Du thao ini langyah bruk ngak suan khik caga du lieu di urang, yau ye: bruk blei, pablei du lieu di urang, meda taong phat tal 10 mbang dut haong jien mek tame meng bruk ngak suan; ngan haong bruk payua du lieu di urang tapa negar karei, njauk taong phat tal 5% jien mek tame di thun dahlau; daok dom bruk ngak suan karei njauk taong phạt 3 ti dong.

Harei ini, labaih 76.000 anek saih di TPHCM ngak harak pakacah saong pang asar kadha pakacah tame tal 10. Kuhria taong abih 115 sang bac THPT lac labaih 70.000 anek saih, trun 27.330 anek saih  dut saong thun dahlau. Harei 6/6, di page anek saih hu pakacah mon Ngu van (120 minit), biar harei Ngoai ngu (90 minit). Harei  7/6, page anek saih pakacah mon Toan 120 minit. Dahlau di nan, So Pato megru TPHCM khan lac hu 944 anek saih meh hu jai pakat negar, dunya hu ginup palih tapak tame tal bac 10 tui bruk ba tabiak.

Harei 5/6, di xã An Định, huyện Mỏ Cày Nam, tỉnh Bến Tre rah tabiak Bruk jak ba guak pala phun pachreih tui Harei Alam Moi truong dunya 5/6. Urak ini bruk ramik hareik nerak, hareik katak nhua daok rilo kan kandah, oh ka langyah hu abih nerak di dom labik pataom hareik. Piah ngak hu siam bruk padang Ben Tre hijao - hacih – patagok khang kajap, dom gah, dom pakat saong bhap bini brei sangka  ngak hacih alam moi truong di dom labik pambuk hareik; pasang iek, ramik dom labik tuh hareik gah langiu; padang ngak Sang mac ramik hareik Ben Tre, kuhria ba tame ngak bruk di thun 2027.

UB bhap bini ban Can Tho kham merat tal thun 2030 ngak hu salah blaoh 9.100 baoh sang di rahra. Urak ini ban hu 7 danak dak sang daok xa hoi hu peih ngak jaik 3.900 baoh sang daok ka urang jien mek tame takik. Bruk caong khin hu sang daok  dalam nan hu sang daok ka rahra di ban Can Tho meda tagok rilo kayua hadei tuk pagam tinh, yaok pluh ribau urang jakar, kong chuc, vien chuc meng Hau Giang saong tinh Soc Trang mai ngak bruk pak ini.

Di huyen U Minh, tinh Cà Mau birau hu hangin khang ngak jaleih abih 6 baoh sang; 12 baoh sang par tabung; 2 gilai ikan dauk dalam ia, urak ini jabat karja daok duah daong, oh ka kuhria hu bruk khat lahik. UBND huyen U Minh hu daong ka po sang glut jaleih 3 trieu dong, sang par tabung hu daong 2 trieu dong. Tui nan, caong khin karja palei sangka jak ba dom gah piah sumu daong dom baoh sang samar ramik pasiam hadei bala rah tabiak, tani tanat raidiuk.

Dom blah web hu ngan je di Campuchia ba sumu gauk panuac di Rajaei Patao Campuchia  ka bruk kan kandah di labik tapen negar Thai Lan. Panuac khan lac meng dahlau diah mai tal harei ini di Rajaei Campuchia dalam bruk meblah gauk taneh tapen negar haong Thai Lan lac ngak njauk tui hukum dunya saong langyah dalam sron mbon. Dalama nan, Rajaei Campuchia sa mbang tra iew Thai Lan pambuak bruk pathau bruk meblah gauk yau urak ini tagok Toa an Cong ly Dunya.

Tong thong Donald Trump hu mbaoh harak pakauk tame negar. Tui sarak ni, bhap bini meng 12 taneh ia brei pakauk tame Mỹ nan lac: Afghanistan, Myanmar, Chad, Congo, Guinea Xích Đạo, Eritrea, Haiti, Iran, Libya, Somalia, Sudan saong Yemen. Dalam tuk nan, bhap bini di 7 taneh ia Burundi, Cuba, Lào, Sierra Leone, Togo, Turkmenistan saong Venezuela brei takik tame negar Mỹ. Dalam sarak ini, ong Trump lac: “Dahlak ngak bruk piah khik brei salamat saong kein laba taneh ia jeng yau khik ka rahra Mỹ”.

Takik abih lac 11 urang metai saong yaok pluh urang karei njauk rambuac kayua juah gauk di mblang dat blong Chinnaswamy di ban Bengaluru, Ấn Độ dahlau tuk mbang uan caoh mbanh mek hu Yai Ngoai hang Ấn Độ di mon 16 tuk harei 4/6 tui tukvak pak nan. Tui harak pathau khan, bruk juah gauk rah tabiak hu yaok ribau urang takre iek caoh mbanh  kham jaik gauk tapa pambang tame dalam mblang caoh mbanh./.