Khik ramik siam mekre salamat bruk nao mai angaok jalan mbak dalam tuk padeih lễ Quốc khánh 2/9

Patui veik mbang nyaom ka Adat Hukum bilan 8, harei ini, Ủy ban Thường vụ Quốc hội (TVQH) brei panuac ka dự thảo sarak patabiak Adat di mbang nyaom Quốc hội (pasiam veik). Dự thảo Sarak ini piah rik daong jhul samar bruk ngak di Quốc hội dak harei dak siam lagaih saong paglaong jang chất lượng, siam lagaih di dom mbang nyaom di Quốc hội. Dom urang QH jeng hu njauk gauk khik tamo adat di urak ini ka tukvak brei panuac rilo abih di dom urang Quốc hội lac oh tapa 7 minit piah palagaih ka urang Quốc hội dalam bruk caga dahlau dom asal kadha, khik tani tanat tukvak piah pathau khan ginup dom asal kadha ginum biai. Min, chủ tọa meda rami ramik tukvak ndom puac di urang Quốc hội.

Beir harei 16/08, Ủy viên mintri Chính trị, Phó Thủ tướng Thường trực Phạm Bình Minh hu mbaoh tangin tame harak ka 724 di Thủ tướng rajaei ka bruk khik ramik siam mekre salamat bruk nao mai angaok jalan mbak dalam tuk padeih lễ Quốc khánh 2/9 anak tal. Dalam nan, Thủ tướng ieu dom jabat ngak mbang gah pajeng ba, dom mblang radaih, sang ga, mblang kapan haoh, pabah lamnge tasik, bến đò dalam tỉnh ban) peih ngak siam dom briuk batabiak di hukum ka trật tự, an toàn giao thông; jhul khang bruk pandar công nghệ, piah pablei harak vé điện tử, patagok chất lượng dịch vụ, brei thau cambaih yaom harak vé tui tuyến, tuk vak song janih dịch vụ; oh caik rah tabiak bruk jhul gauk ba tal bruk gar jalan di dom mblang radaih, sang ga, bến cảng, oh brei pajeng rilo menuac urang jang adat ba tabiak, ngak njauk tui dom adat ka bruk pacang caga jit COVID-19.

Tui yaok pataom di Mintri pato magru, thun ini, abih tih anek saih tut angan tame pilih ruah đại học lac labaih 940 ribau anek saih. Maong 5 bier harei 20/08 meda tamat tukvak tut angan tame pilih ruah, min kuhria tal maong 5 bier harei 16/08, meng hu labaih 563 ribau abek saih tut angan tame nguyện vọng ba tagok Hệ thống daong ka bruk pilih ruah di Mintri pato magru. Taong abih dom nguyện vọng bo anek saih hu tut angan tame lac labaih 2 triệu 602 ribau. Mintri pato magru kakei lac, dom anek saih oh njauk cang tal harei puac di abih (lac harei 20/08) meng tut angan tame piah plaih dom bala di gah ilamo mayah hu.

Meng harei 13/8/2022 tal ni, di tỉnh Bình Phước hu rah tabiak hajan khang , ngak ka sa binah labik mbon ceik di palei 9 xã Thống Nhất, huyện Bù Đăng glut jaleih, mbaok jalan njauk glut jaleih, kan kandah tal bruk nao mai song pajeng ba pandap kaya nong di yaok rituh boh sang pak ni. Yaok ribau mét vuông mblang taneh mbon ceik njauk talah song glut jaleih , glut trun jalan pambuak palei 9 song palei 10 xã Thống Nhất, ngak kan kandah ka menuac urang, song radaih pajeng ba nao mai.

Pambuak tal bruk pandar jru mek xyanua pametai ame rahtabiak atah di ini labaih 7 bilan, Jabat Cảnh sát pasang iek, Công an tỉnh Bà Rịa - Vũng Tàu brei thau, bahrau ngak salah bruk pasang iek, payua harak gar tapa Viện Kiểm sát bhap bini (VKSND) gam pakat ieu langyah tui hukum bị can Tống Thị Tùng Linh, umo 21 thun, daok di phường Phước Nguyên, ban Bà Rịa ngan haong 3 duas lac pametai manuac; pablei salih jru mek saong ngak palai pajoa drap ar.

Tổng thống Mỹ Joe Biden harei kabroi bahrau mbaoh tangin brei tabiak hukum trun lạm phát hu yaom yaok rituh tỷ USD, bruk ni hu mong lac jayah khang di đảng Dân chủ dalam bruk kham merat pacang biến đổi khí hậu song patagok bruk iek glang pren yava ka rahra. Hukum bahrau ni, pataom tame bruk pacang caga biến đối khí hậu, tagok jien je ngan song dom kapul nyaom song peih prong bruk iek glang pren yava ka bhap bini.

Sri Lanka meda oh brei dui atah bruk samar drah, hu ba tabiak ngak meng bilan 7 piah pasang iek dom mbang trun jalan cagar veik rajaei. Sarak bahrau hu Tổng thống Sri Lanka Ranil Wickremesinghe ba tabiak dalam tuk an ninh di dom taneh ia Nam Á ini hu tani tanat.

Sa mbang không kích di bol bala Thổ Nhĩ Kỳ pamong tame đồn tapen negar di Syria pametai 15 urang harei kabroi (16-8).Mbang tong nan rah tabiak dalam tuk dom mbang tong gauk rah tabiak meng melam ka 2 di gah Thổ Nhĩ Kỳ song dom urang lin Kurd, di tapen negar gah brak Syria. Bruk srau kadau ini meda ba tal mesruh gauk bahrau di Thổ Nhĩ Kỳ song Syria, gam song nan, ngak tayah bruk padeih cuk di 2 gah dui atah jiak sa thun tapa./.

Urang lang: Hani Pha & Thu Thao – 17/08