang bangsa…Meyah gilang pariak karja parabha hu tal abih, tinh brei daong taong abih anek saih. 

Kong an xã Đầm Dơi, tỉnh Cà Mau pambuak haong karja bhum palei saong đơn vị peih ngak, jao brei 6 baoh sang hu raidiuk kan kandah ka sang daok, baoh sang sarak saong bhap bini bangsa dalam xa. Dom baoh sang hu padang ngak di Danak dak daong ngak 500 baoh sang ka urang kathaot oh hu sang daok, urang dalam sarak karja saong urang bangsa takik dalam xa.  Bingun ini, Kong an xã Đầm Dơi hu alin brei yaok baoh sang sa paok kaya kuhria tui jien 500.000 ndong piah pacheih jak ba, klak rabha haong urang kan saong pambak paraong hatai anit ranam.

Mentri Kong nghiep saong Kong nghe Khaw tin Trung Quoc harei kabroi (20/7) khan lac, robot thaik manuac di negar ini meblah hu meteh di dunya, dalam tuk gah kong nghiep robot thong minh di Trung Quoc daok tagok samar. Dalam  gah robot thong minh, robot 4 takai kayua Trung Quoc ngak tabiak  meblah hu 70% jien mek tame di dunya, dalam tuk robot thaik manuac ngak hu labaih 400 thaik thaok, meblah hu meteh  di dunya.

Kapol alat ragam rock Rolling Stones di Anh hu labik dang ka 15 di album negar Anh ka album birau Foreign Tongues, daong ka kapol daoh take ini jaik sumu tanut glong di Kapol daoh Beatles. Kapol alat ragam rock ini birau mek hu labik dang akaok dalam sarak album di negar Anh thun 2023. Tapa 60 thun, Rolling Stones  lac sa dalam dom kapol daoh danei angan di dunya  saong hu tukvak ngak bruk suai lavik abih.

Tây Ban Nha gam gam rah tabiak apui khuah glai biak trak. Kuhria meng akaok thun 2026 mbiah tal ini, apui khuah  mbang labaih 70.000 ha glai saong dom phun hala kayau thu di taneh ia ini. Pandiak dui atah, langik thu lagu saong hangin  catang ba tal bruk pacang apui khuah gaok rilo kan kandah. Gah daong padam khuah, hu bruk daong di kapal ahaok piah pacang bala rah tabiak di labik daok bhap bini rahra. Yau nan min, pandiak saong hangin khang ngak ka dom mbang apui khuah  pambak praong tal Tay Ban Nha dalam dom harei anak tal./.