Di Labik Inem mek Sajarah Ilamo pakat Negar Kalan Lê Văn Duyệt (phuong Gia Định, Ban raya HCM) daok rah tabiak adat pachip padhi ka 194 Đức Thượng công Tả quân Lê Văn Duyệt. Rilo kapul meng dom danaok, kalan, rahra gam gam mai tal cuh gilau. Tả quân Lê Văn Duyệt menek thun 1763 di huyen Kiến Hưng, đạo Trường Đồn (urak ini daok di tinh Dong Thap). Ong hu ieu lac sa dalam lime urang tướng naih joi bijak di ban Gia Định, hu 2 mbang ngak Tổng trấn Gia Định ban, hu prein naih gheih dalam bruk peih taneh riya, patagok bhum taneh Meraong Negar.

Sở Kong thuong Dak Lak harei kabroi peih Nyaom biai jhul pakhang bruk pablei dom kaya hu lagaih ralo di tinh tame dom darak Halal. Jaik 100 urang lambaok dom Mentri, gah pakat karja Negar gam dom po ngak mbang pablei salih  dalam tinh hu mbaok tame. Ngak tabiak labaih café 560 ribau tấn, amriak kalu 84 ribau tan, durien  400 ribau tan saong kaya ia jaik 51 ribau tan yaok thun, tinh Dak Lak hu halau kaya ngak tabiak ralo, pabak ka bruk ngak tabiak kaya kan, pablei dalam negar saong pablei tabiak negar langiu. Yau nan min, darak pasar dom negar Isalam daok takik oh ka tal 9% kaya pablei tabiak negar langiu di tinh.

Tinh An Giang bahrau peih nyaom biai gah ngak mbang pablei salih, ngan haong kadha “Taoh talaih bruk gal tavak, palagah halau prein, jhuk tagok cakrok, daong gah ngak mbang salih hacih hijao. Piah ngak hu jalan caktok “dua lek taka”, ong Hồ Văn Mừng, Akaok UB Bhap bini tinh An Giang sanya tuk halei jeng daong gah ngak mbang pablei salih, gam haong nan brei mboh, taoh talaih kan kandah ka gah ngak mbang lac bruk bhian ngak, gam gam, oh hu tanut salah blaoh, oh tok hu ngak di dom nyaom biai yaok tukvak…

Meng thun bac ini, Ban raya HCM brei pato iek dahlau sap Anh ka pakat mam non, peih ngak dalam 3 thun.  Tui nan, danak dak pato tich hop sap Anh ka uranaih mam non hu peih ngak tui jalan halan hatian, hu bruk njauk hatai di amaik ame, cambaic laic saong oh pandar jien karja ka bruk ini.

Biar harei kabroi 10/9, mbang hajan praong dui suai atah di tuk urang blaoh bruk ngak ngak ka rilo jalan di Ban raya HCM dauk dalam ia, jalan mbak gal tavak di rilo labik. Rilo jalan di phuong Thạnh Mỹ Tây, Bình Quới, Bình Thạnh, Gia Định yau:  Bạch Đằng, Đinh Bộ Lĩnh, Ung Văn Khiêm, D5, Bình Quới... njauk ia dauk, hu labik dauk tal meteh baoh radaih. Bruk yau nan jeng rah tabiak di rilo jalan di phuong Thủ Đức, Linh Đông yau Tô Ngọc Vân, Linh Đông, jalan ka 2, jalan ka 12...njauk ia dauk ngak ka radaih nao mai biak kan kandah.

Thu tuong Malaysia Anwar Ibrahim khan lac, negar ini daok jhul paglong bruk ngak tabiak kaya nong pablei, piah duah jien tame saong paglong raidiuk ka dom baoh sang urang ngak nong sit sot. Tui nan, brei ngak dahlau di Rajaei Malaysia lac patruh iek, patrun kathaot, daong dom doanh nghiep sit saong baoh sang pablei salih, tapa nan rik tame paglong jien mek tame saong bruk ngak mbang ka bhap bini. Thu tuong Malaysia sanya brei daong dom baoh sang ngak mbang sit sot meng jien tapak saong buh jien ngak dom danak dak piah hu langaik ngak mbang. 

Thai Lan kuhria brei peih ngak danak dak pachreih jirah rivang bahrau hu yaom 3,5 ty baht (sumu labaih 100 trieu USD) di bilan 11 thun ini piah jhul tagok jirah rivang dalam negar saong brei daong prein ka cakrok kinh te. Danak dak ini brei pabak labaih 1 trieu paok daong rahra nao jirah rivang dalam negar. Danak dak ini brei pabak labaih 1 trieu paok daong rahra nao jirah dalam negar. Tui nan, urang hu mbaok tame danak brei hu daong jien daok pandaok rilo abih 1.500 baht/malam (labaih 45 USD). Yaok urang hu rilo abih 5 paok daong, sumu haong 5 malam daok pandaok.

Urang takre dom flim ilamo sahaneng atah dhua ngan haong kadha “ Nao sirah dom di dom baoh patuk” - Star Trek mek hu tanut glong abih Guinness Dunya di London, Anh, tuk 934 urang salam biak karei dalam dom flim. Bruk salam Vulcan biak karei di urang Vulcan dalam flim, pambuak haong Spock, kayua urang likei angan Leonard Nimoy dang angan dalam flim./.