Page ini 9/9, Bo Tu lenh Quan khu 7 peih bruk cuh gilau, pok tagok bangu pahadar dom bol lin krah bijak di labik roh duah, taoam atau talang bol lin dalam Bein bangu Lê Thị Riêng, phuong Hòa Hưng, Ban raya HCM. Hadei adat cuh gilau, urang pan akaok Bo Tu lenh Quan khu 7 tapak pasang iek bruk roh duah di labik bahrau duah mboh talei labang dalam luac jalan peih praong labik roh duah Khu A. Labik ini daok jaik laik duah mboh, pataom atau talang bol lin akaok meti. Hadei tuk duah mboh, Kapul K47 peih bruk pacang khik labik, pataom kapul urang, radaih roh duah, pataom tui njauk bruk, khik kajap tani tanat.

Kapol kuac duah, pataom atau talang liet si K76 (Bộ Chỉ huy Quân sự Ban Đồng Nai) birau duah mboh 8 atau talang liet si di mblang kapal ahaok Lộc Ninh klak, kuhria abih tih duah hu 18 atau talang. Mblang kapal ahaok Lộc Ninh bhian lac labik bol lin kayua Mỹ saong karja Ngụy padang meng thun 1965. Dalam dom mbang taong mbom khang, rilo urang jakar urang lin di Sư doan 7 ndih trun ka taneh ia di labik ini.

Bruk roh duah hu brei mboh, hatai caong ka sang daok rahra di tinh Ca Mau urak ini lac biakpraong, urang jakar, kong chuc, vien chuc hu labaih 2.000 urang hu hatai caong blei, pah sang daok. Dalam tinh Ca Mau urak ini hu 3 danak dak Sang daok rahra daok hu kuhria padang labaih 1.200 baoh sang. Tukvak anak tal tinh brei pato tacei dui katut tukvak harak gal karja, jhul khang bruk peih paha mbaok taneh, dui pachreih gah buh jien tame kajap khang, khik kajap samu ka gah pabak saong ngak siam lagaih sarak daok dang mbang ngui di rahra.

UBND xã Tuy Phong, tinh Lâm Đồng khan lac, khan brei thau ka bruk tut angan mesre phun jien, padeih kuhria jien laba, kadun tukvak bayar sre saong trun jien laba ka dom baoh sang pambak tal bruk talah binek ia di ceik Tân Lai di melam harei 01/11/2025, piah padang bruk ngak mbang gilac veik. Tui UBND xã Tuy Phong, mbiah tal harei 10 bilan 9 thun 2026, meyah baoh sang, urang oh tut angan makna lac oh khin mesre phun jien, pagol sre, kadun tukvak bayar sre saong trun laba lap.

Ruak meruai gila di tinh Dong Thap oh ka hu pacang cakak, bruk mbuan tamuh saong pambak jit ruak lac daok biak glaong. Makna pasak abih kayua bruk klauk jru vaccine meruai gila ka asau mayao di dom bhum daok biar; bruk raong asau, mayao palao di jalan jeng daok rilo; bruk khan ka raong asau, mayao saong pasang iek tapol athur raong oh ka khang catang…Anak bruk nan, UB Bhap bini tinh Dong Thap bahrau hu harak caong khin samar chip, ngak khang catang dom jalan pacang caga jit ruak meruai gila di anek athur…

Bol lin Mỹ harei kabroi 8/9 cuh tame 5 kapal gilai pajeng menyek di Iran bo Washington hu pambuak tal Bol lin Ve binh Cach mang Islam Iran piah cagar veik ka bruk cuh ten lua đạn đạo tame sa kapal gilai Mỹ. Ini lac bruk cagar gauk birau ini di tathik Mỹ saong Iran. Puac adit tapa, Iran duah jalan taong tame mblang kapal haok saong sa kapal Mỹ.

Indonesia khan brei thau hu kareik bambang jaik 2.000 ging mbang huak di danak dak Var huak Dinh duong oh mek jien, oh tut angan Harak brei adat salamat kaya mbang. Bruk kareik bambang saong pasang duah iek ini brei mboh ka sanya di Rajaei dalam bruk khik tani tanat asar siam, salamat dinh duong saong salamat ka taong abih urang hu kein lagaih meng danak dak Var huak Dinh duong oh mek jien di Indonesia. Tal ini, taong abih dom urang njauk jru mek kaya mbang pambuak tal danak dak var huak oh mek jien ini tagok tal 50.000 urang.

Canada harei kabroi brei kuhria jien je labaih 20 ti USD kaya kan  blei tame meng Mỹ, brei mboh bruk cuang kandah birau dalam bruk pablei salih di dua taneh ia. Dom jien je di Canada  meng 15% tal 50%, kuhria ka rilo janih kaya di Mỹ, dalam nan hu thép, nhom, kaya kan pandar dalam sang, khan ao, kaya kan ndien tu saong dom kaya nong./.