Ini lac dom darak pasar dulich inbound praong saong bak prein khang di dulich Viet Nam

Page harei ini, Ban raya HCM peih nyaom Darak Dulich pakat dunya Ban raya HCM 2022 hu mbaok di ong Nguyễn Văn Nên- Uỷ viên Mentri Chính trị, Bí thư Thành ủy Ban raya HCM gam haong labaih 1.500 urang lambaok 45 tỉnh ban saong 28 taneh ia, bhum taneh. Ngan haong kadha “Gam khang takai, gam yam tagok”, Nyaom darak hu 150 “ urang blei lpakat dunya” tame duah thau, blei salih. Ini lac dom darak pasar dulich inbound praong saong bak prein khang di dulich Viet Nam yau: Mỹ, Úc, Anh, Pháp, Đức, Ý, Nga...Nyaom darak mbang ini caong lac peih tabiak labaih 6.000 mbang sanya pablei salih di urang blei saong dom đơn vị parang iek.

Tổng cục Hải quan Trung Quốc bahrau pasang iek brei adat 51 mã số bhum pala, 25 mã số labik tame paok durian di Việt Nam hu adat pablei tapa Trung Quốc. Bruk brei mã số ni brei mboh lac jaik abih mã số bhum pala, labik tame paok durian di Việt Nam pabak hu tanut biak catang di drak pasa Trung Quốc. Yau nan, meng harei 8.9.2022, durian Việt Nam hu pablei tapa negar Trung Quốc. Ni lac, sa bruk bui sambai ngan song dom sang bein pala durian di Tây Nguyên song Nam Bộ.

Urang pala tabau di huyện Phụng Hiệp, tỉnh Hậu Giang labik hu bhum taneh pala tabau praong abih di bhum taneran kraong Cuu Long, daok chreih chrai tuk pablei tabau hu yaom glong. Bilan tabau thun 2021-2022, huyện Phụng Hiệp trun pajaih hu labaih 3.600 ha. Mbiah tal tukvak ini, urang ngak nong kaoh tabau hu jaik 1.300 ha. Ngan haong tabau pala hu dalam thun ini kuhria rah tapa hu 105 tấn sa hecta ngan haong yaom pablei meng 2.800-3.500 đồng/kg, yaok công tabau urang pala laba hu meng 15 tal 20 trieu đồng.

Công an tỉnh Bình Dương hu khởi tố bruk “Ngak suan adat ka bruk pacang khuah pandam khuah” piah pasang iek ngak brei cambaih laih makna di bruk khuah khang di kuan karaoke An Phú, ban Thuận An ngak brei 32 urang metai. Hu thau, pui khuah di tal 2 song tal 3 di kuan karaoke. Dahlau di tuk khuah, hu 5 dalam 30 bilik dok ngak bruk song hu labaih 60 urang hu mbaok pak di labik nan. Urak ni, bruk nan dok hu jabat chức năng ngak brei cambaih laih.

Pasak Pasang iek ruak kik tỉnh Bà Rịa - Vũng Tàu birau khan lac hu veik sa urang metai kayua ruak pandiak tabiak darah (SXH). Urang ruak metai lac uraniah umo 5 thun di huyện Châu Đức, njauk sốc SXH trak kayua SXH, nhiễm trùng darah, ruak jalan suan yawa. Yau nan meng kaok thun mbiah tal ini tỉnh hu 10 urang metai saong 11.122 urang njauk ruak SXH.

Tui hãng tin Yonhap song Reuters, Hàn Quốc hu panuac ieu ginum biai song Triều Tiên ka danak dak taom gaok boh sang njauk calah gauk dalam bruk mesruh metak Triều Tiên 1950-1953 dalam tuk lễ Chuseok (lễ Trung Thu), sa dalam dom rija yaok thun prong abih di bhap bini Hàn Quốc song Triều Tiên. Min, Hàn Quốc oh mong iek bruk dong ngak pahla lac jalan piah peih bruk ndom biai nao mai di tuk vak ni.

Tổng thống Philipin birau njauk hatai brei padeih bruk cuk pataik pacang pabah di labik langiu langik, hadei di labaih 2 thun taneh ia ini brei ngak tui piah pacang bruk njaom mbak di jit COVID-19. Philipin lac sa dalam dom taneh ia gaok kan kandah trak kayua jit ruak praong COVID-19, ngan haong bruk taneh ia brei ngak tui sa dalam dom mbang pacang dui atah di dunya, ngak kan kandah praong tal bruk cak rok patagok. Harei 7/9 taneh ia ini hu 1 ribau 750 mbang urang njom ruak COVID-19 birau. Ini lac harei ka 2 gam gam trun ala 2 birau. Dalam adit tapa, urang njom ruak kuhria rah tapa yaok harei di taneh ia ini biar jang labaih 10% dut saong adit dahlau di nan./.

Tal tuk vak ni, bruk megei boh taneh prong 6,8 di tỉnh Tứ Xuyên, Trung Quốc ngak ka 74 urang metai. Urak ni, rilo urang dok gar veik dalam labik megei boh taneh, bruk sami samar glong di abih ngan song bruk megei boh taneh hu kích hoạt. Labaih 6.600 urang dong duah dok kham merat duah dom urang dok duik song panduan ba rahra tal labik siam mekre. Hu jiak 250 boh sang jaleih, labaih 13 ribau boh sanng khut . Megei boh taneh ngak lihik điện di rilo labik, rilo jalan nduac samar njauk glut jaleih . Labaih 11.000 urang hu ba tabiak truh labik mbuan si jaleih taneh atau jaleih sang./.

Urang lang: Hani Pha & Bhumi – 08/09