Vn dok klauk jru ka dom urang ngak gah Y tế 

Dah page ni 14/5, Việt Nam hu gac 30 urang njom COVID-19 bahrau, dalam nan hu 29 urang njom dalam rahra di bhum hu pacing cakak, brei daok karei. Tỉnh hu urang njom rilo abih lac Bắc Giang, hu 10 urang njom COVID-19 di labik ngak cong Vân Trung, huyện Việt Yên. Tui harak pato tacei pasram duah manuac taom gaok haong urang hu dut iek SARS-CoV-2 dương tính, kayua mintri Y tế ba tabiak di harei 3/12/2020, ndem cambaih, ngan haong dom urang lac F1 bo ka oh hu jabat chức năng duah mboh, drei njauk samar drah nao tal dom bilai pathau khan y tế piah pathau khan y te ka ginup, cambaih laih atau pathau khan điện tử di https://tokhaiyte.vn/. Drei jeng njauk ieu phone tal jalan pandiak di Mintri Y tế 1900.9095, pasak pasang iek ruak kik di labik drei daok, labik y te jaik di abih. Ngak njauk tui panuac kakei lac daok karei takik di abih lac 21 harei gam gam, kuhria meng harei tame labik daok karei pataom gauk atau taom gaok mbang puac abih ngan haong urang njom virus.

Jabat Cảnh sát điều tra Công an TP Hải Dương bahrau ba tabiak bruk piah kaoh duas BN3051 angan Đào D.T., urang tam Vn suan hukum meng Lào mai ngak njom mbak jit Covid-19 ka rilo urang. Tuie harak gar di Công an ban  Hải Dương mong mboh bruk ngak di D.T. lac biak trak, jhak ka  xã hội, srau kadau tal an ninh trật tự, gaok tal bruk siam mekre ka menuac urang , pren yava di bhap bini song xã hội song tabiak harak brei kaoh tui hukum hình sự bruk "ngak njom mbak ruak truyền nhiễm kan kandah ka anek menuac", tui khoản 1 paka 240  Bộ Luật Hình sự piah pasang iek.

Kuhria tal uraj ni, dalam negar hu 14 tỉnh, ban hu labik buh phiếu hu brei pilih ruah avar. Piah khik tani tanat bruk pilih ruah aval njauk haong hukum, Hội đồng pilih ruah pakat negar hu ieu kakei Ủy ban pilih ruah dom tinh, bal peih bruk pilih ruah aval, samar drah tagok jalan peih bruk pilih ruah aval saong jhul khang bruk pathau khan, yaih khan ka bruk pilih ruah. Dom kapul pilih ruah njauk bhian pathau khan brei cử tri thau ka harei pilih ruah aval, labik buh phiếu, tukvak buh phiếu. dom kapul ngak bruk gah pilih ruah njauk pasang iek veik dom bruk njauk ngak dahlau, dalam saong hadei  di harei pilih ruah, khik ginup tukvak ngak salah njauk haong adat hukum.

Mesup ni, mintri ngak nong song patagok palei pala peih nyaom biai  online  jhul pakhang bruk palei salih kaya nong dalam tuk jit  Covid-19. Tui kuhria mboh , dalam tuk jit Covid 19 rah tabiak srau kadau, bruk ngak mbang pablei salih kaya nong gaok rilo kan kandah tavak tavaiy, abih di nyu nan lac ngan song dom janih pandap,dok tame bilan paik boh  yau njam patam,vải, darang…Tui nan, dom jabat dut iek phun pala  brei tui iek, pambuak song bruk urak ni song samar khan dom salih bahrau dalam bruk pacang jit di Trung Quốc kan kandah ka bruk pablei salih nao mai piah samar langyah; tacei pato, dong palagaih ka bruk nao mai,xuất nhập khẩu,pablei salih pandap panda, abih di nyu nan lac pandap pabak ka bruk sản xuất song pablei salih kaya nong di dom tỉnh ban hu jit Covid 19.

Jabat cảnh sát pasang iek Công an huyện Mỹ Xuyên tỉnh Sóc Trăng hu ba bruk tabiak piah kaoh tui hukum, chap kreik Nguyễn Hoàng Vũ (umo 41 thun, daok di Hòa Tú 1, huyện Mỹ Xuyên, tỉnh Sóc Trăng) ka duas "khin ngak rambuac urang karei". Tui harak gar, Nguyễn T.B.L. hu anek lac kamuan N.T.H. (umo 6 thun). Hadei di nan, L. tok pasang lac Nguyễn Hoàng Vũ saong urak ni hu 2 anek. Puac bilan 4-2021, Công an xã Ngọc Tố taduan hu panuac khan lac kamuan H. njauk ame hmam lac Vũ taong paoh nan ye biak samar drah ngak cambaih bruk ni. Tapa pasang iek ngak cambaih, maong 10 melam 21-4, hadei di tuk nao manyum alak mai, Vũ par to Thái Lan ngak rambuac di tasau gah haluk, bara gah ieu di kamuan H. Dahlau din an, Vũ hu 5 mbang mek pakao daok khuah cuh tame rilo labik dir up kamuan H.

Njauk lahik meng 2-3 thun piah hu miễn dịch bhap bini di dunya  piah pacang veik Covid-19 tapa bruk klauk jru. Urang roh duah ka jalan suah yava dang akaok Trung Quốc, ong Chung Nam Sơn batabiak panuac lac di sa nyaom biaia di  Hội đồng Khoa học Châu Á hu peih tabiak di ban Quảng Châu, Trung Quốc harei kabroi (13/5).Tui ong, piah hu  miễn dịch cộng đồng tapa njom mbak eng njauk hu  70-80% urang njom ruak  song  5% urang metai di dunya. Jalan ngak ni lac "oh njauk haong bruk di anak meta, oh njauk haong ilamu khoa học song oh hu nhân đạo".Ong ndom lac: “oh hu negar halei lac siam mekre mbiah tal tuk tong abih dom negar jeng hu siam mekre.”

Tổng thống Mỹ Joe Biden bahrau brei panuac piah ka bhap bini dig ah timur negar My jhui suh sah ka bruk kurang xang menyek, hadei di tuk njauk taong tame mạng ngak kan kandah tal dom hệ thống di Colonial Pipeline di adit dahlau.Ong Bai-đừn ieu kakei yaok urang oh blei xăng manyek rilo jang tanut pandar. Tổng thống Bai-đừn jeng sa mbang tra ndem lac, Nhà Trắng oh jia lac rajaei Nga hu mbaok tame bruk taong ni, min hu makna biak njauk piah jia lac dom kol tội phạm hu padang bruk taong ni daok  di Nga.

Bol lin  Israel harei ni brei thau bruk pandar  gah  không quân song bộ binh piah tong tame Dải Gaza, piah cagar veik  dom mbang cuk tên lửa di khol Hamas dok pasang iek Dải Gaza. Dalam tuk nan,  dom tuk hadei di panuac khan di bol lin I-xra-en,  Mintri Ngoại giao I-xra-en ndom lac bol lin I-xra-en oh yam tapa jalan tapen negar  piah tame Dải Gaza.Bruk meriak gauk di  I-xra-en song  Ha-mát dom harei tapa hu tong yaom lac biak khang di abih kuhria meng bruk mesruh metak di thun 2014 di Dải Gaza, ngak ka bhap bini dunya  huac lac mbuan si rah tabiak bruk mesruh metak biak prong dalam  bhum./.

Urang lang : Hanipha- Thu Thảo- 14/5