Ban raya HCM caong khin patrun dom urang Uy vien UB Bhap bini Ban raya HCM meng 18 trun oh tapa 8 urang. Dom Uy vien UB Bhap bini Ban raya hu dom urang dang akaok jabat ndom meyai ka Jabat, Jien padai, Noi vu, Hukum, Padang, Ngak nong saong Alam langik, Tu lenh Bo Tu lenh Ban raya HCM saong Yam ndok Kong an Ban raya HCM. Ban raya jeng caong khimn yaok labik karja pakat xa oh hu tal 3 urang Phaok Akaok UB Bhap bini. Tui adat, kuhria rah tapa hu 2,5 Phaok Akaok UB Bhap bini di yaok labik karja pakat xa urak ini oh ka khik kajap urang pato tacei, dui ba saong ngak dom bruk patagok KT-XH di ban raya.

Tui bruk ba tabiak, page ini 10/9, Peih bruk pajang ba, bayar atau talang liet si hu peih ngak di Kubo liet si Bến Lức, tinh Tây Ninh. Hadei adat pok bingu, cuh gilau kakuk, dom atau talang liet si hu pajeng ba tal Ga Bol lin, Mblang kapak ahaok Dunya Tan So Nhat, hadei di nan pajeng  ba tabiak Mblang kapal ahaok Bol lin Gia Lâm, Hà Nội. Di labik ini, dom atau talang hu jao brei dut iek ADN, tapa nan rik tame dua thau angan talang liet si, rik daong ba khaw tin ka dom urang ndih trun var klak rup drei hu gilac veik mai haong baoh sang, palei pala di drei.

Hadei 10 thun, Sang iek ruak Uranaih 1, Ban raya HCM hu jeng labik taong ruak ka rilo uranaih njauk ruak trak haong dom ilamo ky thuat hadah bahrau. Harei kabroi 9/9, pahadar harei padang, Sang iek ruak hu brei angan Anh hung Lao dong mbang ka dua. Meng sa labik y te sit, Sang iek ruak Uranaih 1 urak ini lac labik taong ruak, daong chip saong pabak prein yava ka rilo uranaih ruak trak. Jalan “kakei caga bhong maraih” kayua sang iek ruak peih ngak hu yai Nhat Yai thuong Hadah krah Ban raya HCM saong hu peih praong di dalam negar, daong pahadiuk yaok ribau uranaih ruak trak.

Piah caga hu siam lagaih haong langik EI Nino, ong Lê Văn Sử, Pho Akok UBND tỉnh Cà Mau caong khin dom don vi brei pataom tame ngak bruk, pasiam dom danak dak pabak ia pataom di palei pala; brei samar ngak dom danak dak ba ia ka palei pala; peih praong bruk ba ia, brei dom kuang padang ia; jak ba dom gah manuac sia piah daong bhap bini di dom labik kurang ia. Tui nan, caga apui khuah glai, khik iek binek ia ka siam, duh ka bruk pala drak raong glang; abih di nyu lac padai hadang, padai bilan thu dong.  

Dom sang bac mam non saong tieu hoc di xa Cuôr Đăng, tinh Dak Lak, hu labaih 300 adei hu srap gap brei ka anek saih padeih bac harei kabroi 9/9 saong ramik srap gap tukvak bac pabak. Bruk ini hu ba tabiak hadei mbang hajan praong di atah, ia kandaong ngak dauk di sa labik saong ia nduac khang tapa jalan mbak. Atah di ini 2 thun, sa rahra hu njauk ia theik tame braong tathuak ia saong metai. Karja xa Cuôr Đăng hu caong khin dom pakat, dom gah pasiam bruk ia sua dauk min tal ini jeng oh ka hu peih ngak.

Bangladesh daok yam tapa mbang tamuh jit ruak sởi biak trak dalam sajarah dakrao, hu jaik 1.000 mbang urang metai kayua ruak soi kuhria meng bilan 3. Gah y te di negar ini daok cakong nong trak kayua ngak bruk tapa prein, kurang manuac ngak bruk saong uranaih ruak parailo. Njauk caik hatai, labaih 80%  dom urang ruak tukva camereip lac umo ala 5 thun. 

Yaom menyek dunya tagok khang dalam harei 9/9, ngan haong menyek Brent mbang akaok meti truh tapa tanut 100 USD/thung kuhria meng puac bilan 7, tuk dom mbang taong tame bahrau di Trung Dong ngak tagok bruk suhsah ka bruk klaih klaoh halau pabak tapa eo tasik Hormuz saong Biển Đỏ. Jabat Nang luong Dunya (IEA) kuhria ka halau pabak menyek dalam dunya thun ini meda trun 4,3 trieu thung/harei, rilo meng lac kayua khat lahik halau pabak di Trung Đông saong Nga.

Pak ceik apui di Indonesia, harei kabroi pruh bau ging. Urang ilimo atah klak dom asar kadha ndem suan ka dom mbang pruh nan hu pambuak patui gauk. Njauk caik hatai, kapol urang cih vak 8 urang nao gilai peih drah samar mai vak mbai gaok bala lahik. Urak ini dom kapol roh duah daok pasang iek dom labik hu pambuak phone mbang puac dahlau lahik./.