So Y te Ban raya HCM kuhria ka sarak daong 8-30 trieu dong/bilan ka urang ngak bruk y te salih gauk ka labik ngak bruk. Jien buh tabiak rilo abih 108 ty dong/thun piah dui pachreih 1.000 bac si/thun, langyah bruk kurang ilamo dalam di 168 balai y te. Njauk ndom lac, di dom bhum kan kandah, urang y te brei hu tagok hệ số daong. Urang salih gauk nao tal xa kaoh pulao Thạnh An hu tagok hệ số 1,2 - rilo abih 24 trieu dong/bilan. Di kaoh pulao Con Dao, hệ số pandar lac 1,5 - sumu tanut daong glaong abih tagok tal 30 trieu dong/bilan, ngan haong bac si hu học hàm, học vị Tiến si tal Giáo sư atau bac si chuyen khoa II.

Danak dak “ 30 harei melam” ba tame ngak tui ma so bhum pala, labik papaok di tinh Dak Lak pataom tame pasang iek, pataom, tui tanut chuan saong ba tame dư liệu bhum pala, labik papaok angaok mang online ka phun durian. Dom kapol ngak bruk pambuak haong karja palei trun tal labik, duah thau khaw tin, ba tame angka so labik pala tame khik iek, dalam nan hu taneh, labik, po khik iek, harak ho so hukum karja saong bruk pala drak. Mbiah tal ini, 60%  taneh pala saong labik papaok  durian di tinh Dak Lak hu ngak tui taka so.

2 harei tapa, di tinh Dong Thap gam gam rah tabiak dom mbang hajan praong, ngak tabiak rilo kan kandah ka gah ngak nong. Rilo taneh njam patam, padai drak njauk ia dauk; dalam tuk mbang pala Hè Thu daok yam tame tabung glaong tuk yuak padai, jaleih padai, ngak tagok bruk khat lahik saong kan kandah tal padai pala hu, asar siam padai. Anak bruk nan, rahra brei srap gap dom jalan pacang khik bruk ngak tabiak, bhian pasang iek mblang hamu, peih lagaih ia nduac saong njuk tathuak ia tuk njauk ngak. Gam haong nan, caga do, bruk langik oh lagaih yau angin gaving, jakala klak, angin ndaoh khang.

Page ini 11/9, hu jaik 1.000 anek saih di dom labik sang bac di xã Tà Đùng, tỉnh Lâm Đồng brei padeih bac piah khik brei salamat kayua hajan dui atah. Dua harei tapa, hajan praong di ralo labik dalam tinh Lam Dong, ngak ia dauk, glut jaleih, ngak kan kandah tal raidiuk saong bruk ngak mbang pala drak di bhap bini. Bala oh ngak khat lahik tal manuac, min ngak 45 baoh sang gaok kan kandah, labaih 14 hecta phun pala ia dauk. Khat lahik camereip labaih 3 ti dong. Dom bhum palei daok jak ba urang daong ramik pasiam hadei bala rah tabiak.

UB Bhap bini tinh Gia Lai bahrau pasiam jalan caga ka rahra bhum bala ka 1.133 baoh sang di dom labik mbuan gaok bala, tagok 153 baoh sang dut saong jalan ngak akaok meti. Bruk pasiam piah jhul samar bruk panduan rahra tabiak truh bhum jaleih taneh, ia dauk tal labik salamat. Dom bhum palei hu jhul samar tukvak ngak dalam nan hu: Danak dak brei labik daok ka palei Trà Cong; Danak dak di palei Kraong Ba; Danak dak bhum jaleih taneh ceik Gành. Taong abih jien buh tabiak lac labaih 1.087 ty dong, dalam nan hu 207 ty dong daong tapak ka rahra ka sang daok, patagok jien bruk ngak tabiak, kaya mbang saong ia pandar.

Pahadar 25 thun taong patuh phao di harei 11/9 negar Mỹ, Tổng thư ký Liên Hợp Quốc Antonio Guterres iew brei pambuak sanya daong ka harei hadei oh daok chu nghia khung bo. Ong Guterres khan ka bruk patuh mbom  nan “sa bruk taong palai manuac sia”. Ong hadar tal jaik 3.000 urang mai meng negar Mỹ saong labaih 90 taneh ia karei, tui nan brei mboh bruk jum pataom haong baoh sang gam gauk gar di urang.

Danak dak taong tayah dom bruk chot pagat online di Campuchia mek hu rilo jak jeng. Rajaei negar ini daok patui veik patagok jalan pacang caga bahrau piah khik kajap dom jalan ngak duas oh meda ngak veik bruk suan hukum di Campuchia. Tal ini, kapul chuc nang Camphuchia mek kareik jaik 30.000 urang njauk medil ka duas mai meng 39 negar.

Bol lin daong duah urang gaok bala di Philippines daok kham duah 86 urang lahik hadei mbang rah tabiak bala di kapal gilai yulit, ngak 5 urang metai. Dom urang hu daong diuk khan veik ka bruk “ pandik harao”, dalam tuk gauk gar di dom tuai damuai lahik daok haduh hatai cang mong akaok urang dalam sang drei. Bruk daong gaok ralo kan kandah kayua riyak praong ba tal kapal gilai theik./.