Mentri Bangsa saong Aguma hu jao bruk srap gap Danak dak kuhria taong abih, padang sarak bahrau salih ka Sarak ka 24 -NQ/TW harei 12/3/2003 di Mbang Chap hanh Trung uong Ndang ka bruk bangsa. Ndom khang ini lac bruk hu makna di Mbang Thuong vu Ndang uy Mentri saong Mentri Bangsa saong Aguma dalam thun 2026 - 2027, Thu truong Thuong truc Nguyễn Hoài Anh caong khin luac jalan peih ngak brei hu ilamo, khang catang, khik kajap bruk siam lagaih. Bruk kuhria taong abih, ndom meyai padang sarak brei ngak lagaih tui pato tacei di Ndang uy Rajaei, thau cambaih ka caong khin, asal kadha saong tukvak ngak. Danak dak brei mboh njauk lagaih peih ngak saong dom bruk salih dalam raidiuk mikva bangsa takik…

Sang bac THPT Bùi Thị Xuân, Ban raya  Ho Chi Minh ba Don ca tai tu tame patao bac meng thun 2026 -2027. Ini lac THPT akaok meti di TPHCM hu pato Don ca tai tu ka anek saih oh mek jien. Yaok adit hu bac sa tiet. Yaok adit di harei Sanecar, Kalup kapol Don ca tai tu peih tal pato bac, peih praong ka anek saih, gru pato saong amaik ame. Danak dak kayua dom nghe nhan, nghe si mai meng Pasak Parang daoh saong Pato don ca tai tu TPHCM gam haong Mblang daoh TPHCM peih pato.

Ban raya HCM daok mek panuac rahra ka jalan tah angan bein bangu di jalan ka 1 Lý Thái Tổ, phuong Vườn Lài. Tui nan, harei 31/7/2026, Kapul langyah ndom meyai ka tah angan, salih angan jalan saong danak dak dalam rahra di Ban raya HCM hu nyaom biai saong njauk hatai ka bruk tah angan Bein bangu di jalan ka 1 Lý Thái Tổ, phuong Vườn Lài lac “Bein bangu Lý Thái Tổ”. Tukvak taduan panuac hu meng harei 10/9 saong dui atah tal abih harei 20/9 anak tal. Rahra meda hu mbaok tame ndom meyai online tapa harak kayua UB Bhap bini phuong pabak.

Yaom lac jaik tal Tet Trung thu ye, labik ngak gom menyek Phú Bình, phường Hòa Bình, TP.HCM (Quận 11 klak) jua pa oh hu thei blei. Urang blei trun meteh, dom baoh sang ngak bruk ini haduh hatai mboh bruk pablei salih thun ini tapa jaik abih. Dom urang ngak gom menyek  pak ini, bilan katut dahlau Ia bilan 8 pumi  lac tukvak duah jien tame ralo dalam thun. Oh lac takik tuai, palei ngak gom menyek having akaok ka jien blei kaya kan yau la-a kreim, ba-ar sambo mau yaom chiat…

Meng bruk jak ba siam di Đại đức Danh Dung, dang akaok Sang baha Đồng Tranh – Urang hu angan je dalam bhap bini bangsa Khmer xa Vĩnh Bình, tinh An Giang, 150 paok pandap bahrau hu alin brei ka dom adei anek saih bangsa takik raidiuk kan kandah. Yaok banah kaya alin hu kaya duh ka bac megru saong jien mbaok oh tok ngak patrun naong trak jien blei pandar kaya bac megru ka dom baoh sang mikva Khmer kathaot blaoh daok brei mboh sa talei pambuak hu makna di Urang hu angan je dalam bruk daong gam haong karja palei sangka ka bruk pato megru ka mikva bangsa takik.

Palei Zundert, bhum palei di urang cih thaik binguk Van Gogh negar Hà Lan, birau peih bruk ba bingu trun jalan praong abih di dunya ini, ngan haong dom bruk ngak praong prang meng yaok rituh  ribau baoh bingu thược dược. Thun ini brei mboh mbang ka 80 di roya, pataom tame 20 labik daok di bhap bini hu tame pakacah. Yaok bruk ngak hu labaih 500.000 baoh bingu thược dược, pachreih ralo tuai damuai mai maong iek.

Rilo rahra bhum palei saong tuai damuai ba gauk mai palei Roum, di gah Meraong Nam Lebanon, piah tui iek mbang pakacah anek lừa yaok thun, sa danak dak piah pamedeih ilamo hu meng thun 1964. Raya lac bingun piah taduan bruk di anek lừa dalam raidiuk ngak nong di rahra bhum palei. Hu mbaok tame mbang kacah yaok mbang hu dua urang haong dua drei lừa nduac di jalan atah labaih 300m. Rilo rahra dang rah tui jalan kacah saong di dom sang glaong vil taom dan piah daong prein.

Meng bruk pachreih urang bac tapuk takik abih 15 minit yaok harei di Singapore tal danak dak daong harak blei tapuk di Malaysia, dua taneh ia daok peih ngak dom bruk hadah krah piah ba tapuk mai jaik haong bhap bini, raong ba bruk  bhian randap saong patagok ilimo bac dalam jaman birau. Di Singapore, danak dak caong khin pachreih hu 150.000 urang hu mbaok di bilan 9 thun 2027. Njauk ndem lac, bilan 9 yaok thun  hu Singapore palih ruah Bilan Bac tapuk pakat negar./.