Bruk langyah dom chế độ hu peih ngak ginup, samar drah, njauk haong adat hukum

Kuhria tal urak ini, dalam tỉnh Bà Rịa Vũng Tàu hu langyah labaih 40.000 harak gar hồ sơ urang buh prein ka cách mạng, biyar yaok bilan ka labaih 7.000 urang hu buh prein ka taneh ia saong gauk gar di urang nan ngan haong yaom jien biyar abih tih lac jaik 12 tỷ đồng sa bilan. Bruk langyah dom chế độ hu peih ngak ginup, samar drah, njauk haong adat hukum. Langiu di dom chế độ hu brei adat di Trung ương, yaok thun tỉnh Bà Rịa – Vũng Tàu daok hu buh tabiak jaik 50 tỷ đồng piah daong ngak pasiam veik sang danaok, rivang – alin hadaih pandap tuk lễ, Tết ka thương bệnh binh trak saong daong tuk kan kandah ka dom urang mbang tui sarak kanja.

Meng harei 22/07, anek saih dalam taneh ia hu tut angan tame hatai khin palih ruah đại học. Tui bruk ba tabiak di mintri pato megru , anek saih brei tut angan tong abih dom hatai khin tui jalan palih ruah di labik pato pakai angaok hệ thống lọc ảo di mintri. Min, urak ni , dom sang bac đại học ieu anek saih hu trúng tuyển avar meng dom jalan oh pandar kết quả pakacah tốt nghiệp brei hu panuac lac tame bac suan hukum , ngak ka anek saih duh hatai.

Piah patagok bruk klauk vaccine pacang caga ruak COVID-19, UBND tỉnh An Giang ieu kakei dom sở, mban, ngành, puk palei dalam tinh jhul samar veik bruk klauk vaccine pacang caga ruak COVID-19 mbang ka 3 ka urang meng umo 12 thun tagok, klauk salah 2 mbang ka uranaih meng umo 5 thun tal mala 12 thun dalam bilan 8/2022, klauk mbang ka 4 ka dom urang njauk klauk tui panuac kakei di Mintri Y tế.

Tui mban pacang caga bala meng langik tasik song dong duah urang gaok bala tỉnh Bình Thuận, tal jala pandiak harei 22/7, sa kapan pajeng ba angaok tasik meng Ai Cập nao tal Trung Quốc srong hu gaiy la-i hu 5 urang dok duik di kapan ikan BTh 97478 TS. Pren yava di 5 urang nan hu tani tanat. Pasak pambuak bruk dong duah urang gaok bala jalan tasik bhum III hu panuac cong kapan BUFFALO salih jalan nao gah Nha Trang piah jao 5 urang. Yau khaw tin hu batabiak , kapan ikan BTh 97478 TS tabiak tasik meng pabah lamnge Phan Thiết harei 21/6, tong chap di labik tasik Trường Sa - DK1, angaok kapan hu 15 urang. Tukvak 5 tuk 7 minte harei 10/7, di angaok jalan mai veik pabah lamnge Phan Thiết kapan gaok bala. Harei 19/7, kapan ikan di tỉnh Bình Định dong hu 4 urang dok duik di mangaok kapan li –I di kapan BTh 97478. 

Bộ Tư lệnh Bhum Cảnh sát tasik 3 brei thau, maong 5, 15 minit bier harei 21/7, dalam tuk daok ngak bruk di labik atah di gah Nam - Đông Nam Mỏ Lan Tây 9,5 hải lý, gilai Cảnh sát tasik 6007 (di Bhum Cảnh sát tasik 3) taduan hu khau tin meng gilai taong ikan BV 5274TS, di gilai hu sa urang taong ikan njauk bala saong hu panuac ieu daong samar drah. Tal maong 6 harei nan, gilai Cảnh sát tasik 6007 hu nao tal labik gilai taong ikan nan. Urang njauk bala lac saai Võ Minh Thành (ndih tapui thun 1983, daok di ban sit Long Hải, huyện Long Điền). Tui pathau khan meng dom urang taong ikan di gilai, dalam tuk katung halam, saai Thành njauk blait takai labuh trun kateik tagok to cakak halam haluh ka-ing lahik biak rilo darah. Kapul quân y di gilai Cảnh sát tasik hu samar drah tapa gilai taong ikan piah daong, cấp cứu ka urang taong ikan. Saai Thành hadei di nan hu siam veik prein yava.

Tui jabat khik ramik jru tavoa Australia , hu 320 janih jru hu mong lac dok dalam bruk kurang, takik, dalam nan hu 50 janih hu mong lac biak kurang. Dom janih jru ini hu gam jru iek ruak me eik saradang, jru iek ruak trầm cảm, taglaoh ta-ok, đột quỵ song jru plaih di metian.Hiệp hội jru tavoa Australia daok brei thau lac kurang jru cảm lạnh song cúm, dalam nan hu jru paracetamol janih ia brei ka uranaih meng di tuk ruak cúm song Covid-19 dok pambak praong dalam negar.

Harei 22/7, Rajaei bahrau di Srilanka hu ngak adat tagok pan bruk. Tui dom gah pathau khan, Rajaei bahrau meda hu takik di nyu lac 30 akaok mintri piah ba taneh ia yam tapa srau kadau kinh tế biak trak damak di urak ini, dalam nan hu nghị sỹ Dinesh Gunawardena tui kuhria hu pok ngak Thủ tướng. Dahlau di nan, ong Ranil Wickremesinghe, lac urang hu 6 mbang ngak Thủ tướng Sri Lanka, hu tagok ngak Tổng thống ngan haong bruk pachreih tui di jaik abih nghị sĩ di Quốc hội.

Dalam mbang ginum biai ka patak pataom padai brah song pacang palai pajoa pandap mbang hu peih tabiak bahrau ni, jabat tabiak jalan kinh tế dang akaok Trung Quốc - Ủy ban Salih bahrau song patagok pakat negar brei thau lac jhul khang bruk patrun palai pajoa pandap mbang, piah khik ramik siam mekre padai brah ka taneh ia 1,4 tỷ menuac ni. Pathau khan roh duah di Ủy ban Thường vụ Đại hội đại biểu bhap bini pakat negar (Quốc hội) Trung Quốc brei mboh, hu labaih 18 triệu tấn pandap mbang njauk palai pajoa yaok thun dalam gah dịch vụ mbang menyum di ban prong dalam taneh ia ./.

Urang lang: Thu Thao & Hani Pha – 23/07