Phó Thủ tướng hu nao rivang urang taha umo di tỉnh Nghệ An 

Tui Hukum pilih ruah urang ka QH saong urang ka HĐND dom pakat, menuac tabiak ka urang pilih ruah ka QH brei pabak hu dom tanut di urang QH hu tacei tabiak dalam hukum Tổ chức Quốc hội. Tui nan, rahra umo ginup meng 21 thun tagok kuhria meng harei brei thau lac harei pilih ruah, abih hatai jai haong taneh ia, haong bhap bini saong hukum negar, kham merat peih ngak bruk salih bahrau, brei ka rahra kaya meda, taneh ia khang kadang, dân chủ, công bằng, văn minh; hu hatung hatai siam, cần, kiệm, liêm, chính, chí công vô tư, ba akaok nao dahlau dalam dom bruk ngak njauk tui adat hukum, khang hatai mesruh pacang tham nhũng, palai pajoa, pacang hách dịch, cửa quyền saong dom bruk ngak suan adat hukum karei karei, bac da-a glaong, hu ilamu ngak bruk, hu prein yava saong angan je piah ngak bruk di urang QH, pambuak khang kajap haong bhap bini, hu bhap bini jia tui, hu tukvak saong lagaih piah ngak bruk di QH saong lac menuac hu quốc tịch Việt Nam. Dom asal kadha ini hu tacei tabiak dalam Hukum pilih ruah urang ka QH saong urang ka HĐND dom pakat saong Hukum pasiam, pabak dom paka di Hukum tổ chức Quốc hội.

Dah page ni 17-3, Thủ tướng Nguyễn Xuân Phúc dang akaok mbang ginum biai online di Thường trực rajaei haong mban pato tacei pakat negar pacang caga jit COVID-19 ngan haong 63 tỉnh, bal ka bruk taong yaom dom bruk ngak hu dalam bruk pacang caga jit dalam tukvak tapa, ginum biai ka dom jalan langyah praong piah pacang caga jit ka nyu siam lagaih dalam tukvak anak tal. gah Y tế dunya (WHO) kuhria lac bruk njom mbak ruak meda daok rahtabiak sarau kadhau saong meda daok dui atah dalam 1-2 thun hadei. Di gah châu Âu, châu Á, châu Mỹ jit ruak jeng ka oh mboh trun ngan haong bruk rahtabiak rilo chủng biến thể bahrau di virus yaom lac rilo negar daok jhul samar bruk klauk jru pacang caga rjit. Dalam negar drei meda pacang caga hu jit ruak, pacang cakak bruk njom mbak tabiak praong, min bruk mbuan tamuh tabiakjit, abih di nyu nan lac ngan haong dom đô thị praong, lac labik pataom rilo manuac, hu rahra daok glaong; taphia di nan lac bruk mbuan njom mbak jit ruak kayua bruk tame negar suan hukum.

Kuhria tal abih harei 16-3, labaih 16.000 urang di dom kapul pacang jit hu klauk vắc xin saong hu mboh prein yava tani tanat. AstraZeneca meda pabak jru ka Việt Nam tui kuhria lac dalam bilan 3-2021. Mintri Y tế daok ginum biai haong dom Cty karei piah hu rilo labik pabak jru. Mintri Y tế daok ngak bruk haong Pfizer, tui kuhria gah nan meda pabak brei 30 triệu mbang dalam thun 2021. Lingiu di nan, Mintri Y tế jeng ginum biai piah blei vắc xin di Johnson & Johnson, Modema, haong gah negar Nga.

Viện Vệ sinh Dịch tễ Trung ương bahrau hu kết quả dut iek SARS-CoV-2 di 2.885 urang ngak di labik công nghiệp Cộng Hòa (ban Chí Linh, tỉnh Hải Dương). Tui nan, abih tih dom urang ngak ni jeng âm tính haong virus SARS-CoV-2. Pamaong tame bruk dut iek saong taong yaom abih tih bruk mbuan njom mbak ruak, jabat chức năng meda brei thau tukvak nao ngak gilac veik di dom urang ngak di Công ty POYUN saong dom công ty karei dalam labik CN Cộng Hòa (ban Chí Linh).

Dalam dom mbang pakacah dom thun dahlau daih, sap negar lingiu hu kuhria hệ số 1, dalam tuk Toán haong Ngữ văn hệ số 2 min meng thun bac 2021-2022, Sở Pato megru TP.HCM hu panuac likau UBND TP salih hệ số 3 môn pakacah tui jalan patagok hệ số môn sap negar lingiu. Tui nan, abih  3 môn pakacah lac Toán, Ngữ văn saong sap negar lingiu hu kuhria hệ số 1. Dalam nan,  mon pakacah sap negar lingiu tui kuhria brei tagok tukvak ngak bài (meng 60 minit tagok 90 minit), saong brei rilo câu hỏi  jang. Bruk nan piah jhul patagok labik dang di sap negar lingiu dalam bruk pato saong bac di dom sang bac phổ thông, palagaih ka anek saih hadei di tuk tamat THPT meda hu ilamu samu haong harak, chứng chỉ sap negar lingiu di dunya.

Ủy ban peih bruk Olympic Tokyo harei kabroi (16-3) jak ba dom manuac sia dang di ar jalan piah pachreih tui harei rok đuốc njauk cuk pataik pacang pabah saong peih bruk daok paatah di gauk, piah pacang caga bruk njom mbak di jit Covid-19.  Mban peih bruk jeng ieu kakei dom urang ngak bruk rok đuốc njauk dut iek Covid-10 dahlau di tuk nao meng Tokyo tal dom tinh, bal karei. Jalan rok đuốc dui atah 121 harei ngan haong bruk hu mbaok di yaok ribau urang camriep meng harei 25-3 meng pasak pasram pakat negar Nhật Bản (J-Village) di tỉnh Phư-cư-si-ma (Fukushima) tal harei halei peih pakak Olympic 23-7.

Gah Y tế dunya harei kabroi daok brei panuac lac, tal tukvak ini, oh hu bruk pambuak gauk halei di vắc-xin haong dom bruk trak damak gah darah rah tabiak di dom menuac hu klauk vaccin. UB salamat di jabat Jru châu Âu jeng brei thau, urak ini oh hu makna hagait piah salih karei ngan saong vắc-xin di A-xtra Dê-nê-ca, lac sa dalam 4 janih vắc-xin bo urang hu brei adat pandar. Jabat Jru châu Âu daok duah thau 30 urang njauk srau kadau gah darah dalam 5 triệu menuac hu klauk vắc-xin di A-xtra Dê-nê-ca saong tui kuhria hu khan brei thau ka bruk nan di harei page.

Harei 16-3, akaok mintri An ninh kanja Mỹ Alejandro Mayorkas brei thau negar Mỹ meda gaok bruk di dân biak praong tal jalan tapen negar tây nam negar di negar ni dalam 20 thun tapa, dalam tuk rajaei Tổng thống Joe Biden kham marat langyah bruk ranaih duah jalan tapa jalan tapen negar Mỹ - Mexico sa drei.Rahtabiak dalam mbang sua tangi di mangaok rayo papar ABC khan brei thau di harei 16-3, Tổng thống Mỹ Joe Biden hu jak ba dom urang di dân hu caong tal Mỹ oh njauk nao tal negar ni./.

Urang lang: Thu Thảo -Mousaphuong -17/3